Казахстан Улсын нийслэл Астана хотод Олон улсын жүдо бөхийн холбоо, “IJF”-ийн гранд слам, “Их дуулга” тэмцээн тавдугаар сарын 10-12-ны өдрүүдэд болно. Энэ удаагийн их дуулга тэмцээнд 89 улсын эрэгтэй 278, эмэгтэй 227, нийт  505 жүдочин хүч сорих мэдүүлгийг одоогоор өгөөд байна.    “Астана 2024” гранд сламын эрэгтэйчүүд  60 кг-ын жинд залуу тамирчин Н.Мэндсайхан, 66 кг-д Л.Сумъяа, 73 кг-д МУГТ Ц.Цогтбаатар,  Б.Эрдэнэбаяр, 81 кг-д Г.Болор-Очир, 90 кг-д Г.Алтанбагана нар барилдана.  Эмэгтэйчүүд 52 кг-д Б.Уранзаяа, 63 кг-д Б.Ганхайч, 70 кг-д Б.Ням-Эрдэнэ, -78 кг-д О.Хүслэн нар хүч үзэхээр болжээ. Харин эмэгтэйчүүдийн 48, 57, эрэгтэйчүүдийн -100, +100 кг-ын жинд манай бөхчүүд барилдахгүй өнжиж байна.

ЭМЭГТЭЙЧҮҮДИЙН 48 КГ-ЫГ ӨНЖИЖ БАЙНА

      Эмэгтэйчүүдийн 48 кг-ын жинд 36 тамирчин барилдах мэдүүлэг өгсөн байна. Манай улсаас тус жинд бөх барилдахгүй өнжиж байгаа бололтой. Тус жинд Францын Shirine BOUKLI, Словенийн Marusa STANGAR, Германы Katharina MENZ, Израилийн Shira RISHONY, Tamar MALCA, Узбекистаны Khalimajon KURBONOVA, Туркийн Sila ERSIN, Tugce BEDER, ОХУ-ын Sabina GILIAZOVA  нарын шилдгүүд мэдүүлэг өгчээ.

 ЭМЭГТЭЙЧҮҮДИЙН 52 КГ-Д  Б.УРАНЗАЯА

          Эмэгтэйчүүдийн 52 кг-ын жинд 31 тамирчин барилдах мэдүүлэг өгсөн байна. Манай улсаас дэлхийн чансааны 117 эрэмбэлэгдсэн, энэ оны улсын аварга, залуу тамирчин Баянмөнхийн Уранзаяа хүч үзнэ. Тус жинд Израилийн Gefen PRIMO, Бразилын Larissa  PIMENTA, Узбекистаны Sita KADAMBOEVA, Өмнөд Солонгосын JANG Seyun, JUNG Yerin, Нидерландын VAN KREVEL Naomi,  Швейцарийн Fabienne KOCHER нарын шилдгүүд байна.

ЭМЭГТЭЙЧҮҮДИЙН 57 КГ-Д  АНЭУ-ЫН Б.АЛТАНЦЭЦЭГ

       Эмэгтэйчүүдийн 57 кг-ын жинд 37 тамирчин барилдах мэдүүлэг өгчээ. Манай улсаас энэ жинд дэлхийн чансааны 39-д эрэмбэлэгдсэн АНЭУ-ын нэр дээр барилдаж буй ОУХМ Батсүхийн Алтанцэцэг барилдана. Тус жинд Канадын Christa DEGUCHI, Японы Haruka FUNAKUBO, Францын Sarah Leonie CYSIQUE, Бразилын Rafaela SILVA, Израилийн NELSON LEVY Timna, Словенийн Kaja KAJZER, Тайванийн LIEN Chen-Ling, Английн Nekoda SMYTHE-DAVIS нарын шилдгүүд барилдах мэдүүлэг өгсөн байна.

 ЭМЭГТЭЙЧҮҮДИЙН 63 КГ-Д Б.ГАНХАЙЧ

           Эмэгтэйчүүдийн 63 кг-ын жинд 32 тамирчин барилдах мэдүүлэг өгсөн байна. Манай улсаас энэ жинд, дэлхийн чансааны 36-д эрэмбэлэгдсэн, Ази тивийн аварга, ОУХМ Болдын Ганхайч барилдана. Тус жинд Словенийн Andreja LESKI, Бразилын Ketleyn QUADROS, Хорватын Iva OBERAN, Katarina KRISTO, Нидерландын Geke VAN DEN BERG, Испанийн  Cristina CABANA PEREZ, Sarai  PADILLA GUERRERO, Японы Minami AONO нарын шилдгүүд барилдах мэдүүлэг өгчээ.

ЭМЭГТЭЙЧҮҮДИЙН 70 КГ-Д Б.НЯМ-ЭРДЭНЭ

        Эмэгтэйчүүдийн 70 кг-ын жинд 34 тамирчин барилдлаа. Манай улсаас дэлхийн чансааны 40-д эрэмбэлэгдсэн, Азийн аварга шалгаруулах тэмцээний хүрэл медальт, ОУХМ Батсуурийн Ням-Эрдэнэ хүч үзсэн. Тус жинд Нидерландын Sanne VAN DIJKE, ОХУ-ын Madina TAIMAZOVA,  Хорватын Lara CVJETKO, Узбекистаны Gulnoza MATNIYAZOVA, Италийн Kim  POLLING, Словенийн Anka POGACNIK, Английн Katie-Jemima YEATS-BROWN нарын шилдгүүд байна.

