ИЛ ЗАХИДАЛ

2024-10-30, 1788

Монгол Улсын Их Хурлын дарга Д.Амарбаясгалан Танаа

Төрийнхөө хуулийг хэрэгжүүлж, Улсын Дээд Шүүхийн шийдвэрийг хэрэгжүүлж өгнө үү

Уламжлалт анагаах ухааны элэг судлалын клиник төвийн менежментийн хувьчлалыг дуусгавар болгох тухай Улсын дээд шүүхээс эцэслэн гарсан шийдвэрийг Улаанбаатар хотын дарга хэрэгжүүлэхгүй байгаагаас болж, хохирдгоороо хохирч, гүтгүүлж доромжлуулж, эцэстээ хүн ардынхаа эрүүл энхийн төлөө зогсоно гэж өргөсөн тангаргаа биелүүлж чадахгүйд хүрэх нөхцөл байдал үүсч байгаа тул Монгол Улсын хууль тогтоох дээд байгууллагын тэргүүн танд хандаж байна.

Монгол Улсын Их Хурлаас баталсан төрийн бодлогыг хэрэгжүүлж, хуулийн дагуу явагдсан нэмэлт хөрөнгө оруулалт бүхий менежментийн хувьчлалд оролцож ялалт байгуулан гурван жилийн хугацаатай гэрээ байгуулан ажиллаж, гэрээний үүргээ бүрэн биелүүлэн дуусгавар болгосноос хойш 12 жил, Гэрээний үүргээ биелүүлсэн гэдгийг Монгол Улсын дээд шүүхээс эцэслэн тогтоосноос хойш 10 жил, Шүүхийн шийдвэрийг албадан биелүүлэх ажиллагаа эхэлснээс хойш 9 жил өнгөрч байгаа атал өнөөдрийг хүртэл эцэслэн шийдэгдээгүй явж, бид хуулийн дагуу шийдэгдэнэ гэж хүлээж, хохирсоор ирлээ. Тодруулбал,

-“Уламжлалт анагаах ухааны элэг судлалын клиник төв”-ийн Менежментийн хувьчлал Монгол Улсын Их хурлын 56 дугаар тогтоол, Засгийн газрын 34 дүгээр тогтоол, Нийслэлийн иргэдийн Төлөөлөгчдийн Хурлын тэргүүлэгчдийн 128 болон 61 дүгээр тогтоол, Нийслэлийн өмч хувьчлалын комисс /НӨХК/-ын 73 дугаар тогтоолуудын дагуу 2008-2011 онд нийт 3 жилийн хугацаатай явагдаж, НӨХК-ын 2012 оны 1 дүгээр сарын 17-ны өдрийн 12-р тогтоолоор Менежментийн гэрээний биелэлтийг “Хангалттай” гэж дүгнэгдсэн.

