-ХАВРЫН АДАГ ХАР ЛУУ САРЫН ДӨРВӨН НОГООН ШАРАГЧИН ТАХИА ӨДӨР-

Үс засуулвал: Өлсөж ундаасна

Наран ургах, шингэх: 05:34-20:04

Барилдлага: Идэр   

Шүтэн барилдлага: Мунхрахуй   

Суудал: Шороо

Аргын тооллын тавдугаар сарын 1, Санчир гараг. Билгийн тооллын 20, Суулга одтой, шарагчин тахиа өдөр. Өдрийн наран 5:34 цагт мандан, 20:04 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лусыг тахих, хагалгаа хийлгэх, буг дарах, газрын ам бооход сайн. Мод суулгах, нарийн зөвлөгөөн хийх, сэтгэлд сэвтэй газар очих, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.