Хөл бөмбөгийн Европ тивийн АШТ өнгөрсөн шөнө үргэлжилж дууслаа.

Тоглолтын бүтэн цагт Англи, Итали Улсын шигшээ баг 1:1 оноо харьцаатайгаар тэнцэж, торгуулийн цохилт цохисноор 3:2 харьцаатай Италийн шигшээ баг аварга болж, хоёр дахь удаагаа Европ тивийн АШТ-ий цомыг өргөв.

Тоглолт эхэлж, эхний хоёр минутад Английн зүүн жигүүрийн хамгаалагч Люк Шоу гоолдож, 67 дахь минутад Италийн шигшээ багийн Леонардо Бонуччи оноо авч, тэнцүүлсэн юм.

Уэмбли цэнгэлдэхэд 60 мянга гаруй хөгжөөн дэмжигчид тоглолтыг үзсэн бөгөөд судлаачдын хэлж байгаагаар Английн тамирчин Люк Шоугийн оруулсангоол Европын АШТ-д хамгийн хурдан орсон гоол болсон байна.