Хавдар судлалын үндэсний төвийн захирал Н.Эрдэнэхүүг ажлаас нь өнөөдөр чөлөөлж, Анагаах ухааны доктор М.Адилсайханыг томилсон тухай мэдээлэл гарсан.

       Энэ талаар Н.Эрдэнэхүү "Өнөөдөр би ажлаа хүлээлгэн өглөө. Намайг шууд чөлөөлж байгаа нь Хөдөлмөрийн тухай хуулийг зөрчиж байна. Уг нь ажлаас чөлөөлөх үндэслэл байхгүй. Сайд хэн нэгэн хүнийг чөлөөлөх тушаалыг ингээд гаргадаг болжээ. Т.Мөнхсайхан ажлаа аваад хавдрын чиглэлээр манайхтай хамтарч ажиллаж эхэлсэн. Энэ хугацаанд олон дарамт ирж, байнга ажлаа өг гэдэг байсан ч бид ажлаа сайн хийдэг байсан учраас тэгэсгээд л намждаг байсан. Тиймээс би шүүхэд хандана. Нэгдүгээр сараас хойш хавдрын чиглэлээр Эрүүл мэндийн яам дөрвөн талт гэрээг байгуулж шинэ эмийг хандиваар оруулж ирсэн. Улмаар ЭМЯ-ны хүмүүс манай төв дээр ирээд эмийн татварт 500 сая төгрөг өгөхийг шаардсан. Өөрийг нь хүссэн зүйлийг хийгээгүйн төлөө өнөөдөр би ажлаа өглөө. Эрүүл мэндийн салбар улс төрөөс хол байх ёстой. Ажлаа сайн хийж байгаа хүмүүсээ улам дэмжиж, ажлаа хийж чадахгүй цүнх баригч нарыг багасгаснаар Монгол Улс хөгжинө. Эрүүл мэндийн сайд эмнэлгийн дарга нарыг чөлөөлөх, томилох эрхгүй. Хуулиараа төлөөлөн удирдах зөвлөлийн гишүүд шийдэх ёстой. Би ажиллах хугацаандаа сэтгэл хангалуун байгаа учраас бардам гарч байна" гэв.