УИХ-ын гишүүн Баасанхүү: Ерөнхийлөгчийн гаргасан уриалгаас анхаарлаа хандуулсан 3 зүйлд хариулья   Сонгуулийг хойшлуулж болохгүй  Энэ бол маш  буруу  Харин  сонгуулийг  урагшлуулах ёстой.  Одоо ард түмэн шинэ парламент, шинэ төлөвлөгөөтэй ажиллаасай гэж хүсч байна  Зээлийн хүүг бууруулах, НӨАТ-ыг 3 хувьд хүргэх саналыг ард түмэн дэмжиж байна  Харин үүнийг энэ Засгийн газар хийхгүй байна. УИХ-ын ээлжит сонгуулийг хойшлуулахаар бүр хийхгүй гэсэн үг. Тэгэхээр юм хийхгүй УИХ, Засгийн газрыг удаан байлгах нь буруу.   Сонгуулийг хойшлуулах нь  МАН-ынхан  шинэ хүмүүсээ  тойрогтоо олон нийтэд таниулах ажил хийх байх.  Улсын төсөвт тодотгох асуудалд би санал нэг байгаа. Гэхдээ сонгуулийн төсөв 20 тэрбум төгрөг. Төсөв тодотгохын тулд Сангийн яам, ЭМЯ, ХЗДХЯ-ны худалдан авалтыг төсөв тодолтгож хэмнэлт хийх хэрэгтэй. Түүнээс бус сонгуулийн төсвийг танавал хэзээ ч сонгууль хийхгүй гэсэн үг.  20 тэрбум гэдэг чинь санаанаасаа гаргасан тоо биш. Сонгуульд ажиллах, ажиглалт хийх төрийн албан хаагчид, цагдаагийн ажилчдын ажиллах цалин. Нэр дэвшигчдийн гаргах мөнгө бол хувь хүмүүсийн мөнгө. Тэр хүмүүс сонгуульд нэр дэвшээд гарахын тулд хувь хүмүүс хөрөнгө оруулалт хийнэ. Тиймээс төсөв дэх сонгуулийн мөнгийг хэмнэх боломжгүй. Төсөвт тодотгоно гээд харин эсрэгээрээ цэцэрлэгийн багш нарт нөүтбүүк авч өгөхөө түр хойшлуулчих хэрэгтэй.  Хэрвээ сонгууль хойшлуулвал Ерөнхийлөгчид л ашигтай. Жирийн хүмүүс бухимдаж байна. Коронавирусийн халдвараас урьдчилан сэргийлэх асуудлаар манай улс өнөөдөртөө хяналтаа алдаагүй, дотооддоосоо халдварласан иргэн байхгүй.   Түүнээс бус  манайд удаа дараа ковидын халдвар гарсан бол Ерөнхийлөгч уриалж болно. Өнөөдөр Монголд онц байдал зарлаагүй байна. Онц байдлын зөвхөн УИХ зарладаг. Үнэхээр хүнд байгаа бол Ерөнхийлөгч онц байдал зарласан тогтоолоо өргөн бариад УИХ-аар хэлэлцүүлж болно. Түүнээс биш өнөөдрийн тухайд сонгуульд оролцох нэр дэвшигч зарлагдаагүй, сонгогчид хэвийн байна.