МУГЖ Т.Ариунаагийн "Анхны хайр" ба "Нандин учрал" пянзны нээлт энэ оны тавдугаар сарын 4-нд Chinzo’s Records Room-д болно. Тэрбээр мөн урлагийн тайзнаа дуулсан 40 жилийнхээ ойн хүрээнд ирэх наймдугаар сарын 23-нд Төв цэнгэлдэх хүрээлэнд "Зүрх асна" тоглолтоо хийхээ товлосон. 15 настайгаасаа дуулж эхэлсэн гэдэг тэрбээр анх "Арван зургаан нас" дуугаараа үзэгчдэд хүрч эхэлсэн байдаг. Түүнчлэн 1996 онд анхны "Эрос № 1", 1997 онд харин "Зөвхөн чиний тухай", 2001 онд "Чи минь", 2002 онд "Хаврын шөнийн бодол", 2003 онд "Миний шинэ орон зай", 2006 онд "Дурлал шиг асна" зэрэг цомог гаргаж, уран бүтээлүүдээ үзэгчдэдээ хүргэж байжээ.