УИХ-ын чуулганы нэгдсэн хуралдаанаар Цэцийн гишүүнийг томилох, чөлөөлөх УИХ-ын тогтоолд хэсэгчлэн тавьсан Ерөнхийлөгчийн хоригийг хэлэлцэж байна хэлэлцэж буй асуудалтай холбоотой УИХ-ын гишүүд асуулт асууж, хариулт авч байна. Энэ үеэр УИх-ын гишүүн Б.Пүрэвдорж "Үндсэн хуулийн цэцийн гишүүнийг гурав, дөрөвхөн өдрийн дотор сольж байгаа нь Ерөнхийлөгчийн сонгуультай холбоотой. Одоогийн Ерөнхийлөгч Х.Баттулгыг Ш.Цогтоо нарын гишүүд дахин нэр дэвших боломжтой гэж үзсэн учраас ийм шийдвэр гаргаж байна. Цэцийн гишүүд 10 болох гээд байна гэх юм. Аливаа УИХ-ын тогтоол, шийдвэр Ерөнхийлөгчийн хориг бүрэн тавигдсаныг дараа хэрэгждэг. Гэтэл Ж.Эрдэнэбулган гэдэг хүн очсон байна. Битгий өөртөө  зориулж хууль тайлбарлаад бай. Ж.Солонго гишүүн бол манай дарга У.Хүрэлсүхийн төлөө 42 дугаар тойрогт ажилласан. У.Хүрэлсүхийн төлөө шийдвэр гаргаж байгаа. Тиймээс манай нам авч үлдэж байгаа юм. Ш.Цогтоо бол Ерөнхийлөгчийн талынх учраас хөөж явуулж байгаа гэдгээ тодорхой хэл С.Бямбацогт даргаа" гэлээ.