ТАНИЛЦ: Т.АЮУРСАЙХАНЫ “МАН-ЫН ШИНЭЧЛЭЛ, ХӨГЖЛИЙН ХОРОО” НЭРЭЭР ХАЛХАВЧИЛСАН АВЛИГЫН СҮЛЖЭЭ

Ц. АМУНДРА:
Улс төр- Цадиггүй улс төр

2023-03-04, 14444

АТГ-аас хоёр сар хагасын өмнө АН, МАН-ын нийлсэн 17 албан тушаалтныг “Нүүрсний хулгай”-н хэрэгт холбогдуулан шалгаж буйгаа нэр цохож зарласан. Харин өчигдөр УИХ-ын гишүүн Т.Аюурсайхан, Ж.Мөнхбат, А.Адъяасүрэн, Н.Наранбаатар, Ш.Раднаасэд, Б.Энх-Амгалан нарын зургаан хүнийг “Нүүрсний хулгай”-н хэрэгт яллагдагчаар татсанаа зарлав. Ингэхдээ тавыг нь “Албан тушаалаа ашиглаж, бусдад давуу байдал олгосон, авлига өгсөн” гэсэн бол Т.Аюурсайханыг “Зохион байгуулалттай гэмт бүлэг байгуулсан” гэж онцолсон.

Тэгвэл бид Т.Аюурсайханы байгуулсан “Зохион байгуулалттай гэмт бүлэг” буюу “МАН-ын Шинэчлэл, хөгжлийн хороо” гэх авлигын сүлжээг танилцуулж байна.

Т.АЮУРСАЙХАН, Б.ГАНХУЯГ, Н.УДААНЖАРГАЛ ГУРВЫН ХОРШИЛ БУЮУ “МАН-ЫН ШИНЭЧЛЭЛ, ХӨГЖЛИЙН ХОРОО” ГЭХ АВЛИГЫН СҮЛЖЭЭГЭЭ АНХ БАЙГУУЛСАН ТҮҮХ

Төв талбайд майханд хонож, Төрийн ордон тойрон гороолж явсан “тэмцэгч”-ээс тэрбумтнууд болтлоо томорцгоосон, “зохион байгуулалттай гэмт бүлэг” болтлоо гаарч, хууль хяналтынхан ч дийлдэхээргүй болтлоо хүчирхэгжсэн бодит түүхийн эзэд бол “Эрдэнэс тавантолгой” ХК-ийн гүйцэтгэх захирал асан Б.Ганхуяг, “Тавантолгой төмөр зам” ХХК-ийн гүйцэтгэх захирал Н.Удаанжаргал, УИХ-ын гишүүн Т.Аюурсайхан гурав. Тэдний байгуулсан “Зохион байгуулалттай гэмт бүлэг” буюу авлигын сүлжээ нь цаасан дээр “МАН-ын Шинэчлэл, хөгжлийн хороо” гэдэг гоё нэртэй. Тэдний “МАН-ын Шинэчлэл, хөгжлийн хороо” гэх нэрээр халхавчилсан авлигын асар том сүлжээг нураах гэж Төр өөрөө хоёр улирал, хоёр он дамнан тэмцэж буй юм.

Түүхийг сөхвөл, 2012 оны УИХ-ын сонгуулиар Ардын намынхан Ардчилсан намд далаараа тавиулж, дагзаараа савуулсан. Ялагдлын “шок”-ноосоо болж яахаа мэдэхгүй бужигнацгаасан, тарж, бутарсан, товчхондоо тун хүнд өдрүүд өнгөрч байлаа, тус намд. Яг энэ үед тоолбол нас, төөлбөл бие чацуу гурван залуу “Намаа аварна” гэж гарч ирсэн. Тэд бол Ерөнхийлөгч асан Н.Багабандийн хувийн туслах Т.Аюурсайхан, Оюутны холбоогоор дагнасан Б.Ганхуяг, Төрийн албан зөвлөлийн дарга асан Ж.Норовсамбуугийн хүү Н.Удаанжаргал гурав байлаа. Тэд тэр ондоо “МАН-ын Шинэчлэл, хөгжлийн хороо” гэгчийг байгуулж, 2013 оны долдугаар сараас “Шинэчилье” гэх хөдөлгөөнийг эхлүүлж, Тусгаар тогтнолын ордны гадаа гэр барьж, “Намын бага хурлаа хуралдуул” гэж шаардсаар зуны саруудыг барсан. Намар нь нам нь бага хурлаа хийж, тэд ч өөрсдийгөө үр дүнд хүрлээ гэж үзэж хөдөлгөөнөө зогсоосон.

