Зөвлөлт, Оросын кино найруулагч Владимир Меньшов “Ковид-19” халдварын хүндрэлээр Москвагийн эмнэлэгт нас барсан талаар “Мосфильм” кино студиэс мэдээллээ.

       Тэрээр амьд ахуй цагтаа 100 гаруй кинонд дүр бүтээсэн бөгөөд “Moskow does not believe in tears” буюу “Амьдрал нулимсанд дургүй” бүтээлээрээ 1981 онд Оскарын шагнал хүртсэн билээ.

       Владимир Меньшов 1939 оны есдүгээр сарын 17-нд Азербайжан Улсын нийслэл Баку хотод төрсөн. Москвагийн Урлагийн театрын сургуульд жүжигчний ангид суралцаж, түүний дараа ВГИК-ийн найруулагчийн тэнхимд суралцаж төгсчээ.

       Талийгаачийн гэр бүлээс "Нэрт найруулагчийг үдэх огноог эргэн мэдэгдэх болно” гэсэн юм.

Эх сурвалж: TASS