“Бүтээх агшин” булангийнхаа энэ удаагийн “хоймор”-т Монголын урчуудын эвлэлийн гишүүн зураач Л.Даваанямыг урилаа.

Тэрбээр 1987 онд Баянхонгор аймагт төрсөн. 2009 онд “Од” дүрслэх урлагийн технологийн их сургууль Уран зургийн анги, 2010 онд МУБИС-ийн Боловсрол судлалын магистр хамгаалсан байна. Харин 2009 оноос чөлөөт уран бүтээлч, 2009-2017 он ИЗОУИС-ийн ДУДТС-д уран зургийн багш, 2017-2019 онд Монголын реалист зураачдын холбооны нарийн бичгийн даргаар, 2016-2019 онд МЗХ-ны дэргэдэх Өнгө тунамал залуу урчуудын нэгдлийн тэргүүнээр тус тус ажиллаж байжээ. Уран бүтээлийн хувьд:

2019 он “Хээнцэр” бие даасан үзэсгэлэн

 2018 он Sengeragi art gallery “Хатан цэцэг” бие даасан үзэсгэлэн

 2012 он “Хавар”уламжлалт үзэсгэлэн

 2011 он Өнгө тунамал хамтарсан үзэсгэлэн

 2011 он Занаду арт галерей “Эхлэл” хамтарсан үзэсгэлэн

2010 он Монголын дүрслэх урлагийн музей Монголын залуу уран бүтээлчдийн үзэсгэлэн

2009 он МУЗ галерей  Оны шилдэг бүтээлийн үзэсгэлэн

2009 он МУЗ галерей  “Алтан бийр” уламжлалт үзэсгэлэн гаргаж байсан, хөдөлмөрч, авьяаслаг уран бүтээлч юм.