Хувцсаа нимгэлэн дэгжин гоё дээрээ "тавих" цаг иржээ. “Glamour” сэтгүүлд нийтлэгдсэн дэлхий дахинд трэнд болж буй энэ зуны 11 хувцаслалтыг танилцуулж байна. Урин дулаан цагт эдгээр хувцаснаас санаа авч, стилиэ бүрдүүрээлэй.

1.Бэлхүүсний уяа

Энэ жил бэлхүүсний уяа ахин моодонд орж байна. Та өөрийн биеийн галбираа гайхуулж болохоос гадна таныг дэгжин харагдуулна.

Брэндүүд: Jacquemus, Acne Studios, Michael Kors, Versace, Supriya Lele, Paco Rabanne, Charlotte Knowles, 16 Arlington

2. Нуруу нь ил даашинз

Энэ зуны хамгийн тачаангуй трэнд бол нуруу нь ил хувцас. Зун цагт арьсаа гаргах, харуулах хүсэлд тань эл хувцаслалт төгс зохицно.

Брэндүүд: Hermes, Acne Studios, Gabriela Hearst, Nanushka, Victoria Beckham

3. Цээживч

Эл хувцаслалт хоёр дахь жилдээ тренд болж байна. Дангаар нь эсвэл шорттой, даашинз, цамц гээд ямар ч хувцсан дээр зохицуулж өмсөх боломжтой.

Брэндүүд: Dior, Jacquemus, Simone Rocha, Alberta Ferretti, Isabel Marant, Moschino, Marques Almeida, Tom Ford

4: Хайчилбар

Өнгөрсөн зун нэгэн трэнд хувцаслалт ажиглагдаж байсан нь хайчилж, цоолсон хувцас юм. Бэлхүүс, гэдэсний хэсгээ ил гаргаснаар биеийн галбираа ил гаргахаас гадна хуучин хувцсаа хайчилж, чимэглэж болно.

Брэндүүд: Kenzo, Gabriela Hearst, Paco Rabanne, Fendi, Prada, MSGM, Zimmermann, Preen by Thornton Bregazzi, Carolina Herrera

5. Том мөртэй хувцас

Энэ жил урьд өмнө байснаас илүү том мөртэй хувцас моодонд орж байна.

Брэндүүд: Philosophy, Isabel Marant, Loewe, Altuzarra, Khaite, Carolina Herrera, Givenchy , Balmain

6. Сул өмд

Жилийн хамгийн дулаахан, сайхан үеийг томдуу, биеэ халхалсан хувцас өмсдөг хүмүүсийн хувьд энэ жилийн трэнд сулдуу өмд моодонд орж байгааг хэлэхэд таатай байна. Та хэв маягаа алдалгүй энэ жилийн трэндийг даган сул өмдөөр гоёх боломжтой.

Брэндүүд: Sportmax, Louis Vuitton, Chanel,The Row, Chloé, Max Mara, Fendi, Stella McCartney, Tom Ford

7. Хар, цагаан

Хэрэв та хар, цагаан өнгөөр эсвэл хоёр өнгөөр дагнуулан хувцаславал сонголтод тань амар хийгээд шинэлэг, гоо зүйтэй мэдрэмжийг танд өгнө.

Брэндүүд: Ports 1961, Chanel, Gabriela Hearst, Prada, Christopher John Rogers, Loewe, Giambattista Valli , Proenza Schouler

8. Нимгэн даашинз

Амралт, зугаалгын улиралд хамгийн тохирох хувцаслалт бол нимгэн гэрэлтдэг даашинз байх болно. Зуны мэдрэмжийг өгөхөөс гадна, шинэлэг, өөртөө итгэлтэй байдлыг бий болгоно.  

Брэндүүд: Valentino, Alberta Ferretti, Dior, Chanel, Emporio Armani, Sportmax , Miu Miu

9. Гялтгар хийгээд гэрэлтсэн даашинз

Хөл хорионд удаан хугацааг өнгөрөөсөн загварлаг хүмүүст өөрийгөө мэдрэх, гялалзах хүсэлд тохирсон гялтгар гэрэлтсэн даашинз энэ жил моодонд орж байна.

Брэндүүд: Balmain, Isabel Marant, Louis Vuitton, Loewe, Saint Laurent, Burberry, Valentino , Chanel

10: Сүлжмэл хувцас

Энэ жилийн моодонд орж буй нэгэн ер бусын загвар бол торон сүлжмэл хувцасны стиль билээ. Хэт дэгжин биш ч таныг загварлаг харагдуулна.

Брэндүүд: Ports 1961, Acne Studios, Burberry, Paco Rabanne, Fendi, Hermes, Valentino , Balenciaga

11: Загварлаг амны хаалт

Хэрэв амны хаалтыг дурдаагүй бол энэ жилийн онцлох тренд биш болно. Загварлаг хийгээд өөрийн хувцаслалтад таарсан өнгө, хэв загварын амны хаалтыг зүүснээр таны нүдийг тодотгож, өөрийгөө хамгаалах тустай.

Брэндүүд: Anna Sui, Christian Siriano, Bora Aks