ХӨСҮТ-ийн захирал Д.Нямхүү:  "Токио-Улаанбаатар чиглэлийн тусгай онгоцоор нийт 265 хүн ирснээс ХӨСҮТ-д 64 хүнийг тусгаарлааад байна.  184 хүн "Токио ин" зочид буудалд буусан.  Өнөөдрийн байдлаар ХӨСҮТ-д 246 хүн ажиглалт, хяналтад байна. Сөүл-Улаанбаатар, Токио-Улаанбаатар чиглэлээр ирсэн нийт 104 хүнийг тусгаарлан ХӨСҮТ-д хянаж байна. Үүнээс Сөүл-Улаанбаатар чиглэлийн онгоцоор ирж тусгаарлагдсан 37 хүний  шинжилгээний хариунд коронавирус илрээгүй. Мөн тандалтын зорилгоор улсын хэмжээнд хүмүүсийн 27 сорьцод шинжилгээ хийхэд коронавирус илрээгүй. "Амар" зочид буудалд байгаа тусгаарлагдсан 152 хүний шинжилгээг өнөөдөр авч ирэх даваа гаригаас ороо чөлөөлж  дараагийн онгоцоор ирэх иргэдийг хүлээж авах бэлтгэлээ хангана. Өвчтөнүүдийн биеийн байдал тогтвортой сайн байна. Сэжигтэй тохиолдлуудын хариу маргааш гарна. Шинжилгээний хариуг дөрвөн цагийн дотор уншиж гаргах хүчин чадалтай шинэ аппараттай болсон учраас  шинжилгээг   богино хугацаанд хийх боломжтой.   Мөн бусад улсаас дамжин ирсэн хүмүүсээс сонгож, хамгийн онцгой гэж үзсэн хүмүүс болох 64 хүнийг ХӨСҮТ-д авсан. Энэ хүмүүсийн шинжилгээний хариу өнөө орой гарна. Өнөөдрийн хувьд бидний шинжилгээний тактик зарчим зөв байна гэж дүгнэж байгаа.