Олон улсын жүдо бөхийн холбоо “IJF”-ийн цуврал “Астана-2025” их дуулга тэмцээн тавдугаар сарын 9-11-ний өдрүүдэд Казахстаны Астана хотод болох гэж байна.  Энэ удаагийн “Их дуулга” тэмцээнд одоогийн байдлаар 45 улсын эрэгтэй 203, эмэгтэй 157, нийт 360 тамирчин өрсөлдөх мэдүүлэг өгчээ. Манай улсаас эрэгтэй 11, эмэгтэй 11, нийт 22 жүдочин зодоглоно.  Монгол Улсын жүдочид долоо хоногийн өмнө тавдугаар сарын 2-4-ний өдрүүдэд Тажикстан Улсын Душанбе хотод болсон их дуулга тэмцээнээс хоёр алт, нэг мөнгө, хоёр хүрэл, нийт таван медаль хүртсэн. Харин одоо тэрхүү амжилтаа “Астана-2025” их дуулгад ахиулах хүндхэн сорилттой тулгараад байна.

ЭМЭГТЭЙ ЖҮДОЧИД:

      Эмэгтэйчүүдийн 48 кг-ын жинд 24 жүдочин барилдах мэдүүлэг өгсөн байна. Манай улсаас тус жинд Тбилисийн их дуулгын аварга ОУХМ Ганбаатарын Наранцэцэг барилдана. 52 кг-ын жинд 27 жүдочин байгаа. Манай улсаас Баянмөнхийн Уранзаяа, Мягмарсүрэнгийн Нандин-Эрдэнэ нар хүч сорино.

      Эмэгтэйчүүдийн 57 кг-ын жинд 21 жүдочин барилдах мэдүүлэг өгсөн байна. Манай улсаас өсвөр үеийн дэлхийн аварга, Азийн аваргын хүрэл медальт, ОУХМ Тэрбишийн Ариунзаяа өрсөлдөнө. 63 кг-ын жинд 28 жүдочин барилдах мэдүүлэг өгсөн байна. Манай улсаас Ази тивийн аварга, ОУХМ Болдын Ганхайч, ДАШТ-ий хошой хүрэл медальт, Ази тивийн аварга, МУГТ Лхагватогоогийн Энхрийлэн нар хүч үзнэ.

     Эмэгтэйчүүдийн 70 кг-ын жинд 27 жүдочин барилдах мэдүүлэг өгсөн байна. Манай улсаас өсвөр үеийн ДАШТ-ий хүрэл, Азийн аваргын хошой  хүрэл медальт Батсуурийн Ням-Эрдэнэ, Ази тивийн аваргын тавдугаар байрын шагналт Дарханбатбаярын Есүй нар барилдана. Эмэгтэйчүүдийн -78 кг-ын жинд 17 жүдочин барилдах мэдүүлэг өгсөн байна. Манай улсаас залуу тамирчин Жадамбаагийн Урангоо, Айлтгүйбаатарын Дуламсүрэн нар хүч сорин өрсөлдөнө. Эмэгтэйчүүдийн +78 кг-ын жинд 14 жүдочин барилдах мэдүүлэг өгсөн байна. Манай улсаас ОУХМ Амарсайханы Адъяасүрэн барилдана.

ЭРЭГТЭЙ ЖҮДОЧИД:

          Эрэгтэйчүүдийн 60 кг-ын жинд 31 жүдочин барилдах мэдүүлэг өгсөн байна. Манай улсаас УАШТ-ий дөрвөн удаагийн аварга, ОУХМ Бямбасүрэнгийн Сүхбат, Батцэрэнгийн Энэбиш нар өрсөлдөнө. Эрэгтэйчүүдийн 66 кг-ын жинд 29 жүдочин барилдах мэдүүлэг өгсөн байна. Манай улсаас ОУХМ Ганболдын Хэрлэн, залуу тамирчин Өнөрбатын Жанцандорж нар хүч үзнэ.

