Эргэлт.мн мэдээллийн сайт "Эмээлт" захаас түүхийн эдийн үнэ ханш сурвалжиллаа. Тус захад хонины нэхий үнэгүйдэж, өлөнтэй нь 4500 төгрөгийн ханштай болжээ. Мөн зарим газарт өлөнтэй байсан ч худалдаж авахгүй байна.Харин ямааны арьсыг 35-44 мянган төгрөгөөр худалдан авч байна. Энэ талаар худалдаг хэлэхдээ "Аль аймгийн түүхий эд вэ гэдгээс шалтгаална. Баруун аймгийн ямааны арьс 35-40 мянган төгрөгөөр худалдан авна. Харин зүүн аймаг болон ноолуур сайтай ямаатай газрын арьсыг 44 мянгаар авч байгаа" гэлээ. Харин адууны арьс 7000, үхрийн шир 8000 төгрөгийн үнэтэй байлаа. Ченж нарын хэлж буйгаар эдийн засаг хямарч, түүхий эд нийлүүлэх газаргүй болж, гудамжинд хурааж байгаа тухайгаа ярьж байв. 

"Эмээлт" зах. Үхрийн шир 8000 төгрөгийн үнэтэй байлаа. 2022.01.07-нд 

Хонины нэхий 4500 төгрөг. 

Адууны арьс 7000 төгрөгөөр худалдан авч байна. 

Ямааны арьс 35-44 мянган төгрөгийн үнэтэй байлаа.