Улсын их баяр наадмын бөхийн барилдааны тавын даваанаас хойш тунаж, үлдсэн 32 бөхөөс допингийн шинжилгээ авсан билээ. Тус шинжилгээний хариу хэд хоногийн өмнө БНСУ-аас ирсэн талаар бид мэдээлсэн.  Энэ үеэр  улсын цолтой гурван бөхөөс хориотой бодис илэрсэн гэсэн мэдээлэл гарсан юм. Тодруулбал, энэ жилийн наадмын үзүүр бөх Улсын аварга Н.Батсуурь, Улсын арслан Р.Пүрэвдагва, Улсын харцага Б.Бат-Орших нараас хориотой бодис илэрсэн талаарх мэдээлэл цацагдаад байгаа. Үүнтэй холбоотойгоор Улсын арслан Н.Батсуурь өнөөдөр 14:00 цагаас мэдээлэл хийж, тайлбар өгөхөөр болжээ. Харин нэр холбогдсон хоёр бөх одоог хүртэл сураг чимээгүй байна. 
Бид тус мэдээллийг шууд дамжуулан үзүүлэх болно.