ОДОО ОД ЗАНГАА ОРХИОД СОЁЛТОЙ, ЗАРЧИМТАЙ, ҮЛГЭР ДУУРАЙЛАЛТАЙ БАЙМААР БАЙНА, УРАН БҮТЭЭЛЧИД ЭЭ

2025-05-13, 2416

"Би Гавьяат жүжигчин хүн. 21 хүний өмнө дуулахгүй" гээд Б.Сарантуяа дуучин Австри Улсын Вена хотод тоглохоор товлосон тоглолтоо орхиод явсан гэх юм. Цөөн хүн ч үзэгч шүү дээ. Уран бүтээлчид үзэгчдээ их, багаар нь ангилж, их хүн үзвэл тайзнаа гарч, бага хүн үзвэл тоглолтоо цуцалдаг дүрэм журам хаана байна. Урлагт 20 гаруй жил дуулчихаад, үзэгчдийн урам дэмээр өдий хүрчихээд одоо ингэж цол гуншин ярьж, од зан гаргамааргүй байна аа, уран бүтээлчид ээ. Харин ч уран бүтээлч хүнд өөрийн гэсэн соёл, дүрэм журам, зарчим байх ёстой. Түүн дээр бусдад үзүүлэх үлгэр дуурайлал гэж зүйл нэмэгддэг.

Олон жил дуулж, ард түмнийхээ хайрыг хүртсэн уран бүтээлчдээс бусад уран бүтээлч ч урам авч, үлгэр авдаг. Гэтэл үзэгчдээ голж тоглолтоо орхидог үлгэр үзүүлээд байж болно гэж үү. Залуу уран бүтээлчдээс дараагийн удаа "Гавьяат ингээд тоглолтоо орхиж байсан. Болдог юм билээ" гээд энд, тэнд үзэгчдээ голж, тоглолтоо цуцалсан, нэг л их бардамнаж, ихэрхсэн хүмүүс болох вий дээ. Өөрсдийгөө хүндлүүлэх гэсэн, үргэлж тахин шүтэгдэх гэсэн ийм нэг явуургүй зан халдварлаж, уран бүтээлчдээр дамжих юм бол үзэгчид өнөөдөр хэнийг үзэж, хүндэлж, дууг нь шимтэх болж байна.

Тун саяхан гарсан жишээ л энэ. Бусдаар бол манай уран бүтээлчид хар тамхи хэрэглэх, буруу зөрүү үг ярих, инээдтэй юм ярьж байна гээд хүчирхийллийн тухай юу ч болоогүй юм шиг ярьдаг жишээ ч бий. Та бүхэн санаж байгаа бол дуучин С.Сэрчмаа, "Никитон" хамтлагийн Б.Батчулуун нар хөгжилтэй яриа дэлгэж байна, онигоо ярьж байна гэхдээ хүчирхийллийн кэйс ярьж байсныг. Нэг нь хүчирхийлэл хийсэн тухай ярьж байхад нөгөө нь түүнийг нь юман чинээ бодохгүй инээж байсныг. Энэ асуудалд дараа нь уран бүтээлчид уучлалт гуйж, мэдэгдэл хийсэн. Гэхдээ уран бүтээлчдийн хувьд ёс зүйн том алдаа гаргасан. Уран бүтээлчдийн ийм нэг жишээ дуусашгүй. Хамгийн сүүлд гэхэд дуучин Г.Эрдэнэтунгалаг "Анухай фитнесс" шоунд оролцож байх үеэрээ зүй зохисгүй үгсийг хэлж байгааг олон нийт шүүмжилж байгаа. Түүнчлэн уран бүтээлчид сошиал орчинд лайв хийж бусад руу уурлах, гүтгэж, доромжилсон пост хийх нь ч энүүхэнд болсон. Урлаг соёлын салбарт нь бусдыг дагуулан манлайлах, тэднийг соён гэгээрүүлэхээр ажилладаг бол, чин сэтгэлээсээ уран бүтээлийн төлөө явдаг л бол уран бүтээлч хүний хамгийн эхний зарчим үзэгчдээ хүндлэх. Тэдэнд аль ч талаараа хүндлэлийг, үлгэрлийг үзүүлэх ёстой. Ялангуяа, гадны оронд очихоороо илүү зөв зүйтэй, ухаалаг байж, авьяас билгээ үзүүлмээр. Монгол Улсдаа Төрийн соёрхолт, Гавьяат байж болно. Монголчууд хайрлан хүндэтгэж, дууг нь шимтэн сонсдог байж болох ч өөр улсад тийм биш шүү дээ.

