ХАВРЫН ДУНД ЦАГААГЧИН ТУУЛАЙ САРЫН ЗУРГААН ЦАГААН ЦАГААН ЛУУ ӨДӨР

Үс засуулбал: Өлсөж ундаасна

Наран ургах, шингэх: 06:29-19:23

Барилдлага: Шид

Шүтэн барилдлага: Төрөхүй

Суудал: Ус

Аргын тооллын дөрөвдүгээр сарын 2, Сугар гараг. Билгийн тоолын 20, Эрхтний тэнгэрт одтой, цагаан луу өдөр. Өдрийн наран зургаан цаг 29 минутад мандан, 19 цаг 23 минутад жаргана. Энэ өдөр хулгана, бич жилтнээ аливаа үйлийг хийхэл эерэг сайн бөгөөд бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эхлэх, зэрэг дэв дэвших, угаал үйлдэх, бороо хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.