Жил бүрийн  тавдугаар сарын эхний долоо хоногийг Европын холбооноос “Зүрхний дутагдлыг таниулах өдөр” болгон олон улсад зарлаж, тэмдэглэж ирсэн уламжлалтай. Манай улсад 2016 оноос энэ өдрийг тэмдэглэж, өдөрлөг зохион байгуулж эхэлсэн. Тус өдөрлөгөөр иргэдэд зориулан зүрхний дутагдлын талаар олон нийтийн мэдлэгийг дээшлүүлэх, эрт оношлогоог сайжруулах, эмчилгээ, хяналтыг тухай мэдлэг олгодог.

Дэлхий даяар 64 сая гаруй хүн зүрхний дутагдалтай гэж амьдарч байна. Зүрх судасны эмгэгийн тархалт ихтэй манай улсад энэхүү өвчний тархалт өндөр буюу насанд хүрсэн хүн амын таван хувьд тохиолддог. Ахмад насанд зонхилон тохиолдох энэхүү эмгэг нь олон төрлийн хорт хавдартай адил өндөр нас баралт дагуулдаг ч хангалттай анхаарал хандуулдаггүй. Шалтгаанаас хамааран аль ч насанд тохиолдож болдог бөгөөд эрт илрүүлж, эмчилгээг эхлүүлэх нь амьдралын чанар болон амьд үлдэх боломжийг сайжруулдаг.

Энэ жил эрүүл мэндийн боловсрол олгох сургалтад нийт 92 үйлчлүүлэгч танхимаар, 67 үйлчлүүлэгч цахимаар мэдээлэл авчээ. Зүрх Судасны Үндэсний Төв -Ард иргэдэд цахим хуудсаар долоо хоногийн турш зүрхний өвчний тухай мэдээлэл хүргэж байна.