Жүдо бөхийн 2025 оны эхний “Гранд слам” тэмцээн ирэх хоёрдугаар сарын 1-2-ны өдрүүдэд Франц Улсын Парис хотод эхлэх гэж байгаа билээ. Энэ удаагийн “Их дуулга” тэмцээнд дэлхийн 54 орны эрэгтэй 176, эмэгтэй 142, нийт 318 жүдочин барилдах мэдүүлэгийг одоогоор өгөөд байна. Манай улсаас эмэгтэй долоо, эрэгтэй таван тамирчин хүч үзнэ.

ЭРЭГТЭЙЧҮҮДИЙН 60 КГ-Д  Б.СҮХБАТ, Н.МЭНДСАЙХАН

       Эрэгтэйчүүдийн 60 кг-ын жинд 21 жүдочин байгаа. Манай улсаас улсын гурван удаагийн аварга ОУХМ Бямбасүрэнгийн Сүхбат, өсвөр үеийн ДАШТ-ий мөнгөн медальт Нямсүрэнгийн Мэндсайхан нар барилдана. Энэ жинд Францын REVOL Cedric, Romain VALADIER PICARD, Бельгийн Jorre VERSTRAETEN, Италийн  Andrea CARLINO, Азербайжаны  Ahmad YUSIFOV, Японы Kenta SEKIMOTO, Өмнөд Солонгосын CHOI In Hyuk,,  HWANG Hyesung, Гүржийн Jaba PAPINASHVILI, Узбекистаны Bakhrom  BOTUROV нарын дунд гол өрсөлдөөн өрнөх болов уу.

 ЭРЭГТЭЙЧҮҮДИЙН 66 КГ-Д  Г.ХЭРЛЭН, Б.НЯМРЕНЧИН, Б.НАРМАНДАХ

       Эрэгтэйчүүдийн 66 кг-ын жинд  28 жүдочин байна. Манай улсаас ОУХМ Ганболдын Хэрлэн, Бадамрагчаагийн Нямсренчин, АНЭУ-ын нэр дээр барилдаж буй ОУХМ Баянмөнхийн Нармандах  нар өрсөлдөнө. Тус жинд Гүржийн Vazha MARGVELASHVILI,  Temur NOZADZE,  ОХУ-ын Murad CHOPANOV, Францын Walide KHYAR, Daikii  BOUBA, АНЭУ-ын Баянмөнхийн Нармандах, Сербийн Strahinja BUNCIC, Финландын Luukas SAHA, Азербайжаны Ruslan PASHAYEV, Rashad YELKIYEV, Японы Taikoh  FUJISAKA, Өмнөд Солонгосын  KIM Channyeong нарын шилдгүүд байна.

ЭРЭГТЭЙЧҮҮДИЙН 81  КГ-Д  О.ШИНЭБАЯР

       Эрэгтэйчүүдийн 81 кг-ын жинд 27 жүдочин байна. Манай улсаас Оюунчимэгийн Шинэбаяр барилдана. Энэ жинд дэлхийн аварга Бельгийн Matthias CASSE, Өмнөд Солонгосын LEE Joonhwan, Японы Yoshito HOJO,  Гүржийн Zaur DVALASHVILI, Азербайжаны Omar RAJABLI, Канадын  Francois DRAPEAU GAUTHIER,  АНЭУ-ын Nugzari TATALASHVILI нарын амаргүй өрсөлдөгчид байна.

 ЭМЭГТЭЙЧҮҮДИЙН 48  КГ-Д  Ж.АНУДАРЬ

      Эмэгтэйчүүдийн 48 кг-ын жинд 18 жүдочин байна. Манай улсаас залуу тамирчин, шинэхэн улсын аварга, өсвөр үеийн ДАШТ-ий мөнгөн медальт Жамсрангийн Анударь барилдана. Тус жинд олимп, дэлхийн хүрэл медальт Швейдийн 19 настай “Залуу-Од” Tara BABULFATH, Японы KOGA Wakana, KONDO Mitsuki,  Францын Shirine  BOUKLI, Португалийн Catarina COSTA, Испанийн Laura MARTINEZ ABELENDA, Өмнөд Солонгосын PARK Eunlee, Сербийн Andrea STOJADINOV, Челийн Mary Dee VARGAS LEY, Израйлийн Tamar MALCA амаргүй өрсөлдөгчид Ж.Анударийг хүлээж байгаа.