Гадны оронд оччихоод Монголдоо байгаа юм шиг эрхэлнэ гэж байхгүй шүү дээ. Үүнийг ухамсарласан, ойлгодог уран бүтээлчид ч бий. Тухайлбал, МУГЖ Ш.Доржсүрэн "Урлагийнхан маань өөрсдөө өөрчлөгд. Өөрсдийгөө их мяндагтан гэж боддогоо боль гэж хэлмээр байна. Хүнтэй хоолонд ороход ядаж тооцоогоо хувааж хийж сур. Гадагшаа очоод монголчуудаараа дайлуулж дайлуулчихаад эргээд Монголд ирэхээр нь огт танихгүй дээгүүр харчихдаг гэдэг. Урлаг спортынхон өөрсдийгөө дандаа хүнээс авах л учиртай төрсөн гэж эндүүрдэг санагддаг" гэж нэвтрүүлэгт орох үеэрээ ярьж байсан. Үнэхээр энэ л санаа юм. Гавьяат болчихоороо, урлагт олон жил дуулснаараа түрий барьж, хаан, хатан мэт хүндлүүлж, хүссэнээрээ байх гэдгээ болих хэрэгтэй.

ОДОО ОД ЗАНГАА ОРХИОД СОЁЛТОЙ, ЗАРЧИМТАЙ, ҮЛГЭР ДУУРАЙЛАЛТАЙ БАЙМААР БАЙНА, УРАН БҮТЭЭЛЧИД ЭЭ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 7

Сэтгэгдэл үлдээсэн: 2025-05-13 19:13:53

Зочин: ANUSDI80955877SEXSEER VANXANDI BOOW XXNO
Сэтгэгдэл үлдээсэн: 2025-05-13 19:05:03

Зочин: Эрдэнэтунгалагийг амьдаар нь харсан, тагдайсан намхан бүдүүн муухай хүүхэн бнлээ, гүйээ тийм байж өөрийгөө од гээд бодцон ааш араншин байж байгаа нь арай2
Сэтгэгдэл үлдээсэн: 2025-05-13 15:30:23

Зочин: Зууны манлай гэж хэн цоллосон юм бэ. Урлагийнхан өөрсөддөө элдэв нэр өгөөд тэрэндээ бүр итгэчхээд томорч өгөх юмаа. Сарантуяа мөнгөтэй хүмүүстэй холбогдож хүүхэд гаргадаг байсан одоо гадаадад байгаа эх нутгаа санасан хүмүүсийг саана гэж бодож дээ.
Сэтгэгдэл үлдээсэн: 2025-05-13 15:30:22

Зочин: Зууны манлай гэж хэн цоллосон юм бэ. Урлагийнхан өөрсөддөө элдэв нэр өгөөд тэрэндээ бүр итгэчхээд томорч өгөх юмаа. Сарантуяа мөнгөтэй хүмүүстэй холбогдож хүүхэд гаргадаг байсан одоо гадаадад байгаа эх нутгаа санасан хүмүүсийг саана гэж бодож дээ.
Сэтгэгдэл үлдээсэн: 2025-05-13 11:41:24

ариун: Дэлхийн тавцанд гараад олон юм хуцаасай... нэг муу сонины захиалагчдын санал асуулгаар тэр сонины л манлай юм шд Кккк Өөрөөс илүү дуулдаг өчнөөн л залуус ахмадууд бгаа больж үз
Сэтгэгдэл үлдээсэн: 2025-05-13 10:40:07

Ганзоригт: Сайхан уран бүтээлчид байнаа Харин тэднийг харь оронд урьж авчраад ганц ширээ дүүрэн суугаагүй хүмүүсийн өмнө дуулуулах гэж оролдсон тэр эмэгтэй л буруутай.Хүн хүндлэх ёс гэж байдаг гэтэл тэр авгай түрэмгийлэх зан га
Сэтгэгдэл үлдээсэн: 2025-05-13 09:17:59

Тиймээ зөв: Зөв зөв. Эрдэнэтунгалаг гэж дуучинг сонсоод байдагт л асуудал байгаа юм. Нээх сонин шд. Дэнжийн 1000 аас хойшоо од байх л даа.