Энэ өдөр 2024 оны жюү жицүгийн ДАШТ-ий “No Gi” ангиллын мөнгөн медальт “Гаруда” академийн тамирчин Ганбаатарын Монголжин мэндэлжээ. Тэрбээр Архангай аймгийн Тариат сумын Мөрөн багт төрсөн. Харин Улаанбаатар хотод өссөн. Зургаан жилийн өмнөөс жюү жицү бөхийн спортоор хичээллэсэн. Одоо “Гаруда” клубийн тамирчин. МУИС-ийн сэтгэл судлалын тэнхимд суралцаж төгссөн. Одоогоор Монголын жюү жицүгийн холбоонд ажиллаж байгаа. Тив, дэлхийн амжилтуудаас нь дурдвал сонирхогчийн дэлхийн аваргын хүрэл, гран при тэмцээний хүрэл медальтай. “World Beach Cup” тэмцээнийн мөнгөн медальтай. Олон улсын нээлттэй тэмцээнүүдээс алт, мөнгөн медаль авч байлаа. Дэлхийн тулааны спортын наадмын хүрэл медаль, 2024 оны жюү жицүгийн ДАШТ-ээс мөнгөн медаль хүртээд байгаа.