           Эрэгтэйчүүдийн 73 кг-ын жинд 38 жүдочин барилдах мэдүүлэг өгсөн байна. Манай улсаас Тбилисийн гранд сламын аварга, ОУХМ Батзаяагийн Эрдэнэбаяр, ДАШТ-ий хүрэл медальт ОУХМ Лавжаргалын Анхзаяа нар хүч сорин өрсөлдөнө.

          Эрэгтэйчүүдийн 81 кг-ын жинд 33 жүдочин барилдах мэдүүлэг өгсөн байна. Манай улсаас залуу тамирчин Гансүхийн Батсугар барилдана. Эрэгтэйчүүдийн 90 кг-ын жинд 31 жүдочин барилдах мэдүүлэг өгсөн байна. Манай улсаас Баттогтохын Мөнхбаяр хүч үзнэ. Эрэгтэйчүүдийн -100 кг-ын жинд 23 жүдочин барилдах мэдүүлэг өгсөн байна. Манай улсаас Баярцэнгэлийн Хүдэрчулуун, Алтаншагайн Энхбаяр нар барилдана. +100 кг-ын жинд ОУХМ Батхуягийн Гончигсүрэн жин өгсөн хүч сорин өрсөлдөнө.

         Казахстаны Астанагийн “Гранд слам”-д дэлхийн шилдэг жүдочид цуглах бололтой. Эрэгтэйчүүдийн 60 кг-ын жинд Тайванийн YANG Yung Wei, Өмнөд Солонгосын LEE Harim, Францын Cedric REVOL, Бельгийн  Jorre VERSTRAETEN, Узбекистаны Doston RUZIEV нарын шилдгүүд байна. 66 кг-д Казахстаны Gusman KYRGYZBAYEV, Узбекистаны MukhriddinTILOVOV нар байгаа.

        Мөн 73 кг-д Швейцарын Nils STUMP, Тажикстаны  Behruzi KHOJAZODA, Израилийн Baruch SHMAILOV, 81 кг-д Японы Takanori NAGASE, Өмнөд Солонгосын LEE Joonhwan, Казахстаны Abylaikhan  ZHUBANAZAR, -100 кг-д Японы Dota ARAI, +100 кг-ын жинд OTA Hyoga, ОХУ-ын Denis BATCHAEV, Гүржийн Saba INANEISHVILI, Узбекистны  Utkirbek TUROBOYEV, Өмнөд Солонгосын LEE Seungyeob, Бразилын Rafael BUZACARINI нар барилдахаар болжээ.

       Харин эмэгтэйчүүдийн 48 кг-ын жинд Италийн  Assunta SCUTTO, Испанийн Julia FIGUEROA,  Eva PEREZ SOLER, Бразилын Natasha FERREIRA,  Израилийн Tamar MALCA, Хятадын Wenna ZHUANG, 52 кг-д Германы Mascha BALLHAUS, Унгарын PUPP Reka, Бразилийн Jessica  PEREIRA, Францын Astride GNETO нар барилдана.

      Мөн 57 кг-д  Японы Momo TAMAOKI, Францын Faiza  MOKDAR, Германын Pauline STARKE, Польшийн Arleta PODOLAK, эмэгтэйчүүдийн 63 кг-ын жинд  Израилийн SHARIR Gili, Хорватын Katarina KRISTO, Австралийн Katharina HAECKER, Бразилын Rafaela SILVA, Японы Narumi TANIOKA нар барилдах мэдүүлэг өгсөн байна.

      Эмэгтэйчүүдийн 70 кг-д Нидерландын  Hilde JAGER, Румыны Serafima MOSCALU, Израилийн Maya GOSHEN, Италийн Giorgia STANGHERLIN, Өмнөд Солонгосын  KIM Hyemi, +78 кг-д Бразилын Beatriz SOUZA, Францын Julia TOLOFUA, Өмнөд Солонгосын LEE Hyeonji, Японы Ruri TAKAHASHI,  Хятадын Xinran NIU,  Jinesinuer AYIMAN, ОХУ-ын Mariia IVANOVA нарын амаргүй өрсөлдөгчид байна.