Жагсаал, цуглааныг цуг хийвэл гар, ганзага гайхалтай сайн нийлэхээ ойлгосон Т.Аюурсайхан, Б.Ганхуяг, Н.Удаанжаргал гурав 2016 оны сонгуулийн өмнөхөн ах нарынхаа даалгавраар дахин гарч ирэв. Тэд 2016 оны гуравдугаар сараас “Монголоо аваръя” гэх хөдөлгөөнийг эхлүүлсэн. Улаан хувцсаар жигдэрч, УИХ-ын дарга З.Энхболдод хаягласан лоозонгууд барьж, Хэлмэгдэгсдийн хөшөөний хажууд майхан барьж, хэдэн өдөр дараалан Төрийн ордныг тойрон гороолсон. “Ардчилсан нам төр барьснаас хойш ард түмний амьдрал туйлдаж дууслаа” гэж Төрийн ордны цонхыг “цууртал” хашхирцгааж байлаа. Тухайн үед Б.Ганхуяг нь баривчлагдаж, алаг тэргэнд ачигдаад явж ч байлаа. Удалгүй УИХ-ын сонгууль ч болж, Ардын намынхан Ардчилсан намыг далаар нь тавьж, түүхэндээ анх удаа том ялалт байгуулсан. Ардчилсан намыг харлуулах “акц”-ыг амжилттай зохион байгуулж, намынхаа ялалтад хувь нэмэр оруулсанд нь ах нар нь тэдэнд тусгайлан алга ташиж байлаа.

Тайлбар: "Монголоо аваръя" жагсаал, 2016 он.

Ингэж хайрт намаа хоёр удаа “аварсан” тэднээс Т.Аюурсайхан нь УИХ-ын гишүүн, Б.Ганхуяг “Эрдэнэс тавантолгой” ХК-ийн Гүйцэтгэх захирал, Н.Удаанжаргал “Тавантолгой төмөр зам” ХК-ийн Гүйцэтгэх захирал болж, тус тусын гавьяагаа үнэлүүлцгээсэн. Тэдний “тэмцэгч”-ээс Төрийн түшээ, Төрийн өмчит компанийн захирал болтлоо томорцгоосон түүх товчхондоо ийм.

Т.АЮУРСАЙХАН, Б.ГАНХУЯГ, Н.УДААНЖАРГАЛ НАР "МАН-ЫН ШИНЭЧЛЭЛ, ХӨГЖЛИЙН ХОРОО" ГЭХ АВЛИГЫН СҮЛЖЭЭГЭЭ "ЭРДЭНЭС ТАВАНТОЛГОЙ" ХК-ИАР ДАМЖУУЛАН ХҮЧИРХЭГЖҮҮЛСЭН НЬ

2016 оны хавар л төв талбайд жагсаж, Төрийн ордонг тойрон гороолж, Ардын намынхнаа ах нараас албан тушаал царайчилж явсан Т.Аюурсайхан, Б.Ганхуяг, Н.Удаанжаргал гурав 2018 оны намар гэхэд өөрсдөө ах нар болчихсон байлаа. Өөрсдийн байгуулсан “МАН-ын Шинэчлэл, хөгжлийн хороо”-ныхоо гишүүнээр бүртгэлтэй, гар хөлийнх нь үзүүрт гүйж байсан дүү нараа тэд нас, намтрыг нь голохгүйгээр албан тушаалд томилж, “Зохион байгуулалттай гэмт бүлэг” буюу авлигын сүлжээгээ бэхжүүлсэн. Т.Аюурсайхан л гэхэд өөрийнх нь цүнхийг барьж, цувыг нь нөмөргөж өгдөг хувийн туслах, “Шинэчлэл, хөгжлийн хороо”-ны гишүүн Б.Отгонжаргалыгаа “Эрдэнэс тавантолгой” ХК-ийн Худалдан авалтын албаны даргаар томилуулж байлаа. Б.Ганхуяг л гэхэд гар хөлийнх нь үзүүрт гүйж ирсэн “Шинэчлэл, хөгжлийн хороо”-ны гишүүн Х.Нурлатыг үг дуугүйгээр “Эрдэнэс тавантолгой” ХК-ийн Дотоод хяналт, эрсдэлийн удирдлагын газрын даргаар томилж байв. Ингэж “МАН-ын Шинэчлэл, хөгжлийн хороо” гэх иргэний хөдөлгөөний байгууллагынхан “Эрдэнэс тавантолгой” ХК-д ийнхүү ээлж дараалан албан тушаалд заларцгаасан байдаг.