ЭМЭГТЭЙЧҮҮДИЙН 52  КГ-Д Б.ГҮНДЭГМАА, Б.УРАНЗАЯА, Б.ХОРЛООДОЙ

     Эмэгтэйчүүдийн 52 кг-ын жинд 26 жүдочин бүртгүүлсэн байна. Манай улсаас Баянмөнхийн Уранзаяа, Болдбаатарын Гүндэгмаа нар өрсөлдөнө. Энэ жинд олимп, дэлхийн аварга Косовогийн Distria KRASNIQI, Ази тивийн аварга АНЭУ-ын нэр дээр барилдаж буй ОУХМ Бишрэлтийн Хорлоодой, ДАШТ-ий хүрэл медаль Израйлийн Gefen PRIMO, Японы Kisumi OMORI, Kokoro FUJISHIRO, Сербийн Milica NIKOLIC, Испанийн Ariane TORO SOLER, Өмнөд Солонгосын JANG Seyun,  Францын Astride GNETO, Бразилийн Jessica PEREIRA зэрэг шилдгүүд байна.

ЭМЭГТЭЙЧҮҮДИЙН 57  КГ-Д О.ОЮУНЧИМЭГ, М.ЦЭНДБАЗАР

     Эмэгтэйчүүдийн 57 кг-ын жинд 19 жүдочин барилдах мэдүүлэг өгөөд байна. Энэ жинд манай улсаас ОУХМ Оюунгэрэлийн Оюунчимэг, Машбатын Цэндбазар нар өрсөлдөнө. Тус жинд олимпын аварга, Косовогийн Nora GJAKOVA, Японы Mika ADACHI, Megumi FUCHIDA,  Сербийн Marica PERISIC, Израилийн NELSON LEVY Timna,  Францын Faiza MOKDAR, Гүржийн Eteri LIPARTELIANI зэрэг шилдгүүд байгаа юм.

ЭМЭГТЭЙЧҮҮДИЙН 63  КГ-Д Х.МАРАЛМАА

      Эмэгтэйчүүдийн 63 кг-ын жинд 24 жүдочин барилдах мэдүүлгийг өгөөд байгаа. Манай улсаас залуу тамирчин Хүрэлчулууны Маралмаа барилдана. Тус жинд олимп, дэлхийн аварга, Бразилийн Rafaela SILVA,  Израилийн Inbal SHEMESH, Японы Haruka KAJU, Megu DANNO, Өмнөд Солонгосын SHIN Chaewon, Нидерландын Joanne VAN LIESHOUT, Хорватын Katarina KRISTO,  Iva OBERAN, Чехийн Renata ZACHOVA нарын амаргүй өрсөлдөгчид байна.

ЭМЭГТЭЙЧҮҮДИЙН 70  КГ-Д С.ЛХАГВАДУЛАМ

     Эмэгтэйчүүдийн 70 кг-ын жинд 22 жүдочин барилдах юм байна. Манай улсаас ОУХМ Саранцэцэгийн Лхагвадулам жин өгсөн өрсөлдөнө. Энэ жинд Францын Marie Eve GAHIE, Японы Mayu  HONDA, Utana TERADA, Өмнөд Солонгосын  PARK Seeun, Испанийн Ai TSUNODA ROUSTANT, Нидерландын Hilde JAGER, Margit DE VOOGD, Италийн Irene PEDROTTI, Израилийн Maya KOGAN, Португалийн Tais PINA, Шведийн Ida ERIKSSON нарын дунд гол өрсөлдөөн өрнөх магадлалтай байгаа.