Өнгөрсөн оны нэгдүгээр сараас хойш цар тахлын улмаас олон улсын аялалд гараагүй. Харин нислэгийн хуваарь энгийн горимд шилжиж буй энэ үед олон улсын аялалд явахаар зэхэж буй олон хүн бий биз ээ. Гэвч дэлхий дахинд “Ковид-19”-ийн халдварийг бүрэн дарж чадаагүй бөгөөд улам хор хөнөөлтэй болон хувирч байна. Иймээс цар тахлын үед аялагчдад хэрхэн өөртөө болон бусдад эрсдэл учруулахаас сэргийлж, ковидын шинэ хувилбаруудаас өөрийгөө хамгаалж аялах зөвлөгөө хүргэе.

            Та аялахаасаа өмнө дараах асуултыг өөрөөсөө асуугаарай

• Та ковидын эсрэг дархлаажуулалтдаа бүрэн хамрагдснаас хойш хоёр долоо хоног өнгөрсөн үү?

      Учир нь та ямар вакцин хийлгэснээс үл хамааран хоёр тунгаа бүрэн хийлгээд 14 хоносон байх нь чухал.

• Та ямар нэг суурь өвчинтэй юү?

      Учир нь өндөр настай, архаг хууч өвчтэй бол ковидын халдвар авсан тохиолдолд хүндрэх магадлал.

• Та суурь өвчтэй, өндөр настай хүнтэй хамт амьдардаг уу?

      Учир  нь, хэрэв та аялалын үеэр халдвар авбал буцаж ирэхдээ бусдад халдвар тараах эрсдэлтэй.

• Таны аялахаар сонгосон улс аялагчдад ямар дүрэм, хязгаарлалт тогтоосон бэ?

       Мэдээж та тухайн улс, муж, аймаг, дүүргийн тогтоосон дүрэм журмыг баримтлах ёстой. Тиймээс аялах орон нутгийнхаа хязгаарлалтын дүрэм, аялагчдад тавих шаардлагыг нягтлах хэрэгтэй. Учир нь, орон нутгаасаа шалтгаалаад шинжилгээний хариу, 14 хоногийн тусгаарлалт зэрэг шаардлага бий. Гэхдээ аялалд гарах хугацаа дөхөхийн хэрээр очих улс орныхоо нөхцөл байдал, цар тахлын сүүлийн үеийн мэдээллийг авах нь чухал.

Аялагчдад өгөх ерөнхий зөвлөгөө

1. Та вакциндаа бүрэн хамрагдсан ч аялалаас ирснээс хойш 3-5 хоногийн дараа шинжилгээ өгөх хэрэгтэй. Шинжилгээний хариу гартал өөрийгөө тусгаарлаж, уулзалтаа хойшлуулаарай.
2. Хэрэв вакцин хийлгээгүй ч аялах улс орон тань хүлээж авахаар болсон бол аялалаас 3-5 хоногийн өмнө шинжилгээ өгч, заавал хариу нь гарсан тохиолдолд аялалд гарч болно. Мөн аялалаас ирээд дээр дурдсаны адил шинжилгээ өгөх хэрэгтэй.
3. Хаалганы бариул, лифтны товчлуур зэрэг олон хүн хүрдэг зүйлд хүрсэн бол гараа ариутгах эсвэл угаагаарай. Гар ариутгагчны спиртын агууламж 60 хувиас багагүй байх хэрэгтэй. Харин гараа дор хаяж 20 секунд савандаж, угаах ёстой.
4. Хооллохоос өмнө, ханиалгаж, найтаах эсвэл ариун цэврийн өрөө орсны дараа мөн гараа угаагаарай.
5. Олон хүнтэй арга хэмжээнээс зайлсхийж, хүн хоорондын зай баримтлаарай.
6. Нүд болон хамартаа гараараа хүрэхээс зайлсхий.

Агаарын тээврээр аялагчид өгөх зөвлөгөө

1. Гар цүнхэндээ гар ариутгагч авч яваарай.
2. Амны хаалтаа заавал зүүгээрэй.
3. Гар утас, түрийвч, түлхүүрээ гар цүнхэндээ хийж, аль болох эдгээр зүйлст хүрэхээс зайлсхий.
4. Хоолны төрлийн зүйлийг тусгай гялгар уутанд хийгээрэй.

Автомашинаар аялагчид өгөх зөвлөгөө

1. Зам зуураа цөөн удаа  зогсоорой.
2. Дэлгүүр болон хоолны газраар үйлчлүүлэх эрсдэлтэй тул хоол хүнсээ бэлдээрэй.
3. Гар ариутгагч, амны хаалтаа өөрт ойрхон байлгаарай

Бусад тээврийн хэрэгслээр аялагчдад өгөх зөвлөгөө

1. Галт тэрэг, метро, автобусаар зорчих гэж байвал дээр дурдсан бүх зөвлөгөөг хэрэгжүүлээрэй.
2. Та аялах орондоо онгоцоор очсон ч зочид буудал руугаа явах, гадуур аялахад ямар нэг унаа хэрэгтэй болно. Тиймээс дуудлагын такси болон зочид буудлын хүргэлтийн үйлчилгээний аюулгүй байдал, ариутгал халдваргүйтэлтэй сайн танилцахыг зөвлөж байна.

Таны аялалын цүнхэнд байх ёстой зүйлс

1. Амны хаалт
2. Спиртын агууламж 60 хувиас багагүй гар ариутгагч
3. Ариутгагчтай арчуур
4. Халуун хэмжигч

   Ингээд та нэгэнт аялах газраа ирсэн бол зочид буудлын үйлчилгээнд онцгой анхаарал хандуулж, аялалд гарахаасаа өмнө сайн судлаарай.

Б.БАДАМЗУЛ