• Өнөөдөр 2024-03-29

Ерөнхий сайд асан С.Баярын ярилцлагаас онцлох эшлэлүүд

2022-05-13,   585

Ерөнхий сайд асан С.Баярын ярилцлагаас онцлох эшлэлүүдийн хүргэж байна. Орос, Украины дайнтай холбоотой өөрийн үзэл бодлоо хуваалцсан ярилцлагаас онцлох энэхүү эшлэлийг бэлтгэсэн юм. 

Дайн болж буй Европ тив үүрээ эвдүүлсэн шоргоолж шиг бужигнаж байна. Түрэмгий энэ дайныг манай хойд хөрш ОХУ өдөөсөн. ОХУ-тай хил залгаа том жижиг бүх улс орнууд айдас түгшүүрт автаж, дайны өрнөлийг нүд тавин ажиглаж, аюулгүй байдлаа хангах аргаа дор дороо сүвэгчилж байна

 

Хөрш зэргэлдээ айл бүү хэл, ах дүү, хамаатан садан хүмүүсийн хооронд юу эс болж, хэрүүл маргаан яаж дэгддэг билээ. Гэвч хичнээн маргаж муудсан ч, түүнийгээ цэрэг, зэвсгийн хүчээр шийддэг байх ёсгүй.

 

Монгол Улсын тусгаар тогтнол, бүрэн бүтэн байдлын баталгаа бол аль нэг талын “хайр, халамж” биш. Бидний баталгаа бол олон улсын шударга дэг журам, эрх зүйн тогтолцоо юм

 “Монгол Улс газар нутагтаа биологийн зэвсгийн үйлдвэр Украинаас шилжүүлэн байрлуулах гэж байна” гэсэн ОХУ-ын хардлага сэрдлэгт бид өртөж эхлэв. Үүнийгээ албан ёсны шат дамжлага ахиулан хэд ч давтав даа. Тйим юм байхгүй гэж манай Гадаад яам мэдэгдээд байхад л нөгөөхөө давтаад байх. Энэ юу гэсэн үг вэ

өнгөрсөн түүх ямар ч байлаа гэсэн өнөөгийн түрэмгийлэл хийх учир шалтгаан, зөвтгөл нь байж хэрхэвч таарахгүй. Түүх түшиглэн түрэмгийлдэг болбол энэ дэлхий эх захаа алдана

 Сүр хүчиндээ итгэл дүүрэн, бардам байсных нь шинж.

Хүний амь нас хохирсон байхад л нөхцөл байдлыг засах, өөрчлөх аргагүй болдог.

Нэгэнт л алдааны тухай бодож эргэцүүлж байгаа бол түүнд хүргэсэн зорилт, тооцоо нь ямар байв гэдгийг заавал бодох ёстой

Ёрын энэ дайны талцал дагасан гай манай улсыг тойрохгүй, дайрах шинжтэй болж ирлээ

Тэнцвэртэй, үнэн бодит мэдээллээр иргэдээ хангахад төр засаг, иргэний нийгэм онцгой анхаарч, оногдсон үүргээ гүйцэтгэх ёстой. Тэр цаг болсон байна.

 


Ерөнхий сайд асан С.Баярын ярилцлагаас онцлох эшлэлүүд
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188