Узбекистан Улсын нийслэл Ташкент хотноо олон улсын жүдо бөхийн холбооны их дуулга тэмцээн өнөөдөр эхэлнэ. Энэ удаагийн их дуулга тэмцээнд 68 улсын эрэгтэй 255, эмэгтэй 240, нийт  495 жүдочин хүч сорино. Монголын жүдо бөхийн баг тамирчдыг шигшээ багийн дасгалжуулагч Р. Нямлхагва, Ч. Болдбаатар, М. Бундмаа нар удирдаж эмчээр Япон Улсын иргэн Масатоши Нишикидо ажиллах юм. Багийн бүрэлдэхүүнд Эрэгтэйчүүд  60 кг-ын жинд Э. Ариунболд, Э.Сумьяабазар, 73 кг-д Б. Эрдэнэбаяр, 81 кг-д Г. Болор-Очир, 91 кг-д Г. Алтанбагана нар барилдана. Эмэгтэйчүүд 48 кг-ын жинд Г.Наранцэцэг, Г. Баасанхүү, 52 кг-д Л. Сосорбарам, 63 кг-д Б. Ганхайч, 70 кг-д Б.Ням-Эрдэнэ, С. Лхагвадулам, -78 кг О. Хүслэн, Б.Эрдэнэт-Од,  +78 кг А. Адьяасүрэн нарын бөхчүүд хүч үзнэ.

ЭРЭГТЭЙЧҮҮДИЙН 60 КГ:

            Эрэгтэйчүүд 60 кг-ын жинд 37 жүдочин барилдана. ОУХМ Энхтайваны Ариунболд “D” хэсгийг толгойлон нэгдүгээр тойрогт гоц мөргөн ялалт авсан байгаа. Хоёрдугаар тойргийн барилдаанд Тайванийн LIN Chong You-тай таарсан.

Харин ОУХМ Энхтайваны Сумьяабазар “В” хэсгийн нэгдүгээр тойрогт Японы Hayato KONDO-тай барилдана. Түүнийг хэрэв ялж чадвал хоёрдугаар тойрогт ОХУ-ын Gamzat ZAIRBEKOV-тай барилдана.

ЭРЭГТЭЙЧҮҮДИЙН 66 КГ:

         Эрэгтэйчүүдийн 66 кг-ын жинд 35 жүдочин барилдах мэдүүлэг өгчээ. Тус жинд манай улсаас бөх барилдахгүй.Харин АНЭУ-ын нэр дээр барилдаж буй Баянмөнхийн Нармандах “В” хэсгийг толгойлон нэгдүгээр тойргийн барилдаанд гоц мөргөн ялалт авсан байгаа. Хоёрдугаар тойргийн барилдаанд Казахстаны Zhanarys RAKHMETKALI-тай оноолт таарсан байна.

ЭРЭГТЭЙЧҮҮДИЙН 73 КГ:

        Эрэгтэйчүүдийн 73 кг-ын жинд 45 жүдочин байна. Манай улсаас ОУХМ Батзаяагийн Эрдэнэбаяр “А” хэсгийн нэгдүгээр тойргийн барилдаанд Филиппиний япон гаралтай  Keisei NAKANO-тай барилдана. Түүнийг ялж чадах юм бол хоёрдугаар тойргийн барилдаанд Францын  Maxime GOBERT-тай хүч сорино.

ЭРЭГТЭЙЧҮҮДИЙН 81 КГ:

        Эрэгтэйчүүдийн 81 кг-ын жинд 41 жүдочин барилдана. Манай улсаас ОУХМ Гэрэлтуяагийн.Болор-Очир “В” хэсгийн нэгдүгээр тойргийн барилдаанд гоц мөргөн ялалт авсан. Хоёрдугаар тойргийн барилдаанд олимп, дэлхийн аварга Японы Takanori NAGASE-тай таараад байгаа.

ЭРЭГТЭЙЧҮҮДИЙН 90 КГ:

          Эрэгтэйчүүдийн  90 кг-ын жинд 39 жүдочин барилдана. Манай улсаас ОУХМ Ганиулгын Алтанбагана “С” хэсгийн нэгдүгээр тойргийн барилдаанд Румыны Alex CRET -тай барилдана.Түүнийг ялах юм бол хоёрдугаар тойргийн барилдаанд Сенегалийн Abderahmane DIAO-тай барилдах юм. Эрэгтэйчүүдийн -100, +100 кг-ын жинд манай улсаас бөх барилдахгүй.

