Монгол Улсын Их Хурлын гишүүн Ж.Алдаржавхлан мэдээлэл өглөө. Тэрбээр "Улаанбаатар хотод хамгийн тулгамдсан асуудал бол сургууль, цэцэрлэгийн хүртээмж байгаа. Хотхон, хорооллууд баригддаг ч гэсэн огт сургуульгүй баригддаг. Энэ асуудлыг засахын тулд өнгөрсөн намраас энэ төсөл дээр ажиллаж, ИХ-д өргөн бариад, Засгийн газраас саналаа аваад өнөөдрөөс хэрэгжүүлж эхэллээ. Энэ хуулийн гол агуулга нь 1000 хүртэл хүн амтай хотхон шинээр барихаар төлөвлөх юм бол заавал сургууль, цэцэрлэгтэй байх ёстой гэх заалтыг оруулж байгаа. Том компаниуд, нийгмийн хариуцлагын хүрээнд сургуулиа заавал барих ёстой. Үнэхээр чадахгүй бол улсад газраа гаргаж өгөх хэрэгтэй. Тиймээс анхнаас нь сургууль, цэцэрлэгтэй байх ёстой гэдэг хуулийн заалтыг хот байгуулалтын хуульд оруулж өгч байгаа. Хэрэв барилгын ажил нь эхэлж байгаа, эхэлчихсэн дундаа орж байгаа бол энэ шаардлагад заавал нийцүүл гэж байгаа" гэлээ.