Турк Улсын Анталия хотод Олон улсын жүдо бөхийн холбоо, “IJF”-ийн  их дуулга тэмцээн энэ сарын 29-31-ний өдрүүдэд болно. Энэ удаагийн их дуулга тэмцээнд 93 улсын эрэгтэй 363, эмэгтэй 280, нийт  644 жүдочин хүч сорихоор болжээ. Монголын жүдочид энэ сард болж өнгөрсөн Ташкент, Тбилисийн их дуулгаас медаль хүртэж чадаагүй. Энэ удаа тэд хүчээ нэмэгдүүлэн, өргөн бүрэлдэхүүнтэй медаль хүртэх “десант”-ыг Турк Улсын Анталия хотод буулгах бололтой.

     Нэлээдгүй хугацаанд гран при, гранд слам тэмцээнд оролцоогүй ОУХМ Л.Анхзаяа, ОУХМ М.Ичинхорлоо нар эргэн ирж байна.  М.Ичинхорлоо энэ удаа өөрийн үндсэн жин 57 кг-ын жиндээ, О.Оюунчимэгийн хамт барилдана. Мөн залуу тамирчин Э.Буянцагаан 81 кг-д Г.Болор-Очирын хамт барилдах мэдүүлэг өгчээ. “Анталия 2024” гранд сламын эрэгтэйчүүд  60 кг-ын жинд Э. Ариунболд, Б.Цогт-Очир, 73 кг-д Л.Анхзаяа, 81 кг-д Г.Болор-Очир, Э.Буянцагаан, 90 кг-д Г. Алтанбагана, -100 кг-д Б.Гончигсүрэн, +100 кг-д О.Цэцэнцэнгэл, Ө.Пэрэнлэйжамц нар барилдана. Эмэгтэйчүүд 48 кг-ын жинд Г.Наранцэцэг, Г. Баасанхүү, 57 кг-д М.Ичинхорлоо, О.Оюунчимэг, 63 кг-д Б.Ганхайч, 70 кг-д Б.Ням-Эрдэнэ, -78 кг-д О.Хүслэн, Б.Эрдэнэт-Од, +78 кг-д А.Адъяасүрэн, Д.Номинзул нар хүч үзэхээр болжээ.

        Ер нь сүүлийн тэмцээнүүдэд манай жүдочид их чанга сугалаа татаж, дэлхийн шилдэг тамирчидтай эхний тойргийн барилдаануудыг хийгээд байгаа. Энэ удаа хэрхэн сугалаа татах нь сонирхол татаж байна. Гэхдээ сугалаа, оноолтод биш барилдааны ур чадвар, нөөц боломжоо бүрэн дайчлан барилдаж чадвал медаль хүртэж, олимпын оноогоо ахиулах боломж бий.

ЭРЭГТЭЙЧҮҮДИЙН 60 КГ-Д  Э.АРИУНБОЛД, Б.ЦОГТ-ОЧИР

          Эрэгтэйчүүдийн 60 кг-ын жинд 39 тамирчин барилдах мэдүүлэг өгсөн байна.    Тайванийн YANG Yung Wei, Францын Luka MKHEIDZE, Cedric REVOL, Узбекистаны Dilshodbek BARATOV, Doston RUZIEV, Бельгийн Jorre VERSTRAETEN, Казахстаны Nurkanat SERIKBAYEV, Туркийн Salih YILDIZ,  Нидерландын Tornike TSJAKADOEA, ОХУ-ын Ayub BLIEV нарын шилдгүүд байна. Манай улсаас тус жинд ОУХМ Энхтайваны Ариунболд,  Бямбажавын Цогт-Очир нар барилдана.

ЭРЭГТЭЙЧҮҮДИЙН 66 КГ-Д  АНЭУ-ЫН Б.НАРМАНДАХ

              Эрэгтэйчүүдийн 66 кг-ын жинд 54 тамирчин барилдах мэдүүлэг өгсөн байна. Тус жингийн шилдгүүд болох Японы ABE Hifumi, Өмнөд Солонгосын AN Baul, Бразилийн Willian LIMA, Испанийн David GARCIA TORNE, Узбекистаны Sardor NURILLAEV, Mukhriddin TILOVOV, Францын Walide KHYAR, Казахстаны Gusman KYRGYZBAYEV, Италийн Elios MANZI нар байна. Тус жинд манай улсаас тамирчин барилдахгүй. Харин АНЭУ-ын нэр дээр барилдаж буй ОУХМ  Баянмөнхийн Нармандах хүч үзнэ.

ЭРЭГТЭЙЧҮҮДИЙН 73 КГ-Д  Л.АНХЗАЯА

             Эрэгтэйчүүдийн 73 кг-ын жинд 62 тамирчин барилдах мэдүүлэг өгсөн байна. Тус жингийн шилдгүүд болох Канадын Arthur MARGELIDON, Швейцарийн Nils STUMP, Молдовын Adil OSMANOV, Өмнөд Солонгосын KANG Heon Cheol, Узбекистаны Murodjon YULDOSHEV, Shakhram AKHADOV, Казахстаны Daniyar SHAMSHAYEV нар байна. Энэ жинд манай улсаас ОУХМ Лавжаргалын Анхзаяа барилдана.