Төрийн болон орон нутгийн өмчийн тухай хууль /ТБОНӨТХ/ болон гэрээнд заасны дагуу Нэмэлт хөрөнгө оруулалт хийх нөхцөлтэйгөөр Менежментийн хувьчлал хийгдэж дууссан тул НӨХКомисс нь хууль, гэрээний заалтын дагуу өмчийг шилжүүлж, дуусгавар болгох шийдвэрийг гаргах ёстой байсан атал гэрээнд огт заагдаагүй “нэг жилээр сунган ажиллуулах” гэдэг шийдвэр гаргасны улмаас эцэслэн шийдвэрлэгдэхгүй байсаар “Уламжлалт анагаах ухааны элэг судлалын клиник төв”-ийн хувьчлал шүүхийн байгууллагад шилжсэн. “Уламжлалт анагаах ухааны элэг судлалын клиник төв”-ийг хувьчлах, менежментийн гэрээг дуусгавар болгох асуудал шүүхийн гурван шат дамжин улмаар Монгол Улсын дээд шүүхээр эцэслэгдэн шийдвэрлэгдэж, Улсын дээд шүүх 2014 оны 2 дугаар сарын 18-ны өдөр Нийслэлийн өмч хувьчлах комиссын 2012 оны 1 дүгээр сарын 17-ны өдрийн 12 дугаар тогтоолын 2 дугаар заалтыг “Илт хууль бус болохыг” тогтоож, “Гэрээний дагуу дуусгавар болгосон шийдвэрийг гаргахыг Нийслэлийн өмч хувьчлах комисс-т даалгасугай” гэсэн 620 дугаартай шийдвэрээ гаргасан билээ. Улсын дээд шүүхийн дээрх шийдвэрийг албадан гүйцэтгэх тухай “Шүүхийн шийдвэр гүйцэтгэх газар”-ын 2015 оны 10 дугаар сарын 01-ний өдрийн 97 дугаартай албадан гүйцэтгүүлэх хуудсыг НӨХК-т хүргүүлсний дагуу Нийслэлийн шүүхийн шийдвэр гүйцэтгэх байгууллага албадан гүйцэтгэх ажиллагааг эхлүүлсэн боловч асуудал өнөөдрийг хүртэл эцэслэн шийдвэрлэгдэхгүй байгаа учраас бид Монгол Улсын Ерөнхийлөгч, Ерөнхий сайд, Хууль зүй дотоод хэргийн сайд, Монгол Улсын хүний эрхийн комисст хандсан. Гэвч нийслэлийн Засаг дарга бөгөөд Улаанбаатар хотын захирагч Х.Нямбаатарын 2024 оны дөрөвдүгээр сараас эхэлсэн менежментийн багийн талаар олон нийтэд худал мэдээлэл өгөх, гүтгэж, хүний нэр хүнд, өмч хөрөнгө, хүний эрхийг ноцтой зөрчсөн балмад үйл ажиллагааг зогсоохгүйгээр барахгүй, хууль зөрчсөн үйлдэл нь улам даамжиран, гүтгэлэг гүжирдлэгээ уулзалт цуглаан бүртээ үргэлжлүүлсээр байна. Төрийн тэргүүн, Засгийн газарт хотын дарга Х.Нямбаатарыг хуулийн хил хязгаарыг зөрчихийг нь зогсоож өгөхийг хүссэн боловч, хотын даргын хуулиас давсан үйлдэл хэрээс хэтэрч, хүн арддаа 1989 оноос тасралтгүй 35 жил үзүүлж байгаа эмнэлэгийн тусламжийн үйл ажиллагааг үндэслэлгүйгээр буруутган гуйвуулж, төрийн өмчийг үнэгүй эзэмшин завшигч мэтээр сурталчилсаар л байна.

Монгол Улсын Дээд шүүхийн шийдвэрийг хэрэгжүүлэх шаардлагыг бид олон удаа Нийслэлийн Өмчийн харилцааны газар, Шүүхийн шийдвэр гүйцэтгэлийн байгууллагад албан тоотоор хүргүүлсэн бөгөөд хүсэлт, шаардлага хүргүүлэх бүрт Нийслэлийн харьяа мэргэжлийн хяналт, эрүүл мэндийн хяналт, аудит зэрэг нийслэлийн харьяа хяналт шалгалтын чиг үүрэг бүхий бүх газраас “Уламжлалт анагаах ухааны элэг судлалын клиник төв”-д шалгалт оруулах; менежментийн гэрээнд заагдаагүй, илт хууль зөрчсөн, хуулийн эсрэг ажиллахыг тулгах; хууль, журмын дагуу хийгдсэн ажлуудыг буруутгахыг оролдох; газрын зөвшөөрөл зэрэг бичиг баримтыг сунгаж шийдвэрлэхгүй хэдэн жилээр чирэгдүүлэн дарах; төр засаг, олон нийт, ард иргэдэд буруу ташаа ойлголт өгөх зорилгоор хэвлэл мэдээлэл болон нийгмийн сүлжээгээр худал мэдээлэл тараах; хэрэгжих боломжгүй шаардлага тавих зэрэг төрийн байгууллага, төрийн албан хаагчдын мэргэжлийн ёс зүй, үүрэг хариуцлага, өргөсөн тангарагийн эсрэг увайгүй үйлдэл, үйл ажиллагаа өнөөдрийг хүртэл үргэлжилсээр байгааг бид холбогдох дарга нарт мэдээлж, хууль зөрчсөн үйлдлээ зогсоохыг сануулсаар байгаа.

