Хөл хорио хатуу дэглэмийг өнөөдрөөс сулруулж, өндөржүүлсэн бэлэн байдлын зэрэгт шилжээд буй. Тодруулбал, дөрвөн чиглэлийн үйл ажиллагааны байгууллагаас бусад аж ахуйн нэгжийн үйл ажиллагааг хэвийн явуулж эхэлсэн. Тэгвэл хөл хорионы дэглэм сулруулсантай холбоотой Баянзүрх дүүргийн 15 дугаар хороо Бөхийн өргөөний урд байрлах EFES супермаркетын хоёр давхрын "NB" шоп  америк барааны дэлгүүр хямдралтай худалдаа зарлажээ.

Улмаар хямдралтай бараа авахаар ирсэн иргэд тус супермаркетын гадна талбайд олноороо цугларч, бөөгнөрөл үүсгэсэн байна. Үүнтэй холбоотой цагдаагийн байгууллагаас дэлгүүрийн ойр орчмыг хамгаалалтад авч, иргэдийг тараажээ. 

Харин EFES супермаркет өнөөдөр үйл ажиллагаагаа явуулах боломжгүй болж, түр хугацаагаар хаасан байна.