ХӨСҮТ-ийн захирал Д.Нямхүү:  Өнөөдөр хоёр хүн эдгэрч, ХӨСҮТ-өөс гарч байна. Эдгээр хүмүүст таван төрлийн шинжилгээг гурван өдөр дараалан шинжилгээ хийхэд хариу нь сөрөг гарсан. Цаашид сувиллын газарт хяналтаа үргэлжлүүлнэ. Энэ хугацаанд шинжилгээ авна. Ийм сайн мэдээ байна.  Өнөөдөр эмнэлгээс гарч байгаа хоёр хүн "Берлин-Москва-Улаанбаатарын чиглэлийн нислэгээр ирж амжилттай эмчлэгдлээ Үргэлжлүүлэн 14 хоног ажиглалтад байлгана.  Ингэснээр манай улсад коронавирусийн батлагдсан 15 тохиолдлын дөрөв нь эдгэрч, эмнэлгээс гарлаа. Одоо 11 хүн ХӨСҮТ-д эмчлүүлж байна.  4-р сарын 6-н  ХӨСҮТ-өөс 65 хүн хяналт, тандалтын хугацаа нь дуусаад гарч, гэрийн хяналтад шилжин орлоо. Бид дараагийн нислэгээр ирэх иргэдээ авах бэлтгэлээ хангаж байна.