Гадаад харилцааны сайд  Цогтбаатар  өнөөдөр  ИБУИНХУ-аас суугаа Элчин сайд Филип Малон, АНУ-аас суугаа Элчин сайд Майкл С. Клечески, Австрали Улсаас суугаа Элчин сайд Дэйв Воусэн, Канад Улсаас суугаа Элчин сайд Кэтрин Ивкоф нарыг хүлээн авч уулзлаа.   Уулзалтын үеэр Гадаад харилцааны сайд Д.Цогтбаатар шинэ корона вирусийн үед  Монгол Улсын авч хэрэгжүүлж байгаа арга хэмжээ болон Япон, БНСУ-аас тусгай үүргийн нислэгээр иргэдээ татан авах  Улсын онцгой комиссоос шийдвэрүүдийн талаар мэдээллээ.   Мөн иргэдээ шинэ коронавирусын халдвараас сэргийлэх, иргэдийн ахуй амьдрал, аж ахуйн нэгжийн үйл ажиллагаанд хэрхэн нөлөөлж байгаа  Засгийн газраас авч хэрэгжүүлж байгаа арга хэмжээг мөн танилцууллаа.  Элчин сайд нар Монгол Улс төр, засгийн байгууллагууд, эмч мэргэжилтнүүд цаг алдалгүй, шуурхай ажиллаж цар тахлын тархалтаас сэргийлж байгаад талархаж энэ аюулт өвчинтэй хамтран тэмцэж ялж гарна гэдэгт итгэлтэй байгаагаа илэрхийллээ