“Токио-2020” паралимпын наадмыг ирэх наймдугаар сарын 24-нөөс есдүгээр сарын 5-ны хооронд зохион байгуулна.

Пара жүдо бөхийн 66 килограмм жингийн тамирчин А.Мөнхбатын “Токио-2020” паралимпын наадамд оролцох эрхийг Олон улсын паралимпын хорооноос албан ёсоор баталжээ.

А.Мөнхбат нь дэлхийн пара жүдо бөхийн чансаагаараа долдугаарт эрэмбэлэгддэг бөгөөд хараагүйчүүдийн дэлхийн наадмаас алт, мөнгөн медаль хүртэж байсан амжилттай юм.

Одоогийн байдлаар “Токио-2020” паралимпын наадамд Монгол Улсын найман тамирчин зургаан спортын төрөлд оролцохоор болоод байна.