Хөл бөмбөгийн Европын АШТ-ий зэрэгцээ ирэх жил зохион байгуулах ДАШТ-ий урьдчилсан шатны тоглолтууд явагдаж байгаа. Урьдчилсан шатны тоглолтууд энэ оны арваннэгдүгээр сард дуусаж, ирэх 2022 оны гуравдугаар сараас эхлэн урьдчилсан шатны шигшээ тоглолтууд эхэлнэ.

2022 онд Катар Улсад зохион байгуулагдах хөл бөмбөгийн ДАШТ-ий урьдчилсан шатны хэсэг:

А хэсэг: Португал, Серби, Бүгд Найрамдах Ирланд, Люксембург, Азербайжан, Катар

B хэсэг: Испани, Швед, Грек, Гүрж, Косово

С хэсэг: Итали, Швейцарь, Умард Ирланд, Болгар, Литв

D хэсэг: Франц, Украйн, Финланд, Босни, Казахстан

Е хэсэг: Бельги, Уэльс, Чех, Беларусь, Эстон

F хэсэг: Дани, Австри, Шотланд, Израиль, Молдавын Фарерын арлууд

G хэсэг: Нидерланд, Турк, Норвеги, Монтенегро, Латви, Гибралтар

H хэсэг: Хорват, Словак, Орос, Словени, Кипр, Мальта

I хэсэг: Англи, Польш, Унгар, Албани, Андорра, Сан-Марино

J хэсэг: Герман, Румын, Исланд, Хойд Македони, Армен, Лихтенштейн

       Урьдчилсан шатны хэсгийн тоглолтуудаас 32 орны шигшээ баг үлдэж, ирэх 2022 оны арваннэгдүгээр сарын 21-ээс арванхоёрдугаар сарын 18-ны хооронд Катар Улсад зохион байгуулагдах ДАШТ-д оролцох эрх авах юм. 2022 оны ДАШТ нь хамгийн сүүлчийн удаагийн 32 багийн өрсөлдөөн бөгөөд 2026 оны ДАШТ-ээс эхлэн 48 баг Алтан дагина цомын төлөө өрсөлдөнө.

       Катар Улсын цаг уурын онцлогоос шалтгаалан намрын улиралд зохион байгуулж байгаа тэмцээнийг тус улсын таван хотын найман цэнгэлдэхэд үргэлжлүүлнэ. Алтан дагина цомын эзэн шалгаруулах аваргын төлөөх тоглолтыг Катар Улсын Лусаил хотод 2022 оны арванхоёрдугаар сарын 18-нд зохион байгуулах юм.