• Өнөөдөр 2024-03-29

Нийтийн байранд гал гарсны улмаас түрээслэгчид нь орох оронгүй, өмссөн хувцаснаасаа өөр зүйлгүй үлдлээ

2020-12-06,   1405

Баянзүрх дүүргийн 24 дүгээр хороо, Газарчин дээд сургуулиас хойно байрлах нийтийн байранд гал гарч, оршин суугчид нь орох газаргүй, өмссөн хувцаснаасаа өөр зүйлгүй үлдлээ. Энэ талаар бид газар дээрээс нь сурвалжиллаа. Галын дуудлага өчигдөр буюу арванхоёрдугаар сарын 5-ны орой 23:00 цагийн орчимд БЗД-ийн онцгой байдлын газарт бүртгэгдсэн бөгөөд гал унтраах аврах ангийн нийт 25 алба хаагч хоёр цаг гаруйн хугацаанд ажиллаж шөнийн 02:00 цагийн орчимд галын дөлийг бүрэн унтраагаад байсан юм. Одоогоор тус байрыг түрээслэн суудаг байсан 30 гаруй иргэн орох оронгүй, өмссөн хувцаснаасаа өөр зүйлгүй болоод байна. 

Уг нийтийн байр 17 өрөөтэй бөгөөд түрээслэгчид нь гал гармагц өмссөн хувцаснаасаа өөр зүйлгүй гарсан байна. Галын шинжээчид тухайн объектод ажиллаж шалтгаан нөхцлийг тодорхойлох юм. Гэсэн ч оршин суугчдын хэлж байгаагаар цахилгааны массаас болж гал гарсан гэж мэдээлж байгаа юм.


Нийтийн байранд гал гарсны улмаас түрээслэгчид нь орох оронгүй, өмссөн хувцаснаасаа өөр зүйлгүй үлдлээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188