ФИБА 3х3 сагсан бөмбөгийн Хонконгийн мастерс тэмцээн энэ сарын 26-27-ны өдрүүдэд болж байна. Дэлхийн чансааны шилдэг найман баг болон тус тэмцээнд эрх авч өрсөлдөж байгаа найман багтай нийлээд 16 хүчирхэг багийн өрсөлдөөн өрнөж байгаа юм. Монгол Улсын “Улаанбаатар Энержи” баг тэмцээний “А” хэсэгт дэлхийн чансааг тэргүүлж буй Сербийн алдарт “UB” болон Филипиний “Себу” багтай учраа таарсан.

     Өчигдөр манай баг эхний тоглолтоо Сербийн “UB” багтай хийж, 21:15-аар хожигдсон. Харин хоёр дахь тоглолтоо Филиппины “Себу” багтай хийж 21:15-аар ялалт авсан. Өнөөдөр Улаанбаатарын цагаар 16:35 цагт хасагдах шатанд Австрийн “Вена” багтай өрсөлдөнө.