Шинэ оны анхны жүдо бөхийн гран при тэмцээн энэ сарын 26-28-ны өдрүүдэд Португаль Улсын Одивелас хотод болно. “Парис 2024” олимп болон ДАШТ өмнөх анхны тэмцээн гэдгээрээ чухал ач холбогдолтой тэмцээн болох юм. Тус гран прид одоогоор дэлхийн 70 орны эрэгтэй 214, эмэгтэй 183, нийт 397 тамирчин оролцох мэдүүлгээ урьдчилсан байдлаар өгөөд байна. Ази тивийн 13 улсын 87, Европ тивийн 27 улсын 213, Африк тивийн 17 улсын 54, Панамерикийн есөн улсын 25, Австрали болон далайн гурван улсын 11 тамирчин оролцох төлөвтэй байгаа. Энэ удаагийн гран при тэмцээнээс эхлэн Хойд Солонгос буюу БНАСАУ-ын бөхчүүд  өрсөлдөөнд оролцож байгаа нь шинэ содон зүйл байна.

           Эрэгтэйчүүдийн 60 кг-ын жинд 30 бөх, 66 кг-д 36,  73 кг-д  39,  81 кг-д 33,  90 кг-д 31, -100 кг-д 21, +100 кг-д 20 бөх барилдах мэдүүлэг өгчээ. Харин эмэгтэйчүүдийн 48 кг-ын жинд 25 бөх,  52 кг-д 24,  57 кг-д 29,  63 кг-д 24, 70 кг-д  30,  -78 кг-д  278 +78 кг-ын жинд 23 жүдочин барилдах урьдчилсан мэдүүлэг өгөөд байгаа.

Манай улсаас энэ удаагийн гран прид эрэгтэй найм, эмэгтэй найман жүдочин барилдах бололтой. Эмэгтэйчүүдийн 48 кг-ын жинд ОУХМ Г.Наранцэцэг, ОУХМ Б.Баасанхүү, 52 кг-д ОУХМ Л.Сосорбарам, 57 кг-д МУГТ Л.Энхрийлэн, 63 кг-д ОУХМ Б.Ганхайч, 70-д ОУХМ Б.Ням-Эрдэнэ, ОУХМ С.Лхагвадулам, -78 кг-д ОУХМ О.Хүслэн нар барилдана. Харин эрэгтэйчүүдийн 60 кг-ын жинд ОУХМ Э.Ариунболд, ОУХМ Э.Сумъяабазар, 66 кг-д МУГТ Ё.Басхүү, ОУХМ Б.Эрхэмбаяр, 73 кг-д ОУХМ Б.Эрдэнэбаяр, 81 кг-д ОУХМ Г.Болор-Очир, 90 кг-д ОУХМ Г.Алтанбагана, -100 кг-д ОУХМ Б.Гончигсүрэн нар барилдах юм.

ЭРЭГТЭЙЧҮҮДИЙН 60 КГ-ЫН ЖИНД:

Дэлхийн аваргын мөнгөн медальт ОУХМ Энхтайваны Ариунболд,  ОУХМ Энхтайваны Сумъяабазар нар барилдана. Тус жинд 31 бөх барилдах мэдүүлэг өгчээ. ОУХМ Э.Ариунболд дэлхийн чансааны есдүгээрт, ОУХМ Э.Сумъяабазар дэлхийн чансааны 26-д эрэмбэлэгдсэн. Энэ жинд Тайванийн олимп, дэлхийн медальтан Yang Yug We, Өмнөд Солонгосын ДАШТ-ий медальт Lee Harin, олимп, дэлхийн хос медальтан  Kim Won Jin,  Францын Luka Mkheidze, ОХУ-ын Ayub Bliev,  IJF-ын нэр дээр барилдаж буй Mohammad  Rashnonezhad нарын шилдггүүд байна.

ЭРЭГТЭЙЧҮҮДИЙН 66 КГ-ЫН ЖИНД:

Манай улсаас Монгол Улсын шинэхэн гавьяат тамирчин, ДАШТ-ий хошой хүрэл медальт, Ази тивийн аварга, Азийн наадмын мөнгөн медальт Ё.Басхүү, “Их дуулга”-ын аварга, ОУХМ Б.Эрхэмбаяр нар барилдах мэдүүлэг өгсөн байна. Тус жинд 37 тамирчин барилдах мэдүүлэг өгчээ. Гавьяат тамирчин Ё.Басхүү дэлхийн чансааны хоёрт, ОУХМ Б.Эрхэмбаяр дэлхийн чансааны тавд эрэмбэлэгдсэн. Энэ жинд дэлхийн аварга, олимпын мөнгөн медальт Өмнөд Солонгосын An Baul, Францын Walide Khyar, Германы Martin Setz нарын шилдгүүд одоогоор байгаа.

