Тойм: Ergelt.mn  “Долоо хоног” онцлох тоймоо хүргэж байна.                                         

ХАЛДВАРТАЙ ИРГЭД ЭДГЭРЧ ЭМНЭЛГЭЭС ГАРЛАА

Эрүүл мэндийн яам Covid-19 вирусийн дэгдэлттэй холбоотой мэдээллийг  өдөр бүр 11.00 цагт олон нийтэд хүргэж байна.  Өнөөдрийн байдлаар 14 хүнд коронавирусийн халдвар илэрсэн нь бүгд гадаадаас зөөвөрлөгдөн орж ирсэн юм. Үүнээс хоёр өвчтөн нь эдгэрч, өнгөрсөн Даваа гаригт /2020.03.30/ эмнэлгээс гарлаа.  Тэдэнд сүүлийн гурав хоногт таван зүйлийн сорьцод шинжилгээ хийхэд тэднээс вирус илрээгүй, бүрэн эдгэсэн тул тусгаарлалтаас гаргаж байгаагаа гэж эмч мэргэжилтнүүд хэлж байлаа. Хоёр иргэн гэртээ очоод 14 хоног тусгаарлагдана.

НИЙСЛЭЛД ТОГТООСОН ХӨЛ ХОРИОГ 4-Р САРЫН 30 ХҮРТЭЛ СУНГАЛАА

Коронавирусийн тархалт дэлхийн улс орнууд, тэр тусмаа Европт маш эрчимтэй тархаж байгаа тул нийслэл хотод тогтоосон хөл хориог 4-р сарын 30 хүртэл сунгасанаа Нийслэлийн Засаг дарга бөгөөд Улаанбаатар хотын захирагч С.Амарсайхан өнгөрөгч Даваа гаригт /2020.03.30/ мэдэгдлээ. Тухайлбал, олон нийт цуглах боломжтой фитнес, спорт зал, сургалтын төв, саун, амралт, баар, цэнгээний газар, сүм хийд, соёл урлагийн газрын үйл ажиллагаанд тавьсан хөл хориогоо  4-рсарын 30 хүртэл сунгасан юм. Түүнчлэн нийслэлд  гэр оронгүй, гадуур амьдардаг 282 иргэнээс 144 иргэнийг гэр оронд нь буцааж, үлдсэн иргэдийг нийгмийн хамгааллын тусгай төвд байрлуулж, зөвлөмж зөвлөгөө өгөх,  хөдөлмөр эрхлүүлэх зэрэг арга хэмжээ авсан гэдгээ хотын дарга хэллээ

НИЙТДЭЭ 3020 ЦАГИЙН ТЕЛЕ ХИЧЭЭЛИЙГ СУРАГЧДАД ХҮРГЭЭД БАЙНА.

Өндөржүүлсэн бэлэн байдал зарласан цагаас хойш 65 хоног хичээл сургуулийн үйл ажиллагаа тасалдаад байгааг БСШУС-ын сайд Баатарбилэг дуулгалаа. Танхимын хичээл 1-р сарын 27-ноос хойш 4-р сарын 30-ныг хүртэл 10-11 долоо хоног тасарч байна. Үүнд цагаан сарын 7 хоног 3-р улирлын 3 долоо хоног орохгүйгээр ийнхүү тасарч байна.  Энэ хугацаанд теле болон цахим хичээлийг зохион байгуулж  нийтдээ  3020 цагийн теле хичээлийг бэлтгэн хүргээд байна. Мөн ЭЕШ-тай холбогдуулан төгсөх ангийн хүүхдүүдэд зориулсан тараах материалуудыг бэлдэж тусгай арга хэмжээг авч хэрэгжүүлнэ.  Элсэлтийн ерөнхий шалгалтын тов гарсан учраас  хугацааг нь хойшлуулахгүй гэдгээ тэрээр хэллээ.  Цаашид  хөл хорио гийг 4-р  сарын 30-наас дахин сунгавал элсэлтийн ерөнхий шалгалтад бэлтгэх давтлагыг танхимаар өгөх боломжит хувилбарыг судалж байна. Нэг танхимд олон хүүхэд цуглуулахгүй ямар хэлбэрээр  шалгалтад бэлтгэх,  өдөрт хэдэн цагаар давтлага\өгөх вэ? гэдгийг сургууль  төгсөгчдийн тоонд уялдуулж зохион байгуулна. Улсын хэмжээнд арванхоёрдугаар ангийнханд зориулсан  бүх теле хичээл, ЭЕШ-д зориулсан хичээл, журам, зөвлөгөө мэдээлэл, жишиг даалгаврууд бүгд багтсан DVD гаргалаа.  Ирэх долоо хоногт  улсын  бүх сургуулиудад тараана.

