Нийслэлийн Засаг дарга өвөлжилтийн бэлтгэл хангах захирамжийн хүрээнд 6000 гаруй алба хаагч сайжруулсан түлшийг зөв ашиглах, стандартын шаардлага хангасан эсэх, угаарын хий мэдрэгчийг зөв ашиглах талаар мэдээлэл, зөвлөгөө өгч байна.  Өнгөрсөн жил 52700 айлд сайжруулсан түлш зөв ашиглах талаар зөвлөгөө, мэдээлэл өгчээ  Өнөөдрийн байдлаар  60 мянган тонн сайжруулсан түлшийг  91 агуулахад хадгалжээ. Цаашид сайжруулсан түлшний нөөцийг нэмэгдүүлнэ. Мөн өнгөрсөн жил агаарын бохирдлыг 50 хувь бууруулсан бол энэ жил 80 хувь бууруулах зорилго тавьжээ. Ирэх сард  алслагдсан таван хорооны 15.131 айлд угаарын хий мэдрэгч төхөөрөмж, сайжруулсан түлшний сайн карт олгох юм байна.