УГТЭ Сувилахуйн тусламж үйлчилгээний чанар хүртээмжийг сайжруулах, хөгжүүлэх хүрээнд өндөр хөгжилтэй улс оронд урт богино хугацааны сургалтад хамрагдсан сувилагч мэргэжилтний сургалтын үр өгөөжийг сувилагч тусгай мэргэжилтнүүдэд танилцуулан, сувилахуйн тусламж үйлчилгээний шинэ арга, технологийг өөрийн эмнэлэгтээ нутагшуулан хөгжүүлж, өдөр тутмын үйл ажиллагаандаа нэвтрүүлэн үр дүнг тооцож, мэргэжил нэгтнээсээ суралцах, тэргүүн туршлагыг сурталчилах, оновчтой бүтээлийг түгээн дэлгэрүүлэх, хамтдаа хөгжих үйл ажиллагааг өргөжүүлэх зорилгоор,

        Сүүлийн таван жилийн хугацаанд гадаадын өндөр хөгжилтэй орнуудад урт болон богино хугацааны сургалтад хамрагдсан сувилагч мэргэжилтнүүдийн: 2025 оны дөрөвдүгээр сарын 18-ны өдөр Гадны өндөр хөгжилтэй орнуудад (БНСУ, БНТУ, БНХАУ, Япон, Тайвань) урт болон богино хугацааны сургалтад хамрагдсан сувилагч, тусгай мэргэжилтнүүдийн дунд  “СУРАЛЦАЯ, ХЭРЭГЖҮҮЛЬЕ, НУТАГШУУЛАЯ-II ”өдөрлөгийг зохион байгууллаа.

        Энэхүү хоёр дах удаагийн  өдөрлөгт 10 тасгийн тасагтаа нутагшуулсан 56 төрлийн ажлыг танилцуулсан.

      Энэ удаагийн өдөрлөгөөр ахлах сувилагч сувилагч тусгай мэргэжилтнүүд  сувилагчийн ажлыг хөнгөвчлөх, өвчтөний аюулгүй байдлыг хангах, эмнэл зүйн тусламж үйлчилгээнд хэрэглэгдэх иж бүрдэл, мэс заслын талбай ариутгах шинэ арга, чанарын хяналтын хуудас үнэлгээний хуудас гэх мэт олон төрлийн бүтээл шинэ шинэлэг ажлууд нэвтрүүлж  бие биенээсээ суралцлаа.