Шүүхийн шийдвэрийн гүйцэтгэх газраас Улсын дээд шүүхийн шийдвэрийг албадан гүйцэтгэх ажиллагаа явагдаж байгааг мэдэгдсээр байтал, Нийслэлийн харьяа төр захиргааны холбогдох байгууллагуудаар үйл ажиллагааг тасалдуулах дарамтуудыг тасралтгүй үзүүлсээр байна. Уламжлалт анагаах ухааны элэг судлалын клиник төвийн Менежментийн баг нь 2008-2011 оны хооронд Менежментийн хувьчлал явагдаж, ТБОНӨТХууль, гэрээнд заасны дагуу НӨХКомиссын 12 дугаар тогтоолоор Гэрээний биелэлтийг “хангалттай” биелэгдсэн гэж дүгнэгдэн дуусгавар болсон учраас 2012 онд Гүйцэтгэх захирал Х.Гүрбазарыг хууль, журамд заасны дагуу менежментийн багаас томилсон, мөн ажлаас чөлөөлөх эрх менежментийн багт байхад НЭМГ-ын дарга П.Эрхэмбулган дарга өөрт байхгүй эрхийг эдлэн, тушаал гаргаж чөлөөлөх зэргээр хууль дүрэмд үл нийцэх, хууль бус зарчимгүй үйл ажиллагаануудыг удаа дараалан давтан үйлдсээр, төрийн хууль цаазыг завхруулсаар байна. Нийслэлийн өмчийн харилцааны газрын даргын үүрэг гүйцэтгэгч Оюумаа эмийн үйлдвэрийн барилгын халаалтыг зогсоох шийдвэрийг хуулийн хүчин төгөлдөр бус тогтоол үндэслэн гаргаж, 11 сар гарах гэж байхад дулаан халаалтыг хууль зөрчин хаасан байгаагаас үүдэн гарах хохирлыг үүрэг гүйцэтгэгч, хотын дарга хоёрын хэн нь хариуцах вэ.

Хотын дарга өөрөө шийдвэрээ гаргахгүй, дандаа үүрэг гүйцэтгэгч төрийн албан хаагч нарыг хууль зөрчсөн үйлдэл рүү түлхэж тэднээр хууль бус үйл ажиллагааг хийлгэсээр байна.

Нийслэлийн засаг даргын тамгын газрын санхүү, хөрөнгө оруулалтын газрын дарга Б.Энхжин нь нийслэлийн харьяа Эрүүл мэндийн газрын даргын хууль бус тушаалыг хэрэгжүүлэн, эмнэлгийн гүйлгээ хийх эрхийг өөрчлөн 2024.10.22-ны өдрөөс эхлэн зарлагын гүйгээг зогсоож, эмнэлгийн тусламжийн үйл ажиллагааг саатуулж байна. Өмчийн эрхийг менежментийн багт шилжүүлээгүй атлаа өвчтэй хүмүүс үзүүлж эмчлүүлдэг эмнэлгийн санхүүжилтийн гүйлгээний эрхийг өөрчлөн саатуулж байгаа нь хүний амь нас эрүүл мэндийн эсрэг гэмт хэрэг мөн. Санхүүжилт саатсанаас үүдэлтэй гарах аливаа эрсдэл, иргэдийн эрүүл мэнд амь настай холбоотой асуудлыг Б.Энхжин дарга өөрөө хариуцах уу, хотын дарга хариуцах уу.

Эмчлүүлэх сувилуулах гэсэн иргэдийнхээ амь насанд аюул заналхийлэх хэмжээнд хүрч байгааг хараад, хүн ардынхаа эрүүл мэндийн төлөө ажиллана гэж өргөсөн тангаргаа биелүүлж чадахгүйд хүрч байгаадаа, хууль шүүхийн шийдвэрийг уландаа гишгэлсэн хотын даргын “ёс зүйгүй бусармаг” үйлдэлд эмч эмнэлгийн ажилтнууд маань үнэхээр бухимдаж байгаагаа хурцаар илэрхийлж байна. Уламжлалт анагаах ухааны элэг судлалын клиник төвөөр үйлчлүүлдэг эмчлүүлэгчид ч шударга ёсыг шаардан менежментийн баг, эмнэлгийнхэнтэйгээ нэгдэхээр шийдэж байгаагаа бидэнд мэдэгдээд байна.

УИХ-ын даргаа: Уламжлалт анагаах ухааны элэг судлалын клиник төв нь өнө эртнээс өв уламжлалтай монгол анагаах ухаанаа орчин үеийнхтэй хослуулан хөгжүүлэх талаар төрөөс тодруулбал, УИХ-аас гаргасан бодлогыг хэрэгжүүлж ажилласан байгууллага. Миний бие энэ байгууллагыг үүсгэн байгуулахаас эхлээд менежментэд шалгаран оролцож, бас төрдөө итгэж, хууль хэрэгжинэ гэж итгэж найдаж 10 жил чилийтэл хохирон хохирон хүлээж суугаа эмч хүн.

Монгол Улсын Үндсэн хуульд Монгол Улсын Их хурал нь Монгол Улсын хууль тогтоох дээд байгууллага мөн хэмээн заасан бөгөөд Монгол Улсын төрөөс уламжлалт анагаах ухааныг орчин үеийнхтэй хослуулсан эмнэлэг хэрэгтэй гэж үзсэн бодлого хэвээр байгаа бол хуулийг хэрэгжүүлж, шүүхийн шийдвэрийг хэрэгжүүлж өгнө үү. Уламжлалт анагаах ухааныг цааш хөгжүүлэх, хүн ардынхаа эрүүл мэндэд ашиглахгүй гэвэл хууль тогтоох байгууллага бас шийдвэрээ гаргаж өгнө үү.

