Говь-Алтай аймгийн Дэлгэр суманд сонгууль өгөөд буцсан хоёр залуу зам тээврийн ослоор нас барсан гэх мэдээлэл бий. Энэ талаар ЦЕГ-ын мэргэжилтнээс тодруулахад “Говь-Алтай аймгийн Дэлгэр сумын нутаг дэвсгэрт зам тээврийн осол гарч, хоёр иргэн нас барсан гэх харамсалтай мэдээлэл өчигдөр бүртгэгдсэн. Дуудлага, мэдээллийн дагуу аймгийн цагдаагийн газрын шуурхай бүрэлдэхүүн хэргийн газар очиж хойшлуулшгүй ажиллагаа явуулсан. Ингэснээр тус аймгийн Дэлгэр сумын Баян-Өндөр багийн нутагт “Toyota sai” маркын автомашин замын зорчих хэсгийн баруун тал руу гарч осолдсоны улмаас тээврийн хэрэгсэлд зорчиж явсан таван иргэний хоёр нь нас барж, хоёр нь гэмтэж, эмнэлэгийн тусламж үйлчилгээ авсан” гэв.