БСШУСЯ-ны Ерөнхий боловсролын бодлогын газрын дарга Т.Ням-Очир  Монгол Улсын хэмжээнд 100-гаас дээш төгсөх ангийн сурагчтай 66 сургууль байгаагийн 41 нь Улаанбаатарт, 25 нь аймгийн төвүүдэд байна.  Бид  нэг сургууль дээр 100-гаас дээш хүүхдийн бөөгнөрөл үүсгэхгүй, нэг ангид 15-аас дээш бүлэг дүүргэлт хийхгүй, хүүхдүүдийн хоорондын зай, нэг багшийн хичээллэх давтамж ямар байх вэ?  гэдгийг судлаж байна.  

Боловсролын үнэлгээний төвийн захирал Ж.Ган-Эрдэнэ “Элсэлтийн ерөнхий шалгалтад одоогоор 16.911 шалгуулагч бүртгүүлсэн.   Үүнээс өмнөх оны 1803 шалгуулагч байгаа бол хөгжлийн бэрхшээлтэй гурван шалгуулагч бүртгүүлсэн. Энэ жилийн Элсэлтийн ерөнхий шалгалтыг 7-р сарын 2- 5-ны өдрүүдэд улсын хэмжээнд зохион байгуулна. Элсэлтийн ерөнхий шалгалтын онлайн бүртгэлийг 4-р сарын 15-ны 18.00 цагт дуусгана.    Элсэлтийн ерөнхий шалгалтын хугацаа хойшилсон юм чинь бүртгэл нь бас хойшилно гэж бодож магадгүй. Бүртгэлийг энэ сарын 15-нд хаана.  Элсэлтийн ерөнхий шалгалтад бүртгүүлсэн шалгуулагч бүртээ тулж ажиллах тулүртгэлийн хугацааг сунгахгүй. Хөл хориог сунгавал шалгуулагчдад хэрхэн мэдээлэл хүргэх вэ гэдэг дээр анхаарч ажиллана.  

3.2 ТЭРБУМ ТӨГРӨГӨӨР ХОНХТОЙ ЦЭЦЭРЛЭГТ ХҮРЭЭЛЭНГ ТОХИЖУУЛНА

Сүхбаатарын талбайн урд хэсэгт орших Хонхтой цэцэрлэгт хүрээлэнг тохижуулахад 3.2 тэрбум төгрөг зарцуулна.  Тохижилтонд  85 метрийн урттай 14 метрийн өргөнтэй хөгжмийн аялгуутай усан оргилуур, 800 кв.метрийн хэмжээтэй дугуйн талбайтай, хоёр нийтийн бие засах газар байгуулна. Эхний ээлжид 2016-2017 онд тарьсан 586 ширхэг гацуур, 349 ширхэг  нарс модыг шилжүүлэн суулгана. Эдийн засаг хямарч, улсын  болон хотын төсөв алдагдалд хүлээж  бизнес эрхлэгчид хүндхэн нөхцөлд байхад   3.2 тэрбум төгрөгөөр  тус  цэцэрлэгт хүрээлэнг тохижуулах нь цагаа олоогүй шийдвэр гэдгийг ард иргэд  шүүмжлэлээ

ЗУРГААН САРЫН ХУГАЦААНД ИРГЭДИЙН ЦАЛИН ХӨЛСНӨӨС ХАОАТ АВАХГҮЙ.

 Энэ арга хэмжээнд гурван төрлийн салбарын хүмүүст хамаарагдаагүй гэдгийг Сангийн сайд Ч.Хүрэлбаатар  мэдэгдлээ Үүнд:

• Улсын төсвөөс цалин авдаг төрийн албан хаагчид орохгүй. Учир нь тэдний орлого буураагүй.
• Хоёрт Төрийн өмчит ААН-үүд мөн орон нутгийн өмчит ААН-үүд дээрх хөнгөлөлт хамаарахгүй.
• Гуравдугаарт тендер зарлагддаг, одоо ажлаа хийж байгаа компаниуд улсаас мөнгө авч ажлаа хийж байгаа учраас ажиллагсдыг нь НДШ-ээс чөлөөлөхгүй. Нийтдээ 526 мянган ААН-ийн ажилчид НДШ-ээс чөлөөлөгдөнө.