Эцэст нь Нийслэлийн Засаг даргын эдлэх эрх, үүргийг хуулиар тогтоодог бас түүнийг нь нэхэж шаарддаг, зөрчвөл хууль хариуцлага хэн тооцох ёстой вэ гэдэг асуултыг УИХ-ын дарга танд болон УИХ-ын 126 гишүүнд, олон түмэнд нээлттэй үлдээе.

Таныг хүндэтгэсэн,

МЕНЕЖМЕНТИЙН БАГИЙН Ж.ХАТАНБААТАР

АХЛАГЧ Монгол улсын Ардын эмч

АУ-ны доктор, профессор

ИЛ ЗАХИДАЛ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 22

Сэтгэгдэл үлдээсэн: 2024-11-06 09:59:32

Иргэн: Энэ эмнэлгээр олон жил үйлчлүүлж байна. Нэг удаа мөнгө төлдөггүй, даатгалаар л үйлчилдэг. Бусад мөнгөний төлөө эмнэлгээс ондоо шүү. Яагаад ард түмэнд ээлтэй ийм эмнэлгийг ад үзээд байгаа юм бэ? Бусад эмнэлгүүд нь бөөн очер дараалал, хүнд суртал, авилгалд идэгдсэн
Сэтгэгдэл үлдээсэн: 2024-11-06 08:11:44

зочин: Хатанбаатар гэх этгээд бол эмчийн тангарагаасаа няцаад, бизнесмен болсон бүр шуналдаа улайраад ёс зүй жудаг хүн чанараа гээж уландаа гишгэсэн
Сэтгэгдэл үлдээсэн: 2024-11-05 19:47:43

Судлаач: Эруул мэнд, дээд боловсролын салбарт хувийн хэвшлийг устгах бохир ажиллагаа явагдаж бнадаа!!!
Сэтгэгдэл үлдээсэн: 2024-11-02 16:00:57

Иргэн: Допинг гэснээс Хатанбаатар эмчийг гүтгэж, харлуулж, өөрөө допингийн төвийн дарга болох гэсэн Б гэдэг нөхөр гүтгэснээ хүлээж, допингтой бөхчүүдийг ашигласан нь баригдаж шүүх дээр ялагдсан шүү дээ. Үнэн ялдаг жамтай.
Сэтгэгдэл үлдээсэн: 2024-11-02 10:38:29

Зочин: Үүнийг эмч гэхээсээ эрлэгийн элч гэвэл зүйд нийцнэ. Яг эмч байж харагдаач. Бусад элэгний буюу халдвартын эмч нараас асуу?! Үүнэс гадна тэр допингийн эсрэг эмнэлэг яаж хүмүүсийг алалцуулж байна. Үүнд халтар төгрөг олдож байвал эхнэр хүүхдээч авслана
Сэтгэгдэл үлдээсэн: 2024-11-01 22:31:51

Зочин: Оюун-эрдэнэ, Нямбаатар мэтийн этгээдууд тер тер гэсээр улсыг суйруулж бна шуу!!! МАН -д эруул ухаантай хун алга болж дээ! ,
Сэтгэгдэл үлдээсэн: 2024-11-01 11:29:10

Иргэн: Нямбаатар аа!! Чи хууль зүйн сайд байсан хүн ийм хууль зөрчсөн, бүр дээд шүүхийн шийдвэрийг уландаа гишгэхээр хэн хууль биелүүлэхийн. Чи ард түмний өөдөөс хууль ярих эрхгүй шүү. Наад элэгний эмнэлэг чинь жинхэнэ ард олонд, өвчиндөө шаналсан олон хүнд амьдрал бэлэглэсэн ганц авилгагүй, эмч эмнэлгийн ажилтан ямар байдаг тангарагтаа үнэнч, цагаан нөмрөгтнүүд ажилладаг шүү. Чи албан тушаалаа ашиглаж үйл ажиллагаагаа сайн явуулж байгаа ард олонд ээлээ өгч байгаа эмнэлгийг, эмийн үйлдвэрийг луйвардах санаархлаа зогсоо.!!! Наад эмнэлэг чинь түгжрэл үүсгээд байгаамуу? Газарт нь шунаж байгааг чинь ард түмэн ярьж байна. Чиний булхай удахгүй гарнаа. Хэзээ болтол Хүрэлсүх, Оюун-Эрдэнээр бамбай барихын. Чи дархлагдсан хүн биш. Чиний үйлдлийн буруу хувийг хууль нь, ард түмэн ялгаад өгнө шүү. Шуналаа тат
Сэтгэгдэл үлдээсэн: 2024-10-31 14:43:07

