Тажикстан Улсын Душанбе хотод Олон улсын жүдо бөхийн холбоо, “IJF”-ийн  их дуулга тэмцээн тавдугаар сарын 3-5-ны өдрүүдэд болно. Энэ удаагийн их дуулга тэмцээнд 70 улсын эрэгтэй 233, эмэгтэй 203, нийт  436 жүдочин хүч сорих мэдүүлгийг одоогоор өгөөд байна. Монголын жүдочид энэ сард болж өнгөрсөн Ази тивийн аварга шалгаруулах тэмцээнд амжилттай оролцсон. Энэ удаа тэд хүчээ нэмэгдүүлэн, 2024-2028 оны олимпын дөрвөн жилийн циклд барилдах залуу тамирчдыг өргөн бүрэлдэхүүнтэйгээр оролцуулах бололтой.

         “Душанбе 2024” гранд сламын эрэгтэйчүүд  60 кг-ын жинд залуу тамирчин Н.Мэндсайхан, 66 кг-д Ө.Бямбасүрэн, Л.Сумъяа, 73 кг-д Б.Эрдэнэбаяр, Ж.Энхтөр 81 кг-д Г.Болор-Очир, -100 кг-д Б.Гончигсүрэн, +100 кг-д О.Цэцэнцэнгэл барилдана. Эмэгтэйчүүд 48 кг-ын жинд Г.Наранцэцэг, Г. Баасанхүү, 57 кг-д Л.Энхрийлэн, 63 кг-д Б.Ганхайч, 70 кг-д Б.Ням-Эрдэнэ, -78 кг-д О.Хүслэн, +78 кг-д А.Адъяасүрэн, Д.Номинзул нар хүч үзэхээр болжээ.

 ЭРЭГТЭЙЧҮҮДИЙН 60 КГ-Д  Н.МЭНДСАЙХАН

          Эрэгтэйчүүдийн 60 кг-ын жинд 27 тамирчин барилдах мэдүүлэг өгсөн байна.    Тус жинд Узбекистаны Dilshodbek BARATOV,  Японы Hayato KONDO,  Казахстаны Nurkanat SERIKBAYEV, Magzhan SHAMSHADIN, Бразилийн Michel AUGUSTO, Португалийн Rodrigo Costa, ОХУ-ын Gamzat ZAIRBEKOV, Тажикстаны Mehrzod SUFIEV, Италийн Angelo PANTANO нарын амаргүй өрсөлдөгчид байна. Манай улсаас тус жинд залуу тамирчин, дэлхийн чансааны 207 эрэмбэлэгдсэн Нямсүрэнгийн Мэндсайхан барилдана.

ЭРЭГТЭЙЧҮҮДИЙН 66 КГ-Д  Ө.БЯМБАСҮРЭН, Л.СУМЪЯА

       Эрэгтэйчүүдийн 66 кг-ын жинд 34 тамирчин барилдах мэдүүлэг өгсөн байна. Тус жингийн шилдгүүд болох дэлхийн аварга Өмнөд Солонгосын AN Baul,  Францын Walide KHYAR, Узбекистаны Mukhriddin TILOVOV, Sardor NURILLAEV, Италийн Elios MANZI, Киргизийн Kubanychbek AIBEK UULU, Германы Martin SETZ, Сербийн Strahinja BUNCIC нар байна. Манай залуу тамирчин Өлзий баярын.Бямбасүрэн, 2024 оны улсын аварга Лхагвасүрэнгийн.Сумъяа нар хүч сорино.

 ЭРЭГТЭЙЧҮҮДИЙН 73 КГ-Д  Б.ЭРДЭНЭБАЯР, Ж.ЭНХТӨР

       Эрэгтэйчүүдийн 73 кг-ын жинд 35 тамирчин барилдах мэдүүлэг өгсөн байна. Тус жингийн шилдгүүд болох дэлхийн аварга Швейцарийн Nils STUMP, Узбекистаны Shakhram AKHADOV, Тажикстаны Behruzi KHOJAZODA, Германы Igor WANDTKE, Өмнөд Солонгосын LEE Eun Kyul  нар байна. Манай улсаас дэлхийн чансааны 31 эрэмбэлэгдсэн, ОУХМ Батзаяагийн Эрдэнэбаяр, залуу тамирчин Жүгдэргаравын Энхтөр нар барилдана.

 ЭРЭГТЭЙЧҮҮДИЙН 81 КГ-Д Г.БОЛОР-ОЧИР

           Эрэгтэйчүүдийн 81 кг-ын жинд 40 тамирчин барилдах мэдүүлэг өгсөн байна. Тус жингийн шилдгүүд болох Унгарын Attila UNGVARI, Германы Dominic RESSEL, АНЭУ-ын Nugzari TATALASHVILI, Казахстаны Abylaikhan ZHUBANAZAR, Австрийн Wachid BORCHASHVILI, Германы Timo  CAVELIUS, ОХУ-ын David KARAPETYAN, Timur ARBUZOV, Францын  Oumar Alpha DJALO, Японы Yoshito HOJO нар байна. Манай улсаас дэлхийн чансааны 35-д эрэмбэлэгдсэн ОУХМ Гэрэлтуяагийн Болор-Очир хүч үзнэ.

 ЭРЭГТЭЙЧҮҮДИЙН -100 КГ-Д Б.ГОНЧИГСҮРЭН

         Эрэгтэйчүүдийн -100 кг-ын жинд 36 тамирчин барилдах мэдүүлэг өгсөн байна. Тус жингийн шилдгүүд болох Бельгийн Toma NIKIFOROV, Казахстаны Islam BOZBAYEV, ОХУ-ын Niiaz BILALOV, Канадын Kyle REYES, АНЭУ-ын Dzhafar  KOSTOEV, Казахстаны Nurlykhan  HARKHAN нар байна.  Манай улсаас дэлхийн тус жинд дэлхийн чансааны наймд эрэмбэлэгдсэн, Ази тивийн аварга шалгарулах тэмцээний хүрэл медальт, ОУХМ Батхуягийн Гончигсүрэн хүч үзнэ. Тэрбээр чансаагаар -100 кг-ын барилдах бөхчүүдийг тэргүүлж байна.

ЭРЭГТЭЙЧҮҮДИЙН +100 КГ-Д О.ЦЭЦЭНЦЭНГЭЛ

        Эрэгтэйчүүдийн +100 кг-ын жинд 28 тамирчин барилдах мэдүүлэг өгсөн байна. Тус жингийн шилдгүүд болох олимп, дэлхийн аварга Францын Teddy RINER, Тажикстаны Temur RAKHIMOV, Финландын Martti PUUMALAINEN, Германы Losseni KONE нар байна. Манай улсаас тус жинд, дэлхийн чансааны 16-д эрэмбэлэгдсэн ОУХМ Одхүүгийн Цэцэнцэнгэл барилдана.

 ЭМЭГТЭЙЧҮҮДИЙН 48 КГ-Д Г.НАРАНЦЭЦЭГ, Б.БААСАНХҮҮ

          Эмэгтэйчүүдийн 48 кг-ын жинд 33 тамирчин барилдах мэдүүлэг өгсөн байна. Тус жингийн шилдгүүд болох Португалийн Catarina COSTA, Сербийн Milica NIKOLIC, Өмнөд Солонгосын  LEE Hyekyeong, Словенийн Marusa STANGAR, Германы Katharina MENZ, Узбекистаны Khalimajon  KURBONOVA, Бразилийн Amanda LIMA, Natasha FERREIRA нар байна. Манай улсаас тус жинд, дэлхийн чансааны аравдугаарт бичигдсэн ОУХМ Ганбаатарын Наранцэцэг, дэлхийн чансааны 14 бичигдээд буй Ази тивийн шинэхэн аварга ОУХМ Бавуудоржийн Баасанхүү нар барилдана.

ЭМЭГТЭЙЧҮҮДИЙН 52 КГ-Д АНЭУ-ЫН Б.ХОРЛООДОЙ, Б.УРАНЗАЯА

          Эмэгтэйчүүдийн 52 кг-ын жинд 30 тамирчин барилдах мэдүүлэг өгсөн байна. Тус жингийн шилдгүүд болох Германы Mascha BALLHAUS, Ази тивийн аварга, АНЭУ-ын Б.Хорлоодой, Узбекистаны Sita KADAMBOEVA, Өмнөд Солонгосын  JUNG Yerin,  JANG Seyun, Бразилийн Jessica PEREIRA,  Швейцарийн Fabienne KOCHER, Бельгийн Amber RYHEUL нар байна. Манай улсаас дэлхийн чансааны 117 эрэмбэлэгдсэн, энэ оны улсын аварга, залуу тамирчин Баянмөнхийн Уранзаяа, АНЭУ-ын нэр дээр барилдаж буй Ази тивийн шинэхэн аварга, ОУХМ Бишрэлтийн Хорлоодой нар хүч сорино.

ЭМЭГТЭЙЧҮҮДИЙН 57 КГ-Д Л.ЭНХРИЙЛЭН, АНЭУ-ЫН Б.АЛТАНЦЭЦЭГ

         Эмэгтэйчүүдийн 57 кг-ын жинд 32 тамирчин барилдах мэдүүлэг өгсөн байна. Тус жингийн шилдгүүд болох дэлхийн аварга, олимпын хүрэл медальт Канадын Jessica KLIMKAIT, Францын Sarah Leonie CYSIQUE, Португалийн Telma MONTEIRO, Италийн Veronica TONIOLO, Германы Pauline STARKE, Seija BALLHAUS, Хятадын Qi CAI, Бельгийн Mina LIBEER, Польшийн Arleta PODOLAK  нар байна. Манай улсаас энэ жинд дэлхийн чансааны 22-д эрэмбэлэгдсэн, ДАШТ-ий хошой хүрэл медальт, Ази тивийн аварга, МУГТ Лхагватогоогийн Энхрийлэн, АНЭУ-ын нэр дээр барилдаж буй ОУХМ Батсүхийн Алтанцэцэг нар  барилдана.

ЭМЭГТЭЙЧҮҮДИЙН 63 КГ-Д Б.ГАНХАЙЧ

           Эмэгтэйчүүдийн 63 кг-ын жинд 31 тамирчин барилдах мэдүүлэг өгсөн байна. Тус жингийн шилдгүүд болох Португалийн TIMO Barbara, Хорватын Iva OBERAN,  Katarina KRISTO, Японы Seiko WATANABE, Австрийн Lubjana PIOVESANA, ОХУ-ын Kamila BADUROVA, Бразилийн Gabriella MORAES, Германы Agatha SCHMIDT нар байна. Манай улсаас энэ жинд, дэлхийн чансааны 37-д эрэмбэлэгдсэн, Ази тивийн аварга, ОУХМ Болдын Ганхайч барилдана.

 ЭМЭГТЭЙЧҮҮДИЙН 70 КГ-Д Б.НЯМ-ЭРДЭНЭ

        Эмэгтэйчүүдийн 70 кг-ын жинд 33 тамирчин барилдах мэдүүлэг өгсөн байна. Тус жингийн шилдгүүд болох Хорватын Lara CVJETKO, Австрийн Michaela POLLERES, Германы Giovanna SCOCCIMARRO, Узбекистаны Gulnoza MATNIYAZOVA, Словенийн Anka POGACNIK, Английн Kelly PETERSEN POLLARD, Katie-Jemima YEATS-BROWN нар байна.  Манай улсаас дэлхийн чансааны 47-д эрэмбэлэгдсэн, Азийн аварга шалгаруулах тэмцээний хүрэл медальт, ОУХМ Батсуурийн Ням-Эрдэнэ хүч үзнэ.

ЭМЭГТЭЙЧҮҮДИЙН -78 КГ-Д О.ХҮСЛЭН

          Эмэгтэйчүүдийн -78 кг-ын жинд 18 тамирчин барилдах мэдүүлэг өгсөн байна. Тус жингийн шилдгүүд болох Германы Anna-Maria WAGNER, Alina BOEHM, Португалийн Patricia SAMPAIO, Словенийн Metka LOBNIK, Английн Natalie POWELL, ОХУ-ын Aleksandra BABINTSEVA,  Nadezhda TATARCHENKO нар байна. Манай улсаас тус жинд дэлхийн чансааны 29-д эрэмбэлэгдсэн, Азийн аварга шалгаруулах тэмцээний хүрэл медальт, ОУХМ Отгонбаярын Хүслэн барилдана.

 ЭМЭГТЭЙЧҮҮДИЙН +78 КГ-Д А.АДЪЯАСҮРЭН, Д.НОМИНЗУЛ

             Эмэгтэйчүүдийн +78 кг-ын жинд 26 тамирчин барилдах мэдүүлэг өгсөн байна. Тус жингийн шилдгүүд болох Сербийн Milica ZABIC,  Португалийн Rochele NUNES, Италийн Asya TAVANO, Казахстаны Kamila BERLIKASH, Босни Герцеговинийн Larisa CERIC, Өмнөд Солонгосын LEE Hyeon Ji, ОХУ-ын Daria VLADIMIROVA, Украины Khrystyna HOMAN нар байна. Тус  жинд манай улсаас дэлхийн чансааны 18-д эрэмбэлэгдсэн, Азийн аваргын мөнгөн медаль ОУХМ Амарсайханы Адъяасүрэн,  дэлхийн чансааны 44-д эрэмбэлэгдсэн Дамбадаржаагийн Номинзул нар өрсөлдөнө.