ЭМЯ-наас коронавирусийн халдварын талаар мэдээлэл хийлээ. Энэ үеэр ХӨСҮТ-ийн ерөнхий захирал Д.Нямхүү “ХӨСҮТ, Зоонозын өвчин судлалын үндэсний төвийн вирус судлалын лаборатори болон Дархан-Уул, Сэлэнгэ аймгийн вирус судлалын салбар лабораторид 547 сорьцод шинжилгээ хийхэд нэг  хүнээс коронавирусийн халдвар илэрлээ. Ингэснээр манай улсад коронавирусийн халдварын нийт батлагдсан тохиолдол 328 болж байна. Үүнээс 312 нь эдгэрсэн бол 16  хүн ХӨСҮТ-д эмчлүүлж байгаа. ХӨСҮТ-д  эмчлүүлж байгаа зургаан хүний биеийн байдал хүндэвтэр байна” гэлээ.

Мөн аравдугаар сарын 14-ний өдөр “Монголиан Эйрлайнс” компанийн Хөх хот руу хийсэн нислэгээр ирсэн таван хүнээс коронавирус илэрсэн гэх мэдээлэл цахим орчинд тархаад байгаа. Энэ талаар ЭМЯ-наас “Москвагаас Хөх хот руу транзит нислэг үйлдсэнийг хүмүүс буруу ойлгоод байна. Манай онгоц аравдугаар сарын 15-нд Хөх хотоос Бээжин рүү нисээд тэр оройдоо Улаанбаатарт ирээгүй. Таван зорчигчоос коронавирус илэрсэн гэдэг нь ташаа мэдээлэл” хэмээн мэдээллээ.