ЭРЭГТЭЙЧҮҮДИЙН 73 КГ-ЫН ЖИНД:

Манай ОУХМ Батзаяагийн Эрдэнэбаяр ганцаараа барилдах юм байна. Тэрбээр дэлхийн чансааны 26-д бичигдсэн. Түүний жинд Германы Igor Wandtke, Испанийн Cases Rosa, Болгарын Marc  Hristov, Словяны Martin Hojak, Молдавын Adil Osmanov, Өмнөд Солонгосын Kang Heon Cheol нарын амаргүй өрсөлдөгч нар хүлээж байна. Тус жинд 39 тамирчин барилдах мэдүүлэг өгчээ.

ЭРЭГТЭЙЧҮҮДИЙН 81 КГ-ЫН ЖИНД:

ОУХМ Гэрэлтуяагийн Болор-Очир барилдах мэдүүлэг өгсөн байна. Түүнийг Өмнөд Солонгосын Lee Joon Hwan, Нидерландын Frank De Wit, Германы Dominic Ressel, Timo Cavelius, ОХУ-ын David Karapetyan нарын ширүүхэн өрсөлдөгчид хүлээн байгаа. Энэ жинд 33 тамирчин барилдах мэдүүлэг өгсөн байна.

ЭРЭГТЭЙЧҮҮДИЙН 90 КГ-ЫН ЖИНД:

ОУХМ Гантулгын Алтанбагана барилдах юм байна. Түүний жинд Бельгийн Sami Chouchi, Karel Foubert, Арабын Нэгдсэн Эмиратын Aram Grigorian, Германы Martin Matijass, Өмнөд Солонгосын Don Han Gwak, Hen Juy Eop, ОХУ-ын Eldar Allaknverdiev, Грекийн Theodoros Tselidis нарын тус жингийн шилдэг бөхчүүд байна. Энэ жинд 32 тамирчин барилдах юм.

ЭРЭГТЭЙЧҮҮДИЙН -100 КГ-ЫН ЖИНД:

ОУХМ Батхуягийн Гончигсүрэн барилдана. Тэрбээр дэлхийн чансааны есдүгээрт эрэмбэлэгдэж байна. Түүнийг дэлхийн аварга Испанийн  Nikoloz Sherazadishvili, дэлхийн аваргын хүрэл медаль Бельгийн Toma Nikoforov, Туркменистаны Baymarat Majanov, Өмнөд Солонгосын Kim Se Heon, IJF-ийн нэр дээр барилдаж буй Adnan Khankan зэрэг амаргүй өрсөлдөгч нар хүлээж байгаа. Энэ жинд 21 тамирчин барилдах мэдүүлгийг одоогоор өгчээ.

ЭРЭГТЭЙЧҮҮДИЙН +100 КГ-ЫН ЖИНД:

Энэ жинд одоогоор манай улсаас барилдах тамирчин байхгүй байна. Олимп, дэлхийн аварга Чехийн Lukas Krapalek, ДАШТ-ий хүрэл медальт Өмнөд Солонгосын Kim Min Jong, Нидерландын Jelle Shippe, Германы Erik Abromov, Kone Losseni нарын шилдгүүд барилдах  мэдүүлэг өгчээ.

ЭМЭГТЭЙЧҮҮДИЙН 48 КГ-ЫН ЖИНД:

Энэ жинд одоогоор 25 тамирчин барилдах мэдүүлэг өгсөн байгаа. Манай улсаас ОУХМ Ганбаатарын Наранцэцэг, ОУХМ Бавуудоржийн Баасанхүү нар барилдана. Г.Наранцэцэг дэлхийн чансааны есдүгээрт, Б.Баасанхүү арваннэгдүгээрт эрэмбэлэгдсэн. Тус жинд Португалийн Catarina Costa, Словяны Marusa Stangar, Германы Katharina Menz, Испанийн Mireia Lapuerta Comas нарын хүчтэй өрсөлдөгчид барилдах мэдүүлэг өгсөн байна.