D.C: Хуулийн дагуу л ажил эрхэлж яваа хувийн хэвшлийг хэвийн ажиллах нөхцөлөөр нь хангах нь нийслэлийн удирдлагын үүрэг шүү.
Сэтгэгдэл үлдээсэн: 2024-10-31 00:53:15

BOROO: ENE CHONON SANAAT AVILGACHIN ULAAN KOMMUST NUHUR BUTEHGUI MUUHAI HUN SHUU
Сэтгэгдэл үлдээсэн: 2024-10-30 20:15:11

Тамир: Хатанбаатарын эмнэлэг ард түмэндээ үлдэх ёстой Хатанбаатараараа
Сэтгэгдэл үлдээсэн: 2024-10-30 17:56:35

Zochin: Шүүхийн шийдвэрийг биелүүлэхгүй бол хууль шүүх гэж байгаад яахав дээ. Зүгээр Нянбактерыг хаан болгочихооч хахаха
Сэтгэгдэл үлдээсэн: 2024-10-30 17:54:22

Nyambaatar boliochee: Ene nyambaatar gej turiin ner barij end tend daldaij yvahaa bolih heregtei!!!!!!! Odoo ene emnelgiin gazriig avch MAN ii nz nartaa belegleh gej bgaa bz. Nuguuduul ni tgd oron suuts bariad heden terbumaar zarj ashig hiine shuu dee
Сэтгэгдэл үлдээсэн: 2024-10-30 16:17:09

S: ANUSDI BOOWN XXI8955877XUCHINDUULI
Сэтгэгдэл үлдээсэн: 2024-10-30 15:37:08

Зочин: Сайн эмнэлэг гэж хуцдаг хадтараа чи захын элэг буюу халдвартын эмчээс наад пиздаа хатанбжддруугаа асуу. Юу гэж хаоиулах нь вэ? Чамд адгийн шаао түүний элэг эмчилнэ гэж юу байдаг юм бэ? Гэж дуу нэгтэйгээрӨчинө. Глвш дадд орохшүй юмаа
Сэтгэгдэл үлдээсэн: 2024-10-30 15:37:07

Зочин: Сайн эмнэлэг гэж хуцдаг хадтараа чи захын элэг буюу халдвартын эмчээс наад пиздаа хатанбжддруугаа асуу. Юу гэж хаоиулах нь вэ? Чамд адгийн шаао түүний элэг эмчилнэ гэж юу байдаг юм бэ? Гэж дуу нэгтэйгээрӨчинө. Глвш дадд орохшүй юмаа
Сэтгэгдэл үлдээсэн: 2024-10-30 14:50:24

Зочин: Ашгүй дээ. Сайн эмнэлэг шүү. Олон хүнд буян болж бгаа юмдаа.Хувьчлагдчихвал өшөө сайхан болох байхдаа.Борчууд бидэнд ээлтэй эмнэлэг шүү
Сэтгэгдэл үлдээсэн: 2024-10-30 14:27:40

Зочин: Хүн ардаа бодоод хууль биелүүлье .... сайн эмнэлэг шүү дээ
Сэтгэгдэл үлдээсэн: 2024-10-30 11:32:44

zochin: эмнэлэгийн салбараа бүр элгээр хэвтүүлж бнаа энэ улс
Сэтгэгдэл үлдээсэн: 2024-10-30 10:49:52

зочин: энэ одоо асуудлыг нь хурдан шийдэж өгч болохгүй байгаа юм байхдаа.
Сэтгэгдэл үлдээсэн: 2024-10-30 10:10:33

зочин: 35 н үйл ажиллагаа явуулж буй эмнэлэгтэй хотын дарга Нямбаатар та ингэж дарамт болох шаардлага байхгүй шүүхийн шийдвэрийг хэрэгжүүлж өгнө үү
Сэтгэгдэл үлдээсэн: 2024-10-30 10:08:29

зочин: хотын дарга нямбаатар та арай хэрээс хэтэрч байгаа юм бишүү шүүхийн шийдвэрийг хэрэгжүүлж өгнө үү
Сэтгэгдэл үлдээсэн: 2024-10-30 09:53:02

Zochin: Ene neg emch huurhii bur huchin muhusduj bh shig bnaa