Монголын жүдо бөхийн эрэгтэйчүүдийн 47 эмэгтэйчүүдийн 32, багийн 10 дахь удаагийн улсын аварга шалгаруулах тэмцээний хоёр дахь өдрийн барилдаан явагдаж өндөрлөв. Өнөөдөр эрэгтэйчүүдийн 81 кг, 90 кг, -100 кг, +100 кг, эмэгтэйчүүдийн 70 кг, -78 кг, +78 кг жингийн барилдаан болж аваргууд тодорлоо. Эрэгтэйчүүдийн +100 кг жингийн барилдаан олны анхаарлыг татаж байв. Энэ жинд улсын даян аварга Н.Батсуурь, улсын заан Д.Анар, улсын начин О.Цэцэнцэнгэл, Э.Сумъяабат, Х.Цогтгэрэл, аймгийн арслан Э.Мөнхжаргал, -100 кг-аас ОУХМ Б.Гончигсүрэн жин өгсөн, +100 кг-ын шилдэг бөхчүүд хүч үзсэн.

ЭРЭГТЭЙЧҮҮДИЙН 81 КГ:

             Эрэгтэйчүүдийн 81 кг-ын жинд 25 тамирчин барилдсан. Тус жингийн “А” хэсгийг ОУХМ Гэрэлтуяагийн Болор-Очир тэргүүлэн барилдлаа. Харин “В” хэсгийг Баяндүүрэн, “С” хэсгийг МУГТ, Ганбаатарын Одбаяр, “D” хэсгийг Н.Хадбаатар нар тэргүүлэн барилдсан. Энэ жингийн алтан медалийг ОУХМ Г.Болор-Очир "Алдар" спорт хороо, мөнгөн медалийг МУГТ Г.Одбаяр "Женко" клуб, хүрэл медалийг Н.Мөнхбаяр "Женко" клуб, Э. Буянцагаан "Хангарьд " спорт хорооны тамирчин тус тус хүртлээ.

ЭМЭГТЭЙЧҮҮДИЙН 70 КГ:

             Эмэгтэйчүүдийн 70 кг-ын жинд 10 тамирчин өрсөлдлөө. Энэ жингийн “А” хэсгийг ОУХМ С.Лхагвадулам толгойлон барилдсан. Харин “В” хэсгийг Л.Амар-Энх, “С” хэсгийг ОУХМ Б.Баасанжаргал, “D” хэсгийг залуу мастер Б.Ням-Эрдэнэ тэргүүлэн барилдав. Тус жингийн алтан медалийг " Женко " клубийн тамирчин Б.Ням-Эрдэнэ хүртсэн. Харин мөнгөн медалийг "Алдар" спорт хорооны тамирчин С.Лхагвадулам, хүрэл медалийг "Хангарьд" спорт хорооны тамирчин У.Анужин, "Хилчин" спорт хорооны тамирчин Б.Баасанжаргал нар тус тус хүртэв.

ЭРЭГТЭЙЧҮҮДИЙН 90 КГ:

            Эрэгтэйчүүдийн 90 кг-ын жинд 14 жүдочин өрсөлдсөн. Тус жингийн “А” хэсгийг А.Мөнх-Эрдэнэ толгойлон барилдлаа. Харин “В” хэсгийг Ц.Ган-Эрдэнэ, “С” хэсгийг Б.Мөнхбаяр, “D” хэсгийг  ОУХМ Н.Дагвасүрэн нар тэргүүлэн барилдав. Энэ жингийн алтан медалийг  "Хангарьд "спорт хорооны тамирчин, ОУХМ Нямсүрэнгийн .Дагвасүрэн хүртлээ. Харин мөнгөн медалийг "Женко " клубийн А.Мөнх-Эрдэнэ, хүрэл медалийг “Алдар” спорт хорооны Б.Мөнхбаяр, "Хурд" дэвжээний Б.Алтансүх нар хүртэв.

ЭМЭГТЭЙЧҮҮДИЙН -78 КГ:

          Эмэгтэйчүүдийн -78 кг-ын жинд найман тамирчин өрсөлдсөн. Энэ жингийн “А” хэсгийг Б.Эрдэнэт-Од толгойлон барилдсан. Харин “В” хэсгийг Б.Учрал тэргүүлэн барилдлаа. Тус жингийн алтан медалийг  "АЛДАР" спорт хорооны тамирчин  Б.Эрдэнэт-Од хүртэв. Харин мөнгөн медалийг  "ХАНГАРЬД " спорт хорооны тамирчин Э.Буян-Өлзий, хүрэл медалийг "БОРЖИН" клубийн Л.Болор-Эрдэнэ, "ХИЛЧИН" спорт хорооны тамирчин А.Дуламсүрэн нар тус тус хүртлээ.

ЭРЭГТЭЙЧҮҮДИЙН -100 КГ:

   Эрэгтэйчүүдийн -100 кг-ын жинд 15 тамирчин өрсөлдсөн. Энэ жингийн “А” хэсгийг Б.Гаажадамба толгойлон барилдлаа. Харин “В” хэсгийг Ц.Даваабат, “С” хэсгийг ОУХМ Гантулгын Алтанбагана, “D” хэсгийг Б.Хүдэрчулуун нар тэргүүлэн барилдсан. Тус жингийн алтан медалийг "Алдар " спорт хорооны тамирчин, ОУХМ 1 Г.Алтанбагана хүртлээ. Мөнгөн медалийг  "Женко " клубийн тамирчин Д.Мөнхтулга, хүрэл медалийг  "Сүлд" спорт хорооны тамирчин, ОУХМ  О.Ууганбаатар, " Женко " клубийн тамирчин Б.Гаажадамба нар тус тус хүртсэн.

ЭМЭГТЭЙЧҮҮДИЙН +78 КГ:

            Эмэгтэйчүүдийн +78 кг-ын жинд есөн тамирчин өрсөлдсөн. Энэ жингийн “А” хэсгийг ОУХМ Амарсайханы Апъяасүрэн толгойлон барилдлаа. Харин “В” хэсгийг Э.Энхзул, “С” хэсгийг Д.Номинзул, “D” хэсгийг Э.Жаргалмаа нар тэргүүлэн барилдав. Тус жингийн алтан медалийг "Алдар" спорт хорооны тамирчин, ОУХМ  А.Адъяасүрэн хүртсэн. Харин мөнгөн медалийг "Женко" клубийн тамирчин  Н.Номинзул, хүрэл медалийг "Алдар" спорт хорооны тамирчин Э.Жаргалмаа, "Хилчин" спорт хорооны тамирчин А.Батзул нар тус тус хүртлээ.

ЭРЭГТЭЙЧҮҮДИЙН +100 КГ:

            Эрэгтэйчүүдийн +100 кг-ын жинд 19 тамирчин өрсөлдсөн. Энэ жингийн “А” хэсгийг ОУХМ Э.Мөнхжаргал толгойлон барилдав. Харин “В” хэсгийг Ж.Жамц, “С” хэсгийг ОУХМ Одхүүгийн Цэцэнцэнгэл, “D”  хэсгийг ОУХМ Хутагийн Цогтгэрэл нар тэргүүлэн барилдсан. Тус жингийн алтан медалийг,  жин өгсөн барилдсан "Хилчин " спорт хорооны тамирчин,  ОУХМ Батхуягийн Гончигсүрэн хүртэв. Харин мөнгөн медалийг "Хангарьд" спорт хорооны тамирчин, ОУХМ Э.Мөнхжаргал, хүрэл медалийг "Алдар" спорт хорооны тамирчин, ОУХМ О.Цэцэнцэнгэл, "Мон-Алтиус Цагаанбаатар академи"-ийн Д.Анар нар тус тус хүртлээ. Маргааш холимог багийн барилдаан явагдаж УАШТ өндөрлөнө.