Олон улсын жүдо бөхийн холбоо “IJF”-ийн цуврал “Их дуулга” тэмцээний нэг “Баку-2025 гранд слам” тэмцээн Азербайжан Улсын Баку хотод хоёрдугаар сарын 14-16-ны өдрүүдэд болно. Тус “Их дуулга” тэмцээнд 37 орны эрэгтэй 169, эмэгтэй 95, нийт 264 жүдочин барилдах мэдүүлэг өгсөн байна. Тус тэмцээний эрэгтэйчүүдийн 60 кг-ын жинд 20 тамирчин, 66 кг-д 25, 73 кг-д 32, 81 кг-д 33, 90 кг-д 26, -100 кг-д 16, +100 кг-ын жинд 17 жүдочин барилдах бололтой. Эмэгтэйчүүдийн 48 кг-ын жинд 20 тамирчин, 52 кг-12, 57 кг-д 14, 63 кг-д 11, 70 кг-д 18, -78 кг-д 8, +78 кг-д 12 жүдочин барилдах мэдүүлэг өгсөн байна. Манай улсаас эмэгтэй нэг, эрэгтэй дөрвөн тамирчин өрсөлдөнө.

ЭРЭГТЭЙЧҮҮДИЙН 60 КГ-ЫН ЖИНД Н.МЭНДСАЙХАН, М.ТЭРГЭЛСАР

     Эрэгтэйчүүдийн 60 кг-ын жинд 20 тамирчин байна. Манай улсаас өсвөр үеийн дэлхийн аваргын мөнгөн медальт Нямсүрэнгийн Мэндсайхан, Мөнхжаргалын Тэргэлсар нар барилдана. Тэднийг Японы Ryuju NAGAYAMA,  Taiki NAKAMURA, Азербайжаны Balabay AGHAYEV, Turan BAYRAMOV, Бельгийн Jorre VERSTRAETEN, Украины Dilshot  KHALMATOV нарын шилдгүүд хүлээж байна.

ЭРЭГТЭЙЧҮҮДИЙН 66 КГ-ЫН ЖИНД Б.НЯМРЕНЧИН, А.АЗБААТАР

      Эрэгтэйчүүдийн 66 кг-ын жинд 25 тамирчин барилдана. Манай улсаас тус жинд Бадамрагчаагийн Нямренчин, Алтанхүүгийн Азбаатар нар өрсөлдөнө. Энэ жинд мөн АНУ-ын нэр дээр 19 настай Эрдэнэцогтын Билэгт барилдах юм байна. Тус жинд Японы Takeshi TAKEOKA, Ryoma TANAKA,  Азербайжаны Ruslan PASHAYEV, Yashar NAJAFOV, Сербийн Strahinja BUNCIC, Испанийн David GARCIA TORNE, Туркийн Muhammed DEMIREL, Германын Martin SETZ, Өмнөд Солонгосын KIM Channyeong нарын амаргүй хүчтэй өрсөлдөгчид байгаа юм.

ЭМЭГТЭЙЧҮҮДИЙН 52 КГ-ЫН ЖИНД Б.УРАНЗАЯА

     Эмэгтэйчүүдийн 52 кг-ын 12 тамирчин барилдах мэдүүлэг өгсөн байна. Манай улсаас Баянмөнхийн Уранзаяа барилдана. Түүнийг олимп, дэлхийн аварга Японы Uta ABE, Сербийн Milica NIKOLIC, Германы Mascha BALLHAUS, Унгарын  PUPP Reka, Өмнөд Солонгосын HWANG Suryeon, Испанийн Ayumi LEIVA SANCHEZ нарын амаргүй, хүчтэй өрсөлдөгчид хүлээж байгаа.