ЭМЭГТЭЙЧҮҮДИЙН 52 КГ-ЫН ЖИНД:

Энэ жинд 24 тамирчин барилдах мэдүүлэг өгчээ. Манай улсаас залуучуудын дэлхийн аварга ОУХМ Лхагвасүрэнгийн Сосорбарам барилдана. Тэрбээр дэлхийн чансааны 20-д бичигдсэн байгаа. Түүний жинд  Германы Mascha Ballhaus,  Испанийн Estrella Lopez Siderot, Joana Diogo, Нидерландын Naomi Van Krevil нарын амаргүй өрсөлдөгчид оржээ.

ЭМЭГТЭЙЧҮҮДИЙН 57 КГ-ЫН ЖИНД:

Энэ жинд 29 тамирчин барилдах мэдүүлгээ одоогоор өгөөд байгаа. Манай улсаас Монгол Улсын шинэхэн гавьяат тамирчин, ДАШТ-ий хошой хүрэл медальт, дэлхийн чансааны 18 эрэмбэлэгдсэн Лхагватогоогийн Энхрийлэн барилдана. Түүнийг дэлхийн аваргын хүрэл медальт Английн Nekoda Smythe Davis, Өмнөд Солонгосын Huh Mimi, Германы Seija Ballhaus, Pauline Starke, Словяны Kaja Kajzer, Бельгийн Mina Libeer нарын шилгүүд хүлээж байна. Арабын Нэгдсэн Эмират Улсын нэр дээр барилдаж буй ОУХМ Батсүхийн Алтанцэцэг барилдана.

ЭМЭГТЭЙЧҮҮДИЙН 63 КГ-ЫН ЖИНД:

Энэ жинд 24 тамирчин барилдах мэдүүлэг одоогоор өгөөд байна. Манай улсаас Ази тивийн аварга, дэлхийн чансааны 49 эрэмбэлэгдсэн, ОУХМ Болдын Ганхайч барилдана. Түүний хувьд бэртлээс эргэн ирж барилдах гэж байгаа анхны тэмцээн юм. Түүнийг Австралийн Katharina Haecher, Английн Lucy Renshall, Португалийн Timo Barbara, Хорватын Iva Oberan нарын хэцүүхэн өрсөлдөгчид хүлээж байгаа.

ЭМЭГТЭЙЧҮҮДИЙН 70 КГ-ЫН ЖИНД:

Тус жинд 30 тамирчин барилдах мэдүүлэг өгөөд байна. Манай улсаас дэлхийн чансааны 51-д эрэмбэлэгдсэн ОУХМ Батсуурийн Ням-Эрдэнэ, 132 эрэмбэлэгдсэн, 63 кг-аас жин өгсөн барилдах Саранцэцэгийн Лхагвадулам нар барилдах юм байна. Тэднийг дэлхийн аварга Хорватын Barbara Matic, Lara Cvjetko, Венусуэлийн Elvismar Rodreguez, Германы Mirian Butkereit, Giovanna Scoccmarro, Пуэрто Рикогийн Maria Perez, Өмнөд Солонгосын Han Hee Ju нарын хүчтэй өрсөлдөгч нар хүлээж байгаа.

ЭМЭГТЭЙЧҮҮДИЙН -78 КГ-ЫН ЖИНД:

Энэ жинд 27 тамирчин барилдах мэдүүлгээ өгчээ. Манай улсаас залуу тамирчин ОУХМ Отгонбаярын Хүслэн барилдана. Түүнийг Өмнөд Солонгосын Yoon Hyun Ji, Lee Jeong Un, Английн Natalie Powell, Францын Chloe Buttigieg, Харватын Petrunjela Pavic, ОХУ-ын Nadezhda Tatarchenko, Antonina Shmeleva нарын хүчтэй өрсөлдөгчид хүлээж байна.

ЭМЭГТЭЙЧҮҮДИЙН +78 КГ-ЫН ЖИНД:

Энэ жинд 24 тамирчин барилдах мэдүүлэг өгчээ. Тус жинд манай улсаас бөх барилдахгүй. Дэлхийн шилдгүүд энэ удаа барилдахгүй бололтой. Өмнөд Солонгосын Kim Hayun, Францын Coralie Hayme, Германы Renee Lucht, Хорватын Tina Radic, ОХУ-ын Elis Startseva, Daria Vladimirova нарын дунд гол өрсөлдөөн явагдах болов уу.