“Парис-2024” олимпын наадмын дараа “IJF” Олон улсын жүдо бөхийн холбооноос жүдочдын дэлхийн чансааны шинэ жагсаалтыг гаргажээ. Манай улсаас “Парис-2024” олимпын мөнгөн медаль, ДАШТ-ий алтан медальт, Ази тивийн аварга, Монгол Улсын гавьяат тамирчин Бавуудоржийн Баасанхүү  эмэгтэйчүүдийн 48 кг-ын жингийн дэлхийн чансааг тэргүүлж явна.

ЭМЭГТЭЙЧҮҮДИЙН ДЭЛХИЙН ЧАНСААГ ТЭРГҮҮЛЭГЧ ЖҮДОЧИД

Монгол Улсын жүдочин  Бавуудоржийн Баасанхүү 48 кг:

       Жүдо бөхийн Үндэсний шигшээ баг, "Сүлд" спорт хорооны жүдочин,  Монгол Улсын гавьяат тамирчин Бавуудоржийн Баасанхүү эмэгтэйчүүдийн 48 кг-ын жингийн дэлхийн чансааг тэргүүлж явна. Тэрбээр “Парис-2024” олимпын мөнгөн медаль, 2024 оны ДАШТ-ий алт, 2024 оны Ази тивийн алтан медаль, “Душанбе-2024” их дуулгаас алтан медаль хүртсэн амжилтын оноогоор 48 кг-ын жингийн дэлхийн чансааг тэргүүлж явна.

Диёора Кэлдиеорова 52 кг:

        Узбекистан Улсын жүдочин Диёора Кэлдиеорова “Парис-2024” олимпын аваргын алтан медаль, 2024 оны ДАШТ-ий мөнгөн медаль, “Ханжоу-2022” Азийн наадмын алт, Азийн аварга шалгаруулах тэмцээний хүрэл, “Баку-2024” их дуулгын алт, “Португаль-2024” гран пригийн алт медаль хүртсэн амжилтын оноогоор 52 кг-ын жингийн дэлхийн чансааг тэргүүлж байгаа.

Криста Дегүчи 57 кг:

         Канад Улсын жүдочин Криста Дегүчи “Парис-2024” олимпын алт, 2024 оны ДАШТ-ий мөнгөн медаль, 2024 оны Пан Америк тивийн аварга шалгаруулах тэмцээний мөнгө, “Баку-2024”, “Анаталяа-2024”  их дуулгын алт, “Парис-2024” их дуулгаас алтан медаль хүртсэн амжилтын оноогоор 57 кг-ын жингийн дэлхийн чансааг тэргүүлсэн.

Андрей Лески 63 кг:

         Словенийн алдарт жүдочин Андрей Лески “Парис-2024” олимпын 63 кг-ын жинд түрүүлж алт медаль, 2024 оны  ДАШТ-ий тавдугаар байр, 2024 оны Европ тивийн аварга шалгаруулах тэмцээний хүрэл,  “Астана-2024”  их дуулга тэмцээнээс мөнгөн медаль хүртсэн амжилтын оноогоор 63 кг-ын жингийн дэлхийн чансааг тэргүүлэх болсон.

Барбара Матич 70 кг:

     Хорват Улсын жүдочин Барбара Матич “Парис-2024” олимпын наадмын 70 кг-ын жинд алтан медаль, 2024 оны Европын аварга шалгаруулах тэмцээнээс алт, “Баку -2024”, Тибилис-2024” их дуулгын алт, “Парис-2024” их дуулгын хүрэл, “Португаль-2024” гран сламаас алтан медаль хүртсэн амжилтаар дэлхийн 70 кг-ын жингийн чансааг тэргүүлж явна.

Alice Bellandi -78 кг

          Итали Улсын жүдочин Alice Bellandi “Парис-2024” олимпоос алт, 2024 оны ДАШТ-ээс мөнгөн медаль, “Ташкент-2024” их дуулгын хүрэл, “Парис-2024” их дуулгын мөнгө, “Абу Даби-2023” их дуулгаас алтан медаль хүртсэн амжилтын оноогоор -78 кг-ын жингийн дэлхийн чансааг тэрүүлэх болсон.