Нийгмийн даатгалын шимтгэл төлдөг даатгуулагчдад ажилгүйдлийн даатгалын сангаас сар бүр 200 мянган төгрөг олгоно. Үйл ажиллагааг нь төрийн байгууллагын шийдвэрээр зогсоосон боловч ажлын байраа хадгалсан ААН-үүдийн ажилтнуудад сар бүр 200 мянган төгрөг олгоно. 2020 оны эхний улирлын НӨАТ-ын буцаан олголтыг энэ сард багтаан олгоно. Нийтдээ 860 мянган иргэнд буюу нэг иргэнд дунджаар 47 мянган төгрөгийг буцааж олгоно. Бэлэн байдлын зэрэгт хамаарах хугацаанд бизнес эрхлэгчдийн төлөөгүй НДШ-д тооцох алданги, торгуулийг чөлөөлнө. Үүнд бүх ААН хамрагдана. Жилийн 1.5 тэрбум төгрөгийн хүртэлх борлуулалтын орлоготой ААН-үүдийг зургаан сарын хугацаанд орлогын татвараас чөлөөлнө. Гэхдээ улсын төсвөөс мөнгө авч ажил хийж байгаа орлого татвараас чөлөөлөгдөхгүй. Нийт 105 мянган аж ахуй нэгж энэ хөнгөлөлтөд хамаарна. Бүх төрлийн татвараа төлж чадаагүй хүмүүст торгууль, алданги тооцохгүй. Түрээсийн төлбөрийн хэмжээг бууруулсан ААН-үүдийн түрээсийн орлогод нь ногдуулах татварыг чөлөөлнө. Зах, худалдааны төвүүд, үйлдвэр үйлчилгээний газрууд, хувийн сургууль цэцэрлэг, хүүхэд харах үйлчилгээний зориулалттай байр талбай хамаарагдана.

        СӨҮЛ ТОКИОГООС ИРСЭН ТУСГАЙ ҮҮРГИЙН ОНГОЦООР МОНГОЛ УЛСЫН ЕРӨНХИЙЛӨГЧ АСАН Ц.ЭЛБЭГДОРЖ СУМОГИЙН ИХ АВАРГА Д.ДАВГАДОРЖ НАР ИРЛЭЭ

Улсын онцгой комиссын шуурхай штаб хуралдаж, дөрөвдүгээр сарын 2 болон 3-нд Сөүлээс 251, Токиогоос 276 иргэнээс тусгай үүргийн онгоцоор авч ирлээ. Иргэдийг тусгаарлагдах байруудад хуваарилан байрлуулж ХӨСҮТ-д Токиогийн нислэгийн 64 хүнийг тусгаарлалаа.  Токиогоос ирсэн онгоцонд Монгол Улсын Ерөнхийлөгч асан Ц.Элбэгдорж Сумогийн их аварга даьгадорж ыагтан иржээ. Ерөнхийлөгч асан Ц.Элбэгдорж элэг нэгт ахан дүүс, журмын нөхөд, сэтгэл сайт хүмүүс тосон авсанд чин сэтгэлээсээ талархаж буйгаа фэйсбүүк, твиттер хуудсаараа дамжуулан илэрхийлээд байна. 

