ХАВРЫН АДАГ ХАР ЛУУ САРЫН ЗУРГААН ЦАГААН ШАР НОХОЙ ӨДӨР

Үс засуулбал: Нас уртасна

Наран ургах, шингэх: 05:53-19:49

Барилдлага: Арвидах

Шүтэн барилдлага: Төрөхүй

Суудал: Мод

Аргын тооллын дөрөвдүгээр сарын 20, Ангараг гараг. Билгийн тооллын найман, Найралт эх одтой, шар нохой өдөр. Өдрийн наран таван цаг 53 минутад мандан, 19 цаг 49 минутад жаргана. Энэ өдөр бар, морь жилтнээ аливаа үйлийг хийхэд эерэг сайн бөгөөд бич, тахиа жилтнээ сөрөг муу нөлөөтэй тул элдэв зүйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйл эхлэх, угаал үйлдэх, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Тариалангийн хур буух улирал дөрвөн цаг 46 минутад эхэлнэ. Үс шинээр үргээлгэх буюу засуулбал нас уртадна.