"Парис2024" паралимпын наадмын таэквондогийн  эрэгтэйчүүдийн 63 кг-ын жинд Монгол Улсын гавьяат тамирчин   Ганбатын Болор-Эрдэнэ тулалдана. Тэрбээр 1995 онд Сүхбаатар аймгийн Баруун-Урт хотод төрсөн. Түүний таэквондогийн анхны багш нь “ITF” буюу Олон улсын таэквондогийн Монголын холбооны “Амжилт кибер” дунд сургуулийн таэквондогийн багш, дасгалжуулагч Нэргүй юм.  Харин МУГТ Г.Болор-Эрдэнэ “WTF” буюу Дэлхийн таэквондогийн Монголын холбооны пара таэквондогийн УАШТ-д түрүүлж, тив, дэлхийн тэмцээнд оролцох болсон билээ.

           Тэрбээр  2014 онд олимпын төрөлд багтсан “WTF”-ийн пара таэквондогийн  ”Москва-2014” ДАШТ-ээс алтан медаль авч, ДАШТ-ий “Шилдэг тамирчин” шагналыг хүртэж байв. Улмаар  2015 онд Турк Улсын Самсун хотод болсон “Самсун-2015” ДАШТ-ээс алтан медаль,  2017 онд Английн нийслэл Лондон хотод явагдсан  “Лондон-2017” ДАШТ-ээс алтан медаль,  2019 онд Туркийн Анталиая хотопд болсон “Анталиая-2019” ДАШТ-ээс алтан медаль авч, ДАШТ-ий “Шилдэг тамирчин” шагналыг хоёр дахь удаагаа  хүртсэн юм.  Мөн  2021 онд Турк Улсын Истанбул хотод  болсон "Истанбул 2021" ДАШТ-ээс алтан медаль, 2023 онд Мексик Улсын Веракраз хотод явагдсан “Веракраз 2023”  ДАШТ-ээс хүрэл медаль хүртээд байгаа.

 Ази тивийн аварга шалгаруулах “Тайпей 2015” тэмцээнээс алт, “Манила 2016” ААШТ-ээс алт,  “Чунчон 2017” ААШТ-ээс алт, “Хо Ши Мин 2018” ААШТ-ээс алт “Амман 2019” ААШТ-ээс хүрэл, “Бейрут 2021” ААШТ-ээс мөнгө, “Данан 2024” ААШТ-ээс алт, Европын аварга шалгаруулах “Белград 2024”  тэмцээнээс алт, “Ханжоу 2022” Азийн наадмаас алтан медаль хүртсэн юм.

Г.Болор-Эрдэнэ паратаэквондогийн дэлхийн чансааны оноо олгох “Нади Фижи 2016”-аас алт, “Португали 2017”-оос алт, “Сөүл 2018”-аас мөнгө, “Спокайн 2018”-аас алт, “Брисбэн 2023”-аас алт, “Чүнчон 2023”-аас алт, “Тегран 2024”-өөс мөнгөн медаль авч байлаа.

 Болгарын Софи хотод 2022 онд болсон гран при тэмцээнээс мөнгө,  2022 онд Английн Манчестерийн гран пригээс хүрэл, 2023 онд Францын  Парисын гран пригээс  мөнгө, 2023 онд Мексикийн Веракрузын гран пригээс алт, 2023 онд Английн Манчестерийн гран пригээс мөнгөн медаль тус тус хүртсэн амжилт гаргаад байгаа.