Хотын дарга захирамж гаргаж, сайжруулсан шахмал түлшийг БНХАУ-аас авах авахаар болсон гэх мэдээлэл цахим сүлжээнд цацагдаад байна. Ингэснээр ирэх намраас иргэд БНХАУ-д үйлдвэрлэсэн шахмал түлш хэрэглэнэ гэх. Бид энэ талаар НЗДТГ-ын Олон нийттэй харилцах хэлтсийн дарга Г.Баярцэцэгээс тодрууллаа.  

Г.Баярцэцэг “Сайжруулсан шахмал түлшийг БНХАУ-аас оруулж ирэхгүй. Хотын даргын шийдвэр гараагүй. Энэ бол ор үндэслэлгүй худал мэдээлэл байна. Ирэх намар халаалтын улирлаас өмнө 50 орчим мянган өрхийг цахилгаан болон хийн түлшинд шилжүүлэхээр ажиллаж байгаа. Хийн түлшинд шилжих гэж байгаа учраас сайжруулсан шахмал түлш хятадаас авах шаардлагагүй. Харин “Тавантолгой түлш” ХХК үйлдвэрлэлээ явуулж байгаа. Иргэдийн хэрэгцээг хангана” гэлээ.