Дэлхийн маш олон орон шинэ жилийн баярыг үндэстнийхээ уламжлалын дагуу маш өвөрмөц тэмдэглэж ирсэн. Тэр газар, орны жишээ болгож, таван сонирхолтой зул сарын баярын талаар уншигч та бүхэнд хүргэж байна.

Дэлхийн гадаргаас дээг 420 километрт орших Олон улсын сансрын станцад хэрхэн зул сарын баяр тэмдэглэдэг вэ

          Сансар судлалын НАСА агентлагийн мэдээлснээр сансрын нисгэгчид сүүлийн 21 жилийн турш жил алгасалгүй зул сарын баяраа тэмдэглэж байгаа аж.

          Дэлхийн гадаргаас дээш 420 километрт байрлах Олон улсын сансрын станцад сансрын нисгэгчид шинэ жилийн баяр, Ханука зэрэг баяр тэмдэглэсээр зөвхөн тус газар тэмдэглэдэг уламжлалт баяр үүсгэсэн гэдэг. Харин зул сарын баярыг Христийн мэндэлсэн өдөр болон Оросын хуанли дахь баяраар тэмдэглэсээр нэг жилд хоёр удаа зул сарын баяр тэмдэглэдэг байна.

Антарктид тивд хэрхэн зул сарын баяр тэмдэглэдэг вэ

          2021 оны байдлаар Антарктид тив болон Хойд тулд 29 орны төлөөлөгч, 70 байнгын судалгааны төв байрладаг. Гэвч маш олон судалгааны байгууллага байдаг нь цаг агаарын болон бусад нөхцөл байдлаас шалтгаалж, өөр өөр газар тусдаа тэмдэглэдэг гэнэ.

          Антарктидэд ихэвчлэн лаазалсан, хөлдөөсөн ногоогоор ширээ засаж, зарим үед “аз таарвал” цацагт хяруул шарж, баяраа тэмдэглэдэг аж. Харин нэгэн удаа Антарктидын хойгийн Кувервилл арал дээр Сантагийн хувцас өмссөн нэгэн эр аяллын хөлөг онгоц хөлөглөн бүх судалгааны станцаар дамжиж, ажилтнуудад бэлэг тараасан юм.

Нийт хүн амынх нь ердөө 2.4 хувь нь Христийн шашинтай Энэтхэг Улсын шинэ жил

          Энэтхэг Улсын нийт хүн амынх нь ердөө 2.4 хувь нь Христийн шашинтай ч, Христийн мэндэлсэн зул сарын баярыг улс даяараа тэмдэглэдэг. Тэд ийн тэмдэглэхдээ барууны зул сарын баярын ёсыг Энэтхэгийн уламжлалт соёлтой хослуулан өвөрмөц болгодог байна. Харин зул сарын тэмдэглэлт баярынхаа гол хоолоор сүүн идээний төрөл болох кокос, будаатай хуушуур, калаппам зэргээр ширээгээ чимдэг аж.

Хорват Улсад зул сарын баяр хамгийн эрт эхэлдэг

          Дэлхийд хамгийн эрт зул сарын баяраа эхэлдэг Хорват Улсад шинэ жилийн баярын арваннэгдүгээр сараас эхэлж тэмдэглэдэг. Арванхоёрдугаар сарын эхээр Хорватад Гэгээн Николасын өдрийг тэмдэглэж, айл бүрийн гадна “эзэнгүй” гутал байдаг гэнэ. Учир нь хүүхдүүдийн тайлж орхисон гутланд Гэгээн Николас чихэр, жимсгэнэ дүүргэж өгдөг гэх соёлтой аж.

          Мөн арванхоёрдугаар сарын 13-нд улаанбуудайгаа сайн ургуулж чадвал ирэх жилдээ элбэг, хангалуун байх ёсыг даган бүхий л хорватчууд тухайн өдөр улаан буудай олноор тарьдаг байна.

Легио Мариа шашинтнуудын зул сарын баяр

          Хүн амынх нь дийлэнх хувь Легио Мариа шашинтай Кени Улс ч зул сарын баярыг алгасалгүй тэмдэглэдэг. Кеничүүдийн баримталдаг гол заншил нь шинэ жилийн үеэр гэр бүлийнхэн, хөршийнхөөрөө зочилж, хамт баяраа тэмдэглэх.

          Энэ үеэр кени айлууд няма чома гэх шарсан ямаа, хурганы махаар хийсэн зоогоор ширээгээ засаж, найрладаг байна.