Өдгөө хууль хяналтынхан “МАН-ын Шинэчлэл, хөгжлийн хороо” гэх нэрээр халхавчилсан авлигын сүлжээнийхнээс зургаан хүнийг яллагдагчаар татан шалгаж байгаа. Тодруулбал, “МАН-ын Шинэчлэл, хөгжлийн хороо”-г үүсгэн байгуулагч УИХ-ын гишүүн Т.Аюурсайхан, “Эрдэнэс тавантолгой” ХК-ийн гүйцэтгэх захирал асан Б.Ганхуяг, “Тавантолгой төмөр зам” ХК-ийн гүйцэтгэх захирал асан Н.Удаанжаргал болон тус хорооны гишүүн, “Эрдэнэс тавантолгой” ХК-ийн Худалдан авалтын албаны дарга асан Б.Отгонжаргал, Дотоод хяналт, эрсдэлийн удирдлагын газрын дарга асан Х.Нурлат, Т.Аюурсайхан туслах И.Даваадорж нарыг шалгаж байгаа юм.

Тайлбар: "МАН-ын Шинэчлэл, хөгжлийн хороо"-ны хурал. Зүүн гар талаас, Б.Отгонжаргал, Н.Удаанжаргал, Т.Аюурсайхан, Б.Ганхуяг, Х.Нурлат

"МАН-ЫН ШИНЭЧЛЭЛ, ХӨГЖЛИЙН ХОРОО" ГЭХ АВЛИГЫН СҮЛЖЭЭНИЙХЭН ТОЛГОЙ БАЯЧУУДЫН ТООНД ОРТЛОО ХӨРӨНГӨЖСӨН НЬ

Тэгвэл “МАН-ын Шинэчлэл, хөгжлийн хороо” гэх нэрээр халхавчилсан Т.Аюурсайхан, Б.Ганхуяг, Н.Удаанжаргал гурав болон тэдний авлигын сүлжээнийхэн хэрхэн хөрөнгөжсөнийг товч танилцуулъя.

Б.Ганхуяг төв талбайн тэмцэгч байхдаа гэр хороололд ганцхан хувийн цэцэрлэгтэй л байлаа. Харин “Эрдэнэс тавантолгой” ХК-ийн Гүйцэтгэх захирлаар дөрвөн жил ажиллахдаа толгой баячуудын тоонд багтахаар болсон. Богд уулын Жаргалантын аманд 22 хаустай, хотын төвийн “Regis place”, “Park place” гэх хоёр шилэн барилгад 10 гаруй тэрбум төгрөгийн оффисуудтай, “Автай сайн хан” хотхонд 2.1 тэрбумын орон сууцтай, Нүхтийн аманд 4.6 газартай, тэндээ орон сууц, спорт үйлчилгээний цогцолбортой болж, товчхондоо “цөм” баяжсан.

Б.Ганхуягийн тухай дэлгэрэнгүй баримтыг энд дарж уншаарай

Т.Аюурсайхан Н.Багабандийн хувийн туслах байхдаа хамаг л хар бор ажлыг нь хариуцдаг, хожим нь “Титэм үг” номынх нь хүргэлтийг ч хийчихдэг байсан гэдэг. Төрийн хүнд туслах ямар хэрэгтэй байдгийг биеэрээ мэдэрсэн болоод ч тэр үү Т.Аюурсайхан 2016 оноос “МАН-ын Шинэчлэл, хөгжлийн хороо”-ныхоо гишүүн Баатарын Отгонжаргал, Ишравжаагийн Даваадорж гэх хоёр залууг хувийн туслахаараа ажиллуулсан эхэлсэн байдаг. Улмаар Б.Отгонжаргал, И.Даваадорж хоёроороо “Эрдэнэс тавантолгой”-г тонох, “Нүүрсний хулгай”-н мөнгөө нуух хамаг л хар бор ажлаа хийлгэсэн. Т.Аюурсайхан И.Даваадорж гэх туслахынхаа эхнэр, эгчийнх нь хамаарал бүхий компаниар Ар гүнтийн аманд 69 хаус бүхий тансаг зэрэглэлийн хотхон барьж худалдсан. Зэх зээлийн нийт үнэлгээ нь 20 гаруй тэрбум төгрөгөөр тоологдоно. Бас туслах И.Даваадоржийнхоо нэрээр Арцатын аманд 1.5 га газар авсан, тэр газар дээрээ 39 хаус бүхий тансаг зэрэглэлийн хотхон барихаар бэлтгэл ажлаа хангаад байхдаа илчлэгдсэн. Цаашилбал, Т.Аюурсайхан Хүй долоон худгийн “Дааган толгой”-д морины жүчээтэй болж, хурдан удмыг адууг уяачаас нь үнэ цохиж авдаг хоббитой болсон. Мөнгөтэй болоод ирэхээрээ морь сонирхож эхэлдэг нь манай төрийнхний зуршил гэлтэй. Хэр хэмжээнд хөрөнгөжсөнийг нь тайлбарлахад энэ хэдэн жишээ хангалттай байх.