ЭМЭГТЭЙЧҮҮДИЙН 48 КГ:

         Эмэгтэйчүүд 48 кг-ын жинд 35 жүдочин байгаа. ОУХМ  Ганбаатарын Наранцэцэг “В” толгойлон барилдана. Тэрбээр нэгдүгээр тойрогт гоц мөргөн ялалт авсан байгаа. Хоёрдугаар тойргийн барилдаанд Чилийн Mary Dee VARGAS LEY-тай хүч сорино.

Харин ОУХМ Бавуудоржийн Баасанхүү “В” хэсгийн нэгдүгээр тойрогт гоц мөргөн ялалт авсан. Хоёрдугаар тойргийн барилдаанд Хятадын Zongying GUO-тай таарсан.

ЭМЭГТЭЙЧҮҮДИЙН 52 КГ:

       Эмэгтэйчүүдийн 52 кг-ын жинд 33 жүдочин байна. ОУХМ Лхагвасүрэнгийн Сосорбарам “D” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойргийн барилдаанд Германы Mascha BALLHAUS-тай барилдана. Тус жинд АНЭУ-ын нэр дээр барилдаж буй ОУХМ Бишрэлтийн Хорлоодой “В” хэсгийг толгойлон барилдана. Тэрбээр нэгдүгээр тойрогт гоц мөргөн ялалт авсан байгаа. Хоёрдугаар тойргийн барилдаанд ОХУ-ын Kseniya DANILOVICH-тай хүч үзнэ.

ЭМЭГТЭЙЧҮҮДИЙН 57 КГ:

           Эмэгтэйчүүдийн 57 кг-ын жинд 31 жүдочин байна. Манай улсаас тус жинд бөх барилдахгүй. Харин АНЭУ-ын нэр дээр барилдаж буй ОХУМ Батсүхийн Алтанцэцэг “С” хэсгийн нэгдүгээр тойрогт  Узбекистаны Nilufar ERMAGANBETOVA-тай барилдах юм. Түүнийг хэрэв ялж чадах юм бол хоёрдугаар тойргийн барилдаанд Японы Haruka FUNAKUBO, Польшийн Julia KOWALCZYK нарын хэн ялсантай барилдана

ЭМЭГТЭЙЧҮҮДИЙН 63 КГ:

      Эмэгтэйчүүд 63 кг-ын жинд 35 жүдочин байгаа. Манай улсаас ОУХМ  Болдын Ганхайч  “А” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойргийн барилдаан Японы  Momo TATSUKAWA-тай барилдана.

ЭМЭГТЭЙЧҮҮДИЙН 70 КГ:

      Эмэгтэйчүүдийн 70 кг-ын жинд 35 жүдочин байгаа. Залуу тамирчин Батсуурийн Ням-Эрдэнэ “А” хэсгийн нэгдүгээр тойрогт гоц мөргөн ялалт авсан. Хоёрдугаар тойргийн барилдаан Португалийн Tais PINA-тай таараад байна. Тус жингийн  “С” хэсгийн нэгдүгээр тойргийн барилдаанд Саранцэцэгийн.Лхагвадулам, ОХУ-ын Daria KHRAMOIKINA-тай  барилдана.

ЭМЭГТЭЙЧҮҮДИЙН -78 КГ:

       Эмэгтэйчүүдийн -78 кг-ын жинд 32 жүдочин барилдана. Манай улсаас  Отгонбаярын Хүслэн “А” хэсгийн нэгдүгээр тойрогт Германы Alina BOEHM-тай таарсан байгаа.  Харин Батбаярын Эрдэнэт-Од “D” хэсгийн нэгдүгээр тойрогт, Тайландын  Ikumi OEDA-тай барилдана.  

ЭМЭГТЭЙЧҮҮДИЙН +78 КГ:

     Эмэгтэйчүүдийн +78 кг-ын жинд 33 жүдочин байна. ОУХМ Амарсайханы. Адьяасүрэн “А” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойргийн барилдаанд ОХУ-ын Elis STARTSEVA-тай таарсан. “А” хэсгийг Израилийн Raz HERSHKO толгойлон барилдаж байгаа. А.Амарсайхан Оросыг бөхийг ялах юм бол гуравдугаар тойрогт Израилийн Raz HERSHKO-той таарах магадлал өндөр байна.