УИХ-ЫН ДАРГА Г.ЗАНДАНШАТАРТ УИХ-ЫН ГИШҮҮН Б.БАТЗОРИГ БҮРЭН ЭРХЭЭСЭЭ ТҮДГЭЛЗЭХ ХҮСЭЛТЭЭ ӨГЛӨӨ

УИХ энэ асуудлыг Хуульд зааснаар 14 хоногт багтаан шийдвэрлэх ёстой. Тодруулж хэлбэл, хүсэлтийг өргөн барьснаас хойш долоо хоногт багтаан Байнгын хороогоор, мөн дараагийн долоо хоногт нь УИХ-ын чуулганы нэгдсэн хуралдаанаар хэлэлцэн шийдвэрлэх ёстой. УИХ-ын хаврын чуулган 4-р сарын 6-нд эхэлнэ. Тиймээс Б.Батзориг гишүүний бүрэн эрхийг түдгэлзүүлэх хүсэлтийг ирэх долоо хоногт хэлэлцэж эхэлнэ. Жижиг, дунд үйлдвэрлэлийг хөгжүүлэх сантай холбоотой хэрэгт нэр холбогдсон УИХ-ын гишүүн Б.Батзоригт холбогдох хэргийн шүүх хурал өнгөрсөн 3-р сарын 17-нд товлогдсон ч Хяналтын прокурор Р.Батнасан нь эрүүгийн хэрэг хянан шийдвэрлэх хойшлуулшгүй ажиллагаанд оролцох болсон үндэслэлээр шүүх хуралдаан хойшлогдсон юм.

ИПОТЕКИЙН ЗЭЭЛИЙН ЭРГЭН ТӨЛӨЛТИЙГ ГУРАВ ХҮРТЭЛХ САРААР ХОЙШЛУУЛАХ ШИЙДВЭР ГАРЛАА

Зээлдэгчийн зээлийн эргэн төлөх нөхцөлийг дахин өөрчлөх, эргэн төлөлтийн доголдолтой зээлийн ангилал, зээлийн түүхийг түр хугацаанд бууруулахгүй байх асуудлыг бие даан шийдвэрлэх боломжийг банкуудад олгоод байна.  Зээлдэгчид зээлийн үндсэн болон хүүгийн төлбөрөө түр хугацаагаар эргүүлэн төлөх боломжгүй тохиолдолд тухайн зээлдэгчийн зээлийн ангиллыг хэвээр үлдээж, Зээлийн мэдээллийн санд ангилал бууруулж мэдээлэхгүй байх боломжийг бүрдүүлж байна. Үүнд төрөөс хэрэгжүүлж буй орон сууцны ипотекийн хөнгөлөлттэй хүүтэй зээл авсан иргэдийг хамруулах зорилгоор Монголбанк, Сангийн яам, Монголын Ипотекийн Корпораци ОССК ХХК болон банкууд хамтран дараах шийдвэрийг гаргалаа.

Үүнд:

1. Орон сууцны ипотекийн 8 эсхүл 5 хувийн хүүтэй зээл авсан иргэн зээлийн эргэн төлөлтийн хуваарьт өөрчлөлт оруулах хүсэлт гаргасан тохиолдолд зээлийн үндсэн болон хүүгийн төлбөрийг нэг удаа 3 хүртэлх сараар хойшлуулж, тухайн хугацаагаар зээлийн эргэн төлөлтийн хуваарийг уртасгах;
2. Зээлийн эргэн төлөлтөд нь 2020 оны 1 дүгээр сарын 31-ний өдрөөс хойш доголдол үүссэн зээлдэгчид энэхүү зохицуулалт үйлчлэх боломжтой бөгөөд доголдол үүссэн хуваарьт өдрөөс эхлэн эргэн төлөлтийг хойшлуулах хугацааг тооцох;
3. Зээлдэгч зээлийн эргэн төлөлтөд өөрчлөлт оруулах хүсэлтээ 2020 оны 5 дугаар сарын 1-ний өдрөөс өмнө харилцагч банкиндаа гаргана

ИНЭЭДЭЭР ДАРХЛААГАА  ДЭМЖИХ ЦАХИМ ТОГЛОЛТ БОЛЛОО

Хошин урлагийн продакшнууд нэгдэж инээдмийн баяраар цахим тоглолт зохион байгууллаа. Үнэ төлбөргүйгээр үзэгчдэд хүрсэн уг тоглолтоороо иргэдийн элгийг “эмчилж”, дархлааг дэмжих зорилготой хэмээж мэдэгдэж байлаа  "Инээдээр дархлаагаа дэмжье" live тоглолт нийт 1.2 сая үзэгчдэд  үзсэн байна Харин  олон нийтийн зүгээс хошин урлагийнхан хошин байсангүй хэмээн олон нийтийн сүлжээгээр шүүмжлэлтэй хандсан юм