ЭМЭГТЭЙЧҮҮДИЙН -78 КГ-Д О.ХҮСЛЭН

          Эмэгтэйчүүдийн -78 кг-ын жинд 25 тамирчин барилдах мэдүүлэг өгчээ. Манай улсаас тус жинд дэлхийн чансааны 28-д эрэмбэлэгдсэн, Азийн аварга шалгаруулах тэмцээний хүрэл медальт, ОУХМ Отгонбаярын Хүслэн барилдана. Тус жинд Португалийн Patricia SAMPAIO, Германы  Anna Monta OLEK, Английн Emma REID нарын шилдэг тамирчин байна.

ЭМЭГТЭЙЧҮҮДИЙН +78 КГ-Д Д.НОМИНЗУЛ

             Эмэгтэйчүүдийн +78 кг-ын жинд 32 тамирчин барилдах мэдүүлэг өгчээ. Тус  жинд манай улсаас дэлхийн чансааны 45-д эрэмбэлэгдсэн Дамбадаржаагийн Номинзул өрсөлдөнө. Тус жинд Японы Akira SONE, Кубын Idalys ORTIZ,  Францын Romane DICKO, Хятадын Shiyan XU, SU Xin, Туркийн Hilal OZTURK нарын шилдгүүд байна.

ЭРЭГТЭЙЧҮҮДИЙН 60 КГ-Д  Н.МЭНДСАЙХАН

          Эрэгтэйчүүдийн 60 кг-ын жинд 33 тамирчин барилдах мэдүүлэг өгчээ. Манай улсаас залуу тамирчин, дэлхийн чансааны 207 эрэмбэлэгдсэн Нямсүрэнгийн Мэндсайхан барилдана. Тус жинд Тайванийн YANG Yung Wei, Узбекистаны Dilshodbek BARATOV, ОХУ-ын Ramazan ABDULAEV, Казахстаны Yeldos SMETOV,  Magzhan SHAMSHADIN, Италийн Angelo PANTANO  нарын шилдгүүд байна.

 ЭРЭГТЭЙЧҮҮДИЙН 66 КГ-Д   Л.СУМЪЯА

       Эрэгтэйчүүдийн 66 кг-ын жинд 39 тамирчин барилдах мэдүүлэг өгсөн байна. Манай улсаас 2024 оны улсын аварга Лхагвасүрэнгийн.Сумъяа хүч сорино. Тус жинд Өмнөд Солонгосын AN Baul, Италийн Elios MANZI, Францын Walide KHYAR, Казахстаны Gusman KYRGYZBAYEV, Узбекистаны Sardor NURILLAEV, Mukhriddin TILOVOV нарын шилдгүүд мэдүүлэг өгсөн байна.

ЭРЭГТЭЙЧҮҮДИЙН 73 КГ-Д  Ц.ЦОГТБААТАР, Б.ЭРДЭНЭБАЯР

       Эрэгтэйчүүдийн 73 кг-ын жинд 48 тамирчин барилдах мэдүүлэг өгсөн байна. Манай улсаас дэлхийн чансааны 19-д бичигдсэн МУГТ Цэнд-Очирын Цогтбаатар барилдахаар болжээ. Түүний бэртэл, гэмтэл бүрэн эдгэсэн бол тэрбээр амжилттай барилдах болов уу.  Энэ жинд мөн дэлхийн чансааны 31 эрэмбэлэгдсэн, ОУХМ Батзаяагийн Эрдэнэбаяр нар барилдана.  Тус жинд Италийн Manuel LOMBARDO, ОХУ-ын Makhmadbek MAKHMADBEKOV, Молдовын  Petru PELIVAN, Adil OSMANOV, Казахстаны  Daniyar SHAMSHAYEV, Узбекстаны  Murodjon YULDOSHEV, Shakhram AKHADOV, Израилийн Tohar BUTBUL, Азербайжаны Rashid MAMMADALIYEV, Германы Igor WANDTKE нарын шилдгүүд барилдах мэдүүлэг өгчээ.

 ЭРЭГТЭЙЧҮҮДИЙН 81 КГ-Д Г.БОЛОР-ОЧИР

           Эрэгтэйчүүдийн 81 кг-ын жинд 48 тамирчин барилдана. Манай улсаас дэлхийн чансааны 32-д эрэмбэлэгдсэн ОУХМ Гэрэлтуяагийн Болор-Очир хүч үзсэн. Тус жинд Израилийн Sagi MUKI, Туркийн Vedat ALBAYRAK, Казахстаны Abylaikhan ZHUBANAZAR, Унгарын  Attila UNGVARI, Узбекистаны Sharofiddin BOLTABOEV, Германы Timo CAVELIUS,  Dominic RESSEL, Японы Sotaro FUJIWARA нарын шилдэг тамирчид байна.

 ЭРЭГТЭЙЧҮҮДИЙН 90 КГ-Д Г.АЛТАНБАГАНА

         Эрэгтэйчүүдийн 90 кг-ын жинд 40 тамирчин барилдах мэдүүлэг өгсөн байна. Манай улсаас дэлхийн тус жинд дэлхийн чансааны 35 эрэмбэлэгдсэн ОУХМ Гантулгын Алтанбагана барилдана. Тус жинд Туркийн Mihael ZGANK,  Кубын Ivan Felipe SILVA MORALES, Сербийн Nemanja MAJDOV, ОХУ-ын Mikhail IGOLNIKOV, Грекийн Theodoros TSELIDIS, Нидерландын Noel VAN T END, Шведийн Marcus  NYMAN, Тажикстаны Komronshokh USTOPIRIYON нарын шилдгүүд барилдах мэдүүлэг өгчээ.