Т.Аюурсайханы тухай дэлгэрэнгүй баримтыг энд дарж уншаарай

Гэхдээ Т.Аюурсайхан хамаг ажлаа хийлгэсэн Б.Отгонжаргал, И.Даваадорж гэх хоёр туслахаа ч хоосон орхиогүй. Т.Аюурсайханы туслахаас “Эрдэнэс тавантолгой” ХК-ийн Худалдан авалтын албаны дарга болж мандсан Б.Отгонжаргал л гэхэд төрсөн аав Я.Баатарынхаа гэрт 235 сая төгрөг, 30 мянган ам.долларын хамт нуусан байсан нь баригдсан. Мөн өөрөө хагас тэрбумын Mercedes Benz G-500 автомашин худалдан авч, унаж байсан нь илэрсэн. Харин И.Даваадоржийн тухайд “City garden” хотхонд тансаг зэрэглэлийн орон сууцтай, Toyota Land cruiser-200 автомашинтай болсон байсан бөгөөд бэлнээр 100 сая төгрөгтэй баригдсан байдаг.

Цаашилбал, “Эрдэнэс тавантолгой” ХК-ийн Дотоод хяналт, эрсдэлийн удирдлагын газрын даргаар ажиллаж байсан “МАН-ын Шинэчлэл, хөгжлийн хороо”-ны гишүүн Х.Нурлатын хувьд нүүрсний квотоор асар хөрөнгөжсөн. Хулгайн мөнгөө угаахын тулд Казахстаны Алматад “House garden” гэх тансаг зэрэглэлийн хаус хотхон, “Prime garden” гэх тансаг зэрэглэлийн орон сууцны хорооллуудыг барьсан мэдээлэл бий.

Харин хил гарч, хууль хяналтынхан зугтсан “Тавантолгой төмөр зам” ХК-ийн Гүйцэтгэх захирал, “МАН-ын Шинэчлэл, хөгжлийн хороо”-ны үүсгэн байгуулагч Н.Удаанжаргалын хувьд хууль бусаар 700 мянган ам.долларын хадгаламж, таван тэрбум төгрөгийн үл хөдлөх хөрөнгөтэй болсон ч хамаарал бүхий этгээдүүдийнхээ нэр дээр тас нуучихсан гэх мэдээлэл байгаа юм.

ТАНИЛЦ: Т.АЮУРСАЙХАНЫ “МАН-ЫН ШИНЭЧЛЭЛ, ХӨГЖЛИЙН ХОРОО” НЭРЭЭР ХАЛХАВЧИЛСАН АВЛИГЫН СҮЛЖЭЭ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 22

Сэтгэгдэл үлдээсэн: 2023-03-06 10:11:17

Зочин: Чингэлтэй дүүрэг олон жил МАНдуулагчидийг сонгосон. Одоо энэ хулгайчуудаасаа салах болжээ. Дүүргийн ИТХ-ыг хагралдуулж Аюурсайхан өөрийнхөө гарын хүнийг тавьсан.
Сэтгэгдэл үлдээсэн: 2023-03-05 21:40:10

Зочин: Аюурсайхан ч уг нь шудрага гэж тамтаггүй залуу байсан юмдаа.Элдэв муу зангүй буруугийн хажуугаар хэзээ ч дуугай өнгөрч чаддаггүй хүн юмсан арай ч үгүй байхаа
Сэтгэгдэл үлдээсэн: 2023-03-04 21:27:57

зочин: ЦААЗААР АВАХ ЯЛАА ДЭНДҮҮ ЭРТ УСТГАЖ .
Сэтгэгдэл үлдээсэн: 2023-03-04 21:27:57

зочин: ЦААЗААР АВАХ ЯЛАА ДЭНДҮҮ ЭРТ УСТГАЖ .
Сэтгэгдэл үлдээсэн: 2023-03-04 17:07:01

Dorjoo: Бас Чингэлтэй дүүргийг 2020 онд хууль бусаар эзэлж дээрэмдсэн. Шантаажны хорооны гишүүн Н. Батсүмбэрэл Засаг дарга, Б. Мөнхбат ИТХ дарга, Даваадорж төлөөлөгч, Удаанжаргал ЧД МАН хорооны тэргүүлэгч гэх шиг...
Сэтгэгдэл үлдээсэн: 2023-03-04 17:06:51

Dorjoo: Бас Чингэлтэй дүүргийг 2020 онд хууль бусаар эзэлж дээрэмдсэн. Шантаажны хорооны гишүүн Н. Батсүмбэрэл Засаг дарга, Б. Мөнхбат ИТХ дарга, Даваадорж төлөөлөгч, Удаанжаргал ЧД МАН хорооны тэргүүлэгч гэх шиг...
Сэтгэгдэл үлдээсэн: 2023-03-04 13:17:03

Зочин: АНУ с машин явуулдаг ахынхаа машиныг зарж дундаас нь хэдэн цаас тоншдог бсан машины ченж Нурлат одоо төрөл арилжсан.Нүүрсний гэрээний 1 тн тутмаас 1доллар хахуульд авдаг бсан тэрээр Казакстанд барьсан элит барилгууддаа 40 орчим сая долларын хөрөнгө оруулсан сурагтай.Дүү Серик зааныхаа найр наадамд л гэхэд 500 сая төг гаргасан гэх.Харьцаа зан ааш нь аймаар эвдэрсэн,том том мөнгө л ярьдаг болсон гэж хамт бсан машины ченжүүд нь ярьж бна лээ
Сэтгэгдэл үлдээсэн: 2023-03-04 07:44:20

mglchuud: novshnuudiig ard rumen tasar tatan hayanaa
Сэтгэгдэл үлдээсэн: 2023-03-01 17:46:38

баагий: Тахир соёотод С Эрдэнийн наар болон бусад хүнд гаруудын наар эзэнгүй байгаа шүү.
Сэтгэгдэл үлдээсэн: 2023-03-01 10:40:41

Давка: Хөрөнгийг нь хурааж насаар нь чангад хорь үгүй бол устга
Сэтгэгдэл үлдээсэн: 2023-03-01 10:40:40

Давка: Хөрөнгийг нь хурааж насаар нь чангад хорь үгүй бол устга
Сэтгэгдэл үлдээсэн: 2023-03-01 10:40:40

Давка: Хөрөнгийг нь хурааж насаар нь чангад хорь үгүй бол устга
Сэтгэгдэл үлдээсэн: 2023-03-01 10:40:40

Давка: Хөрөнгийг нь хурааж насаар нь чангад хорь үгүй бол устга
Сэтгэгдэл үлдээсэн: 2023-03-01 10:40:39

Давка: Хөрөнгийг нь хурааж насаар нь чангад хорь үгүй бол устга
Сэтгэгдэл үлдээсэн: 2023-03-01 10:40:39

Давка: Хөрөнгийг нь хурааж насаар нь чангад хорь үгүй бол устга
Сэтгэгдэл үлдээсэн: 2023-03-01 10:40:38

Давка: Хөрөнгийг нь хурааж насаар нь чангад хорь үгүй бол устга
Сэтгэгдэл үлдээсэн: 2023-03-01 10:40:38

Давка: Хөрөнгийг нь хурааж насаар нь чангад хорь үгүй бол устга
Сэтгэгдэл үлдээсэн: 2023-03-01 10:40:38

Давка: Хөрөнгийг нь хурааж насаар нь чангад хорь үгүй бол устга
Сэтгэгдэл үлдээсэн: 2023-03-01 10:40:36

Давка: Хөрөнгийг нь хурааж насаар нь чангад хорь үгүй бол устга
Сэтгэгдэл үлдээсэн: 2023-03-01 10:21:02

Бор: цаазын ялыг сэргээх хэрэгтэй байна .Бүх хөрөнгийг нь хурааж анх ямар байсан тэр хэмжээнд нь тавих хэрэгтэй .
Сэтгэгдэл үлдээсэн: 2023-03-01 09:49:14

Ыб: Гэчийнүүдийг үр үндэс ээр нь дүүжилж ал
Сэтгэгдэл үлдээсэн: 2023-03-01 00:00:12

Отгоо: Буудаж ал