  "НИКИТОН" ХАМТЛАГ АНХ УДАА ҮЗЭГЧГҮЙ АЛГА ТАШИЛТГҮЙ ТОГЛОЛТ СОНИН МЭДРЭМЖ ТӨРҮҮЛСЭНЭЭ ИЛЭРХИЙЛЛЭЭ  

 Хөл хорио тогтоож, урлаг соёл, олон нийтийн арга хэмжээг хориглосон ч уран бүтээлчид лайваар үзэгчдэдээ тоглолтоо хүргэсээр байна. Энэ удаад  “Никитон”-ы “Монголдоо хайртай” тоглолт  Боловсрол суваг телевиз, "Ard News", "Монголдоо хайртай" фэйсбүүк хуудсаар шууд үзэгчдэд хүрлээ. Тоглолтын үеэр “Никитон” хамтлагийнхан анх удаа үзэгчгүй, алга ташилтгүй тоглолт маш сонин мэдрэмж төрүүлж байгаагаа илэрхийллээ.

ДҮҮРГИЙН ТАТВАРЫН ХЭЛТСИЙН ДАРГА АСАНГ ЦАГДАН ХОРЬЖ АНХААРАЛ ТАТСАН ХЭРГҮҮДИЙН ШҮҮХ ХУРАЛ ХОЙШИЛЛОО 

АТГ-ын Мөрдөн байцаах хэлтсээс Нийслэлийн  Баянзүрх дүүргийн Татварын хэлтсийн хяналт шалгалтын хэлтсийн дарга асан Н.Батсүхийг 4-р сарын 2-ноос 3 нд шилжих шөнө цагдан хорилоо   Түүнд компаниудыг дарамталж, их хэмжээний авлига авсан гэх хэргээр гүйцэтгэх ажиллагаа явуулсан байна Н.Батсүх нь энэ оны 2-р  сард ажлаасаа гарсан бөгөөд компаниудын актыг багасган өгч, авлига авдаг байсан гэдгийг албаны эх сурвалж хэлж байна. АТГ-ын мөрдөн байцаагчид Н.Батсүхийн гэрт нэгжлэг хийж, 65 сая төгрөг, 10 мянган ам.доллар хураан авч, өөрийг нь цагдан хорих 461 дүгээр хорих ангид саатуулжээ

УБТЗ-ын дарга асан Л.Пүрэвбаатар Зам тээврийн яамны газрын дарга асан Б.Махбал нарын шүүх хурал дахин хойшиллоо.

Улаанбаатар төмөр замын дарга асан Л.Пүрэвбаатарыг шүүх хурал дахин хойшилоо. Тодруулбал, хохирогчийн талаас гаргаж өгсөн нотлох баримттай шүүгдэгчийн өмгөөлөгч нар танилцах, мөн Баянгол дүүргийн татварын хэлтсээс тодорхой баримт гаргуулах зэрэг хүсэлтийг хүлээн авч шүүх хуралдаанд талуудын мэтгэлзэх боломжийг хангах үүднээс шүүх хуралдааныг 2020 оны дөрөвдүгээр сарын 15-ны 09.00 цаг хүртэл хойшлуулав. Мөн Сүхбаатар дүүргийн эрүүгийн хэргийн анхан шатны шүүхэд шүүгдэгч Б.Махбалд холбогдох эрүүгийн хэргийн шүүх хуралдаан   /2020.04.01/ 14.00 цагт эхэлсэн юм. Шүүх хуралдаанд шүүгдэгчийн өмгөөлөгч Ш.Мягмарцэрэн, Д.Батбаяр нараас шүүх хуралдаан давхцсан тул өнөөдрийн шүүх хуралдааныг хойшлуулж өгнө үү гэсэн хүсэлт ирүүлсэн, мөн шүүгдэгч шинээр өмгөөлөгч нэмж авсан бөгөөд уг өмгөөлөгчийн зүгээс хэргийн материалтай танилцах хүсэлт гаргасан, хохирогчийн хууль ёсны төлөөлөгч шүүх хуралдаанд шинжээч эмч оролцуулах хүсэлтийг тус тус гаргажээ.  Иймд шүүх талуудын гаргасан хүсэлтийг хүлээн авч шүүх хуралдааныг 2020 оны дөрөвдүгээр сарын 20-ны өдрийн 10.00 цаг хүртэл хойшлууллаа.