Баян-Өлгий аймгийн Дэлүүн сум IX багийн нутагт байрлах улсын нөөцийн өвс шатжээ. Тодруулбал, тус аймгийн Онцгой байдлын газарт “Онцгой байдлын газрын Улсын нөөцийн салбарын 024 дүгээр цэгт гал гарч, сумын мал хамгаалах сангийн өвс шатаж байна” гэх дуудлага аравдугаар сарын сарын 22-ны 16:51 цагт ирсэн байна. Дуудлагын Ч.Ганцэцэгийн ахалсан бүрэлдэхүүн шалгалтын ажиллагаа явуулахад 1200 боодол өвс шатсан байжээ. Хэргийг Баян-Өлгий аймаг дахь Цагдаагийн газар шалгаж байна.