Романе ДИКО +78 кг:

        Франц Улсын жүдочин Романе Дико “Парис-2024” олимпын наадмаас хүрэл, “Баку-2024”, Казахстан-2024”, “Парис-2024” их дуулгын алт, 2024 оны Европ тивийн аварга шалгаруулах тэмцээнээс алтан медаль хүртсэн амжилтын оноогоор +78 кг-ын жингийн дэлхийн чансааг тэргүүлж яваа.

ЭРЭГТЭЙЧҮҮДИЙН ДЭЛХИЙН ЧАНСААГ ТЭРГҮҮЛЭГЧ ЖҮДОЧИД

Ян Юү Вей 60 кг:

        “Токио-2020” олимпын мөнгөн медальт Тайвань Улсын алдарт жүдочин Ян Юү Вей “Парис-2024” олимпын долдугаар байр, 2024 оны ДАШТ-ээс мөнгөн медаль, 2024 оны Азийн аварга шалгаруулах тэмцээнээс мөнгөн медаль, “Аламата-2024” их дуулгаас алт, “Португаль-2024” гранд сламаас хүрэл медаль хүртсэн амжилтын оноогоор 60 кг-ын жингийн дэлхийн чансааг тэргүүлэх болсон.

Абэ Хифуми 66 кг:

        Олимп, дэлхийн аварга Япон Улсын алдарт жүдочин Абэ Хифуми  “Парис-2024” олимпын алт, 2024 оны ДАШТ-ий алт, “Токио-2023” их дуулгаас алтан медаль хүртсэн амжилтын оноогоор 66 кг-ын жингийн дэлхийн чансааг тэргүүлж яваа юм.

Хидаяат Хейдаров 73 кг:

       Азербайжан Улсын алдарт жүдочин Хидаяат Хейдаров “Парис-2024” олимпын алт, 2024 оны ДАШТ-ээс алт, 2024 оны Европ тивийн аварга шалгаруулах тэмцээнээс алт, “Баку-2024” их дуулгаас алт, “Токио-2023” их дуулгаас алтан медаль хүртсэн амжилтын оноогоор 73 кг-ын жингийн дэлхийн чансааг тэргүүлэх болсон.

Тато Григалашвили 81 кг:

        Гүрж Улсын жүдочин Тато Григалашвили “Парис-2024” олимпын наадмаас мөнгө, 2024 оны ДАШТ-ээс алтан медаль, 2024 оны Европ тивийн аварга шалгаруулах тэмцээнээс алтан медаль хүртсэн амжилтын оноогоор 81 кг-ын жингийн дэлхийн чансааг тэргүүлж байгаа.

Лаша Бекаури 90 кг:

            Гүрж Улсын жүдочин Лаша Бекаури “Парис-2024” олимпын наадмаас алт, 2024 оны ДАШТ-ээс алт, 2024 оны Европ тивийн аварга шалгаруулах тэмцээнээс хүрэл, “Тибилис-2024” их дуулгаас алтан медаль хүртсэн амжилтын оноогоор 90 кг-ын жингийн дэлхийн чансааг тэргүүлэх болсон.

Зелим Коцоев -100 кг:

           Азербайжан Улсын жүдочин Зелим Коцоев “Парис-2024” олимпын наадмаас алт, 2024 оны ДАШТ-ээс алт, 2024 оны Европ тивийн аварга шалгаруулах тэмцээний тавдугаар байр, “Баку-2024” их дуулгад долдугаар байрт шалгарсан амжилтын оноогоор -100 кг-ын жингийн дэлхийн чансааг өнгөлж явна.

KIM Minjong +100 кг:

      Өмнөд Солонгосын жүдочин KIM Minjong “Парис-2024” олимпын наадмаас мөнгөн медаль, 2024 оны ДАШТ-ээс алтан медаль,  2024 оны Азийн аварга шалгаруулах тэмцээнээс мөнгөн медаль, “Парис-2024” их дуулгаас мөнгө, “Португаль-2024” гран пригээс мөнгөн медаль хүртсэн амжилтын оноогоор +100 кг-ын жингийн дэлхийн чансааг одоогоор тэргүүлж явж байна.