Эрүүл мэндийн тусламж үйлчилгээний төвлөрлийг сааруулах чиглэлээр Эрүүл мэндийн сайдын санаачлан хэрэгжүүлж буй үйл ажиллагааны хэрэгжилтийн хүрээнд Улсын гуравдугаар төв эмнэлгийн үзүүлж буй төрөлжсөн мэс заслын  лавлагаа тусламж үйлчилгээний чиглэлүүдэд мэс заслын дараах боолтын тусламж үйлчилгээний төвлөрөл, эмнэлэг хоорондын чирэгдлийг бууруулж, чанар хүртээмжийг сайжруулах зорилгоор нийслэлийн дүүргийн эрүүл мэндийн байгууллагуудын мэс заслын болон боолтын сувилагч мэргэжилтнүүдийг чадавхижуулах 4 дах  удаагийн  сургалтыг 2025 оны 04 сарын 15-ний өдөр зохион байгууллаа.

Онол дадлага хосолсон ажлын байрны чадавхижуулах уг сургалтыг тус эмнэлгийн сувилахуйн алба, ерөнхий мэс заслын тасаг, Мэргэшсэн мэс заслын нийгэмлэгтэй хамтран зохион байгуулсан ба сургалтад Хавдар судлалын үндэсний төв, Баянгол, Сонгинохайрхан, Хан-Уул, Баянзүрх дүүргийн эрүүл мэндийн төвүүд, нэгдсэн эмнэлэг, хувийн хэвшлийн эмнэлгүүдийн мэс засал, боолтын нийт 70 гаруй сувилагч мэргэжилтнийг хамрууллаа.