Нийслэлийн Сонгинохайрхан дүүргийн XX хороо “Таван толгой түлш” ХХК-ийн баруун түгээх төвийн хашаанд байх сайжруулсан шахмал түлшний үйлдвэрийн барилгад үүрээр буюу 05:00 цагийн орчимд гал гарсан. Улмаар тус үйлдвэрийн хатаалгын 60х12 метрийн хэмжээтэй барилгын хоёр, гуравдугаар шугам, 50х100 метрийн хэмжээтэй үйлдвэрийн нэгдүгээр цех, савалгааны цех тус тус галд өртсөнийг 06:19 цагт зогсоож, 10:28 цагт бүрэн унтраалаа. Сайжруулсан түлшний үйлдвэрт гарсан галыг унтраахад ОБЕГ-ын Гал түймэртэй тэмцэх газрын дарга, хурандаа Ц.Нямбаяр, тус газрын гал унтраах хэлтсийн дарга, дэд хурандаа П.Соронзонболд, НОБГ-ын тэргүүн дэд дарга, хурандаа Д.Мөнхсайхан, Гал түймэртэй тэмцэх хэлтсийн дарга, хурандаа Б.Тэгшбаяр нар удирлага зохион байгуулалтаар ханган, Гал түймэр унтраах, аврах 18, 26, 30, 14, 29 дүгээр ангийн 60 орчим алба хаагч ажиллажээ. 

Аврагчид хэрхэн ажилласан бол сайжруулсан түлшний үйлдвэр ямар байдалтай болсныг дараах фото зургуудаас харах боломжтой.