ЭРЭГТЭЙЧҮҮДИЙН 81 КГ-Д Г.БОЛОР-ОЧИР, Э.БУЯНЦАГААН

              Эрэгтэйчүүдийн 81 кг-ын жинд 63 тамирчин барилдах мэдүүлэг өгсөн байна. Тус жингийн шилдгүүд болох Японы Takanori NAGASE, Тажикстаны Somon MAKHMADBEKOV, Бразилийн Guilherme SCHIMIDT, Туркийн Vedat ALBAYRAK, Италийн Antonio ESPOSITO, Нидерландын Frank DE WIT, Казахстаны  Abylaikhan ZHUBANAZAR, Узбекистаны Sharofiddin BOLTABOEV, Унгарын  Attila UNGVARI, Германы Dominic RESSEL нар байна. Манай улсаас тус жинд ОУХМ Гэрэлтуяагийн Болор-Очир, Эрдэнэбатын Буянцагаан нар хүч сорино.

 ЭРЭГТЭЙЧҮҮДИЙН 90 КГ-Д Г.АЛТАНБАГАНА

              Эрэгтэйчүүдийн 90 кг-ын жинд 58 тамирчин барилдах мэдүүлэг өгсөн байна. Тус жингийн шилдгүүд болох Японы Sanshiro MURAO, Узбекистаны Davlat BOBONOV, Туркийн Mihael ZGANK, Унгарын Krisztian TOTH, Нидерландын Noel VAN T END, Кубын  Ivan Felipe SILVA MORALES, Грекийн Theodoros TSELIDIS, Шведийн Marcus NYMAN, Өмнөд Солонгосын HAN Juy Eop нар байна. Манай улсаас тус жинд ОУХМ Гантулгын Алтанбагана барилдана.

 ЭРЭГТЭЙЧҮҮДИЙН -100 КГ-Д Б.ГОНЧИГСҮРЭН

             Эрэгтэйчүүдийн -100 кг-ын жинд 47 тамирчин барилдах мэдүүлэг өгсөн байна. Тус жингийн шилдгүүд болох Японы Aaron WOLF, Испанийн Nikoloz SHERAZADISHVILI, Нидерландын Michael KORREL, Канадын Shady ELNAHAS, ОХУ-ын  Arman ADAMIAN, Сербийн Aleksandar KUKOLJ, Португалийн Jorge  FONSECA, Казахстаны Nurlykhan SHARKHAN, Бразилийн  Rafael BUZACARINI, Бельгийн Toma NIKIFOROV нар байна. Манай улсаас тус жинд ОУХМ Батхуягийн Гончигсүрэн хүч үзнэ.

ЭРЭГТЭЙЧҮҮДИЙН +100 КГ-Д О.ЦЭЦЭНЦЭНГЭЛ, Ө.ПЭРЭНЛЭЙЖАМЦ

            Эрэгтэйчүүдийн +100 кг-ын жинд 40 тамирчин барилдах мэдүүлэг өгсөн байна. Тус жингийн шилдгүүд болох Францын Teddy  RINER, Японы Tatsuru SAITO, Бразилийн Rafael SILVA, Азербайжаны Ushangi  KOKAURI, Кубын Andy GRANDA,  Финландын Martti PUUMALAINEN нар байна. Манай улсаас тус жинд ОУХМ Одхүүгийн Цэцэнцэнгэл, Өсөхбаярын Пэрэнлэйжамц нар барилдана.

 ЭМЭГТЭЙЧҮҮДИЙН 48 КГ-Д Г.НАРАНЦЭЦЭГ, Б.БААСАНХҮҮ

             Эмэгтэйчүүдийн 48 кг-ын жинд 44 тамирчин барилдах мэдүүлэг өгсөн байна. Тус жингийн шилдгүүд болох Японы Natsumi TSUNODA, Италийн Assunta  SCUTTO, Казахстаны Abiba ABUZHAKYNOVA, Өмнөд Солонгосын  LEE Hye Кyeong, Испанийн Julia FIGUEROA, Словенийн  Marusa STANGAR, Германын  Katharina MENZ, ОХУ-ын Sabina GILIAZOVA нар байна. Манай улсаас тус жинд ОУХМ Ганбаатарын Наранцэцээг, Бавуудоржийн Баасанхүү нар барилдана.

ЭМЭГТЭЙЧҮҮДИЙН 52 КГ-Д АНЭУ-ЫН Б.ХОРЛООДОЙ

           Эмэгтэйчүүдийн 52 кг-ын жинд 37 тамирчин барилдах мэдүүлэг өгсөн байна. Тус жингийн шилдгүүд болох Японы ABE Uta, Узбекистаны Diyora KELDIYOROVA, Италийн Odette  GIUFFRIDA, Английн Chelsie GILES, Унгарын PUPP Reka, Бразилийн Jessica  PEREIRA, Швейцарийн Fabienne KOCHER, Испанийн Estrella LOPEZ SHERIFF нар байна. Манай улсаас ОУХМ Лхагвасүрэнгийн Сосорбарам барилдах байсан боловч тэрбээр сугалааны өмнө нэрээ татсан байна. АНЭУ-ын нэр дээр барилдаж буй ОУХМ Бишрэлтийн Хорлоодой хүч сорино.

ЭМЭГТЭЙЧҮҮДИЙН 57 КГ-Д М.ИЧИНХОРЛОО, О.ОЮУНЧИМЭГ

              Эмэгтэйчүүдийн 57 кг-ын жинд 45 тамирчин барилдах мэдүүлэг өгсөн байна. Тус жингийн шилдгүүд болох Канадын Christa DEGUCHI, Бразилын Rafaela SILVA, Италийн  Veronica TONIOLO, Германын Pauline  STARKE, Seija BALLHAUS, Тайванийн LIEN Chen-Ling, Английн Nekoda SMYTHE-DAVIS,  Польшийн Arleta PODOLAK, Туркийн Hasret BOZKURT, ОХУ-ын Kseniia GALITSKAIA нар байна. Манай улсаас энэ жинд ОУХМ Мөнхцэдэвийн.Ичинхорлоо,  Оюунгэрэлийн Оюунчимэг нар өрсөлдөнө. АНЭУ-ын нэр дээр барилдаж буй ОУХМ Батсүхийн Алтанцэцэг сугалаа татахын өмнө нэрээ татсан байна. Харин МУГТ Лхагватогоогийн Энхрийлэн энэ удаа өнжиж байгаа.

ЭМЭГТЭЙЧҮҮДИЙН 63 КГ-Д Б.ГАНХАЙЧ

            Эмэгтэйчүүдийн 63 кг-ын жинд 44 тамирчин барилдах мэдүүлэг өгсөн байна. Тус жингийн шилдгүүд болох Японы Miku TAKAICHI, Канадын Catherine BEAUCHEMIN-PINARD, Английн Lucy RENSHALL, Португалийн TIMO Barbara, Бразилын Ketleyn QUADROS, ОХУ-ын Kamila BADUROVA, Германы Agatha SCHMIDT нар байна. Манай улсаас энэ жинд ОУХМ Болдын Ганхайч барилдана.

 ЭМЭГТЭЙЧҮҮДИЙН 70 КГ-Д Б.НЯМ-ЭРДЭНЭ

             Эмэгтэйчүүдийн 70 кг-ын жинд 44 тамирчин барилдах мэдүүлэг өгсөн байна. Тус жингийн шилдгүүд болох Хорватын Barbara MATIC, Германы Miriam BUTKEREIT,  Giovanna SCOCCIMARRO, Michaela ОХУ-ын Madina TAIMAZOVA, Узбекистаны Gulnoza MATNIYAZOVA, Австрийн  POLLERES, Словенийн Anka POGACNIK, Нидерландын  Kim POLLING нар байна. Манай улсаас Батсуурийн Ням-Эрдэнэ хүч сорино.

ЭМЭГТЭЙЧҮҮДИЙН -78 КГ-Д Б.ЭРДЭНЭТ-ОД, О.ХҮСЛЭН

           Эмэгтэйчүүдийн -78 кг-ын жинд 31 тамирчин барилдах мэдүүлэг өгсөн байна. Тус жингийн шилдгүүд болох Германы Anna-Maria WAGNER, Alina BOEHM, Францын Madeleine MALONGA, Португалийн  Patricia SAMPAIO, ОХУ-ын Nadezhda  TATARCHENKO нар байна. Манай улсаас тус жинд ОУХМ Отгонбаярын Хүслэн, Батбаярын Эрдэнэт-Од нар барилдана.

 ЭМЭГТЭЙЧҮҮДИЙН +78 КГ-Д А.АДЪЯАСҮРЭН, Д.НОМИНЗУЛ

            Эмэгтэйчүүдийн +78 кг-ын жинд 35 тамирчин барилдах мэдүүлэг өгсөн байна. Тус жингийн шилдгүүд болох Хятадын XU Shiyan, SU Xin, Бразилын Beatriz SOUZA, Францын Lea FONTAINE,  Julia TOLOFUA, Туркийн Kayra OZDEMIR, Сербийн Milica ZABIC, Кубын Idalys ORTIZ, Боснийн  Larisa CERIC нар байна. Тус  жинд манай улсаас ОУХМ Амарсайханы Адъяасүрэн, Дамбадаржаагийн Номинзул